KERALA

എട്ടാംക്ലാസുകാരി ഒന്നരമാസം ഗര്‍ഭിണി; പീഡിപ്പിച്ചത് മാസങ്ങളോളം

കൊച്ചി: ഇതര സംസ്ഥാന തൊഴിലാളികള്‍ കൂട്ട ബലാല്‍സംഗത്തിനിരയാക്കിയ എട്ടാംക്ലാസുകാരി ഒന്നരമാസം ഗര്‍ഭിണിയെന്ന് ആശുപത്രി അധികൃതര്‍. അമ്മയുടെ മരണത്തോടെ ബന്ധുക്കളുടെ സംരക്ഷണയിലായിരുന്നു പെണ്‍കുട്ടി കഴിഞ്ഞു വന്നിരുന്നത്. പെണ്‍കുട്ടിയുടെ വീടിനടുത്തായി താമസിച്ചിരുന്ന പ്രതികള്‍ കുട്ടിയുമായി സൗഹൃദം സ്ഥാപിക്കുകയും കഴിഞ്ഞ മാര്‍ച്ചില്‍ ബന്ധുക്കള്‍ ഇല്ലാത്ത സമയത്ത് പെണ്‍കുട്ടിയുടെ വീട്ടിലെത്തി ഭീഷണിപ്പെടുത്തി പീഡിപ്പിക്കുകയായിരുന്നു. പിന്നീട് പെണ്‍കുട്ടിയെ പല സ്ഥലങ്ങളില്‍ എത്തിച്ച് പീഡിപ്പിച്ചു. ഇതോടെ കടുത്ത വിഷാദത്തിന് അടിപ്പെട്ട പെണ്‍കുട്ടിയെ വീട്ടുകാര്‍ ഡോക്ടറുടെ അടുത്തെത്തിക്കുകയായിരുന്നു. തുടര്‍ന്ന് ഡോക്ടര്‍ നടത്തിയ കൗണ്‍സിലിംഗിനിടെയാണ് പീഡന വിവരം പെണ്‍കുട്ടി തുറന്നു പറഞ്ഞത്.

തുടര്‍ന്ന് നടത്തിയ വൈദ്യപരിശോധനയിലാണ് പെണ്‍കുട്ടി ഗര്‍ഭിണിയാണെന്നുള്ള വിവരം അറിയുന്നത്. ഇതോടെ വിവരം ഡോക്ടര്‍ പൊലീസിനെ അറിയിക്കുകയും മൂന്ന് യുപി സ്വദേശികളെ പൊലീസ് അറസ്റ്റ് ചെയ്യുകയും ചെയ്തു. യുപി റാംപുര്‍ സിറ്റി സ്വദേശികളായ ഹനീഫ് (28), ഫര്‍ഹാദ് ഖാന്‍ (29), ഹാനുപുര സ്വദേശി ഷാഹിദ് (24) എന്നിവരാണ് അറസ്റ്റിലായത്. കേസിലെ മറ്റു മൂന്നു പ്രതികളും ഇതര സംസ്ഥാന തൊഴിലാളികളാണ്. പോക്സോ നിയമപ്രകാരമാണു കേസ്. നാടുവിട്ട പ്രതികളെ കണ്ടെത്താന്‍ യുപി പൊലീസിന്റെ സഹായം തേടി.

Show More

Related Articles

Back to top button
Close