INSIGHTTop News

ഇസ്രായേൽ- യു എ ഇ: മധ്യേഷ്യൻ ഇന്ത്യൻ രാഷ്ട്രീയം മാറ്റിമറിക്കുന്ന നയതന്ത്രം

ദീപ പ്രദീപ്
പശ്ചിമേഷ്യൻ രാഷ്ട്രീയത്തിൽ വലിയ മാറ്റത്തിന് കാരണമായേക്കാം എന്ന് വിലയിരുത്തപ്പെടുന്ന ചരിത്ര തീരുമാനത്തന്റെ ഭാഗമായാണ് യുഎഇയും ഇസ്രായേലും എത്തിച്ചേർന്നിരിക്കുന്നത്.1979ൽ ഈജിപ്തും 1994ൽ ജോർദനും ഇസ്രായേലുമായി സമാധാന കരാറിൽ ഒപ്പുവെച്ചിരുന്നെങ്കിലും യു എ ഇഉൾപെടുന്ന അറബ് രാജ്യങ്ങൾ ഇസ്രായേലിനെ അംഗീകരിക്കുവാനും അവരുമായി ഔപചാരിക നയതന്ത്ര-സാമ്പത്തിക ബന്ധങ്ങൾ പുലർത്തുവാനും തയാറായിരുന്നില്ല.ഈ ഒരു പശ്ചാത്തലത്തിൽ എങ്ങനെയാണ് ഇരു രാജ്യങ്ങളും ഒരു നയതന്ത്ര ഉടമ്പടിയുടെ ഭാഗമായിത്തീർന്നതെന്നും ഇവർക്കിടയിൽ നിലനിന്ന പ്രേശ്നങ്ങൾ എന്തെല്ലാമെന്നും അറിയേണ്ടത് അത്യാവശ്യമാണ്.

രാഷ്ട്രങ്ങൾ തമ്മിലുള്ള ബന്ധങ്ങളും ഇടപാടുകളും സമാധാനപരമായി കൈകാര്യം ചെയ്യുന്ന രീതിയാണ് “നയതന്ത്രം”.ആധുനിക കാലത്ത് വളരെയധികം വ്യവസ്ഥാപിതമായിരുന്നു ഇത്. വിദേശനയം നടപ്പിലാകുന്നത് നയതന്ത്രത്തിലൂടെ ആയതുകൊണ്ട് തന്നെ ഇത് രാഷ്ട്രത്തിന്റെ ഉപകരണം മാത്രമല്ല, രാഷ്ട്ര വ്യവസ്ഥിതിയുടെ സ്ഥാപനങ്ങളിൽ ഒന്നു കൂടിയാണ്.

ഇസ്ലാമിക സംസ്കാരവും പാശ്ചാത്യ സംസ്കാരവും തമ്മിലുള്ള പൊരുത്തക്കേടുകളാണ് അറബ്- ഇസ്രായേൽ സംഘർഷങ്ങൾക്ക് അടിസ്ഥാനം എന്നു വാദിക്കുന്നവരും, ഈ പൊരുത്തമില്ലായ്മ കളെക്കാൾ കൂടുതലായി മതാടിസ്ഥാനത്തിലുള്ള ഭൂമിശാസ്ത്ര വിഭജനങ്ങളാണ് യഥാർത്ഥ കാരണമെന്നു വിശ്വസിക്കുന്ന രണ്ടു വിഭാഗം ഇന്നും നിലനിൽക്കുന്നു. എന്തായാലും ലും പത്തൊമ്പതാം നൂറ്റാണ്ടിന്റെ അവസാനത്തോടെ ആരംഭിച്ച അറബ്-ഇസ്രയേൽ സംഘർഷങ്ങൾക്കാണ് ഇപ്പോൾ വിരാമം സംഭവിച്ചിരിക്കുന്നത്. ഒരു സ്വതന്ത്ര യഹൂദരാജ്യം പാലസ്തീനിൽ സ്ഥാപിക്കണമെന്ന ആവശ്യം ഉന്നയിച്ചുകൊണ്ട് സയണിസ്റ്റുകൾ ബ്രിട്ടന്റെ മേൽ ചെലുത്തിയ സമ്മർദ്ദമാണ് പാലസ്തീൻ ഒരു പ്രശ്നമായി ഉയരുന്നതിന് പ്രധാന കാരണമായത്. ഒരു യഹൂദ രാഷ്ട്രം സ്ഥാപിക്കുന്നതിലൂടെ യൂറോപ്പിലും റഷ്യയിലും മറ്റു രാജ്യങ്ങളിലുമുള്ള യഹൂദജനത അനുഭവിച്ചിരുന്ന മർദ്ദനങ്ങൾക്ക് അറുതി വരുത്തുക എന്നതായിരുന്നു ഈ ലക്ഷ്യത്തിന് കാരണം. ബ്രിട്ടന് യഹൂദന്മാരുടെ സഹായം ആവശ്യമായിരുന്നത് കൊണ്ട് അവർ അറബികളുടെ അറിവില്ലാതെ പാലസ്തീനിൽ യഹൂദന്മാർക്ക് ഒരു മാതൃരാജ്യം വാഗ്ദാനം ചെയ്തു.

1946 ജൂൺ മുതൽ ഭീകരമായ ആഭ്യന്തര സമരം പൊട്ടിപ്പുറപ്പെട്ടു. യഹൂദ -ബ്രിട്ടീഷ് സംഘട്ടനത്തിന്റെ ഫലമായി നിയമസംവിധാനം തകർന്നു. 1948 മെയ് 14ന് ബ്രിട്ടീഷുകാർ പാലസ്തീൻ വിട്ടതോടെ സിയോണിസ്റ്റ് പ്രസ്ഥാനക്കാർ ടെൽ അവിവിൽ സമ്മേളിച്ച സ്വതന്ത്ര ഇസ്രായേൽ നിലവിൽ വന്നതായി പ്രഖ്യാപിക്കുകയും, അന്നുതന്നെ യുഎസ് താൽക്കാലിക ഗവൺമെ ന്റിനെ അംഗീകരിക്കുകയും ചെയ്തു. തുടർന്ന് ജോർദാൻ ,ഈജിപ്ത് സിറിയ ,ലബനാൻ എന്നീ രാജ്യങ്ങൾ ഇസ്രയേലിനെതിരെ യുദ്ധം പ്രഖ്യാപിക്കുകയുമുണ്ടായി. ഇറാഖിനും ലേബനനിനും എതിരെ ഇസ്രായേൽ നടത്തിയ കടന്നാക്രമണങ്ങളും അതേതുടർന്ന് പാലസ്തീൻ മേഖലയിലാകെ ഇസ്രായേലിനെതിരെ വ്യാപകമായി വളർന്ന രോഷവും ചെറുത്തുനിൽപ്പും 1987 ൽ “ഇൻതിഫാദ” (ഇൻതിഫാദ എന്നാൽ ഉയർത്തെഴുന്നേൽപ്പ്, ചെറുത്തുനിൽപ്പ് എന്നർത്ഥം) എന്ന സംഘടിത ചെറുത്തുനിൽപ്പ് പ്രസ്ഥാനത്തിൽ ചെന്നെത്തി.ഇൻതിഫാദയുടെ വ്യാപ്തിയും ശക്തിയും ലോക രാഷ്ട്ര സമൂഹത്തെ ഉണർത്തുകയും, ഐക്യരാഷ്ട്രസഭയും ചില സമാധാന വാദികളായ രാഷ്ട്രങ്ങളും മധ്യസ്ഥതയ്ക്ക് തയ്യാറാവുകയും ചെയ്തു.

വർഷങ്ങൾ നീണ്ടുനിന്ന അറബ് -ഇസ്രായേൽ പ്രശ്നങ്ങൾ സൗഹാർദ്ദപരമായി പരിഹരിക്കാനുള്ള ശ്രമങ്ങൾക്കാണ് അമേരിക്കൻ പ്രസിഡന്റ് ഡൊണാൾഡ് ട്രംപ് വിരാമം കുറിച്ചത്. ചരിത്രപരമായ ഒരു നയതന്ത്ര ബന്ധത്തിനാണ് ട്രംപിന്റെ മധ്യസ്ഥതയിൽ യുഎഇയും ഇസ്രായേലും ഒപ്പു വെച്ചിരിക്കുന്നത്.

Tags
Show More

Related Articles

Back to top button
Close