TrendingWORLD

‘ഇത് അവസാനത്തേതല്ല, അടുത്ത മഹാമാരിയ്ക്കായി ലോകം തയ്യാറെടുക്കണം’

ന്യൂയോര്‍ക്ക്: കൊവിഡ് മഹാമാരി ലോകത്തെയാകെ വിഴുങ്ങിക്കൊണ്ടിരിക്കുകയാണ്. കൊവിഡിനെ തുരത്താന്‍ ലോകമെമ്പാടും വാക്സിനുകള്‍ നിര്‍മ്മിക്കുന്നുണ്ടെങ്കിലും ഒന്നും ഈ രോഗബാധയെ പൂര്‍ണ്ണമായും തുടച്ചുമാറ്റാന്‍ പ്രാപ്തമായിട്ടില്ല. വേള്‍ഡോമീറ്റര്‍ പുറത്തുവിട്ട കണക്കുകള്‍ പ്രകാരം 27,485,890 കൊവിഡ് കേസുകളാണ് ലോകമെമ്പാടും ഇതുവരെ റിപ്പോര്‍ട്ട് ചെയ്തിട്ടുള്ളത്. 896,844 പേര്‍ക്കാണ് ഇതുവരെ കൊവിഡ് മൂലം ജീവന്‍ നഷ്ടപ്പെട്ടത്. കൊവിഡ് എന്ന് തീരുമെന്ന ആശങ്കയിലാണ് ലോകജനത മുഴുവന്‍. ഇതിനിടയില്‍ മറ്റൊരു മുന്നറിയിപ്പ് നല്‍കിയിരിക്കുകയാണ് ലോകാരോഗ്യ സംഘടന.

കൊവിഡ് അവസാനത്തെ മഹാമാരിയല്ലെന്ന് ലോകാരോഗ്യ സംഘടന. പകര്‍ച്ച വ്യാധിയും മഹാമാരിയും ജീവിതത്തിലെ യാഥാര്‍ത്ഥ്യമാണൈന്നാണ് ചരിത്രം പഠിപ്പിക്കുന്നത്. എന്നാല്‍ അടുത്ത മഹാമാരി വരുമ്പോഴേക്കും ലോകം തയ്യാറായിരിക്കണം. ഇപ്പോഴുള്ളതിനേക്കാള്‍ കൂടുതല്‍ തയ്യാറായിരിക്കണമെന്ന് ലോകാരോഗ്യ സംഘടന ചീഫ് ടെഡ്രോസ് അഥനം ജനീവയില്‍ പറഞ്ഞു. റഷ്യ വികസിപ്പിച്ചെടുത്ത കൊവിഡ് വാക്സിനായ സ്ഫുട്നിക് വിയുടെ ആദ്യ ബാച്ച് പുറത്തിറങ്ങി. റഷ്യയുടെ ഗമാലേയ നാഷണല്‍ റിസര്‍ച്ച് സെന്റര്‍ ഓഫ് എപ്പിഡെമിയോളജി ആന്റ് മൈക്രോബയോളജിയും റഷ്യന്‍ ഡയറക്ട് ഇന്‍വെസ്റ്റ്മെന്റ് ഫണ്ടും (ആര്‍ഡിഎഫ്) ചേര്‍ന്ന് വികസിപ്പിച്ചെടുത്ത വാക്സിന്‍ വിജയകരമാണെന്ന് പ്രസിഡന്റ് വ്ളാഡിമര്‍ പുടിന്‍ പ്രഖ്യാപിച്ച് ഒരു മാസത്തിന് ശേഷമാണ് വാക്സിന്‍ ജനങ്ങളിലേക്ക് എത്തുന്നത്. റോസ്ഡ്രാവ്നാഡ്സറിന്റെ ലബോറട്ടറികളിലെ ഗുണനിലവാര പരിശോധനകള്‍ പൊതുജനങ്ങളില്‍ നടത്തുമെന്ന് റഷ്യയിലെ ആരോഗ്യ മന്ത്രാലയം പറയുന്നു.

ലോകത്താകമാനം 27.19 മില്ല്യണ്‍ ജനങ്ങള്‍ക്കാണ് ഇതുവരെ കൊവിഡ് ബാധിച്ചിട്ടുള്ളത്. 888,326 ആളുകള്‍ക്ക് കൊവിഡ് മൂലം ജീവന്‍ നഷ്ടപ്പെട്ടിട്ടുണ്ട്. 6,485,575 രോഗികളുമായി അമേരിക്കയാണ് കൊവിഡ് രോഗബാധയില്‍ മുന്നിലുള്ളത്. രണ്ടാമത് 4,277,584 രോഗികളുമായി ഇന്ത്യയാണുള്ളത്. 4,147,794 രോഗികളുമാണ് ബ്രസീലാണ് മൂന്നാമതുള്ളത്. അടുത്ത മഹാമാരി വരുമ്പോള്‍ ലോകം തയ്യാറിയിരിക്കണമെന്ന് ലോകാരോഗ്യ സംഘടന മുന്നറിയിപ്പ് നല്‍കുമ്പോള്‍ ആരോഗ്യവും സുരക്ഷിതവുമാ ഭാവിയിലേക്കുള്ള നിക്ഷേപമെന്ന നിലയില്‍ മെച്ചപ്പെട്ട രീതിയില്‍ കെട്ടിപ്പടുക്കുന്നതിനായി പൊതുജനാരോഗ്യ മേഖലയില്‍ രാജ്യങ്ങള്‍ കൂടുതല്‍ നിക്ഷേപം നടത്തണമെന്ന് ഡബ്ല്യുഎച്ച്ഒ പറഞ്ഞു. സാര്‍സ്, മേര്‍സ്, മീസെല്‍സ്, പോളിയോ, എബോള, ഫ്ളൂ, മറ്റ് രോഗങ്ങള്‍ എന്നിവയില്‍ നിന്ന് മുമ്പ് പാഠം പഠിച്ചതിനാല്‍ നിരവധി രാജ്യങ്ങള്‍ മികച്ച പ്രകടനം നടത്തിയതായി ഡബ്ലുഎച്ച്ഒ പറഞ്ഞു.

Tags
Show More

Related Articles

Leave a Reply

Your email address will not be published. Required fields are marked *

Back to top button
Close