TrendingWORLD

ഒരു നഗരത്തെ നിമിഷങ്ങള്‍ കൊണ്ട് ഇല്ലാതാക്കാന്‍ സര്‍ ബോംബ; ഭീകര ദൃശ്യങ്ങള്‍ പുറത്തുവിട്ട് റഷ്യ

മോസ്‌കോ: അതിശക്തമായ അണു ബോംബ് പരീക്ഷണത്തിന്റെ വീഡിയോ പുറത്ത് വിട്ട് ലോകത്തെ ഞെട്ടിച്ചിരിക്കുകയാണ് റഷ്യ. 1961 ഒക്ടോബര്‍ 30ന് പരീക്ഷിച്ച ‘സാര്‍ ബോംബ’യുടെ ദൃശ്യങ്ങളാണ് ഇപ്പോള്‍ വീണ്ടും പുറത്തുവിട്ടിരിക്കുന്നത്.1961 ല്‍ ബാരന്റ്സ് കടലില്‍ നടത്തിയ സാര്‍ ബോംബാ എന്ന ആണവായുധത്തിന്റെ പരീക്ഷണ ദൃശ്യങ്ങളാണ് ഇപ്പോള്‍ പുറത്ത് വന്നിരിക്കുന്നത്. 50 മെഗറ്റണ്‍ തെര്‍മോ ന്യൂക്ലിയര്‍ ബോംബ് മൂലമുണ്ടായ സ്‌ഫോടനത്തിന്റെ ദൃശ്യങ്ങള്‍ പിടിച്ചെടുക്കാന്‍ സോവിയറ്റ് ഫോട്ടോഗ്രാഫര്‍മാര്‍ പാടുപെട്ടു.സ്‌ഫോടനത്തില്‍ നിന്ന് നൂറുകണക്കിന് മൈലുകള്‍ അകലെയുള്ള ക്യാമറകള്‍ കുറഞ്ഞ വെളിച്ചത്തില്‍ സജ്ജമാക്കി. ഒരു മേഘ കൂണ്‍ ഉയരുന്നതിന് 40 സെക്കന്‍ഡ് മുമ്ബ് ആകാശത്തേക്ക് ഉയരുന്ന ഒരു അഗ്‌നികുണ്ഡവും ദൃശ്യങ്ങളില്‍ കാണാം. സ്ഫോടനം നടന്ന പ്രദേശത്ത് നിന്നും100 മൈല്‍ അകലെയുള്ള ഒരു വിമാനത്തില്‍ നിന്നുള്ള കൂടുതല്‍ ഫൂട്ടേജുകള്‍ അന്തരീക്ഷത്തിലേക്ക് ഉയരുന്ന കൂണ്‍ മേഘത്തെ പിടിച്ചെടുത്തു.

അതിന്റെ ഏറ്റവും ഉയര്‍ന്ന സമയത്ത്, മേഘം 213,000 അടി ഉയരത്തില്‍ വായുവിലേക്ക് ഉയര്‍ന്നു.ആറ് പതിറ്റാണ്ടായി ക്രെംലിന്‍ രഹസ്യമായി സൂക്ഷിച്ചിരിക്കുന്ന ഈ ദൃശ്യങ്ങള്‍ ഓഗസ്റ്റ് 20 ന് റഷ്യന്‍ സ്റ്റേറ്റ് ന്യൂക്ലിയര്‍ ഏജന്‍സിയായ റോസാറ്റോം ഏജന്‍സി സ്ഥാപിച്ചതിന്റെ 75-ാം വാര്‍ഷികം ആഘോഷിക്കുന്നതിന്റെ ഭാഗമായാണ് പുറത്തുവിട്ടത്. ആര്‍ട്ടിക്കിലെ ബാരന്റ് കടലിലാണ് വിമാനത്തില്‍ നിന്ന് ഈ ബോംബ് പരീക്ഷിച്ചത്. 26.5 ടണ്‍ ഭാരമുള്ള ഈ ബോംബ് പൊട്ടിയപ്പോള്‍ അതിന്റെ ആഘാതം നിരീക്ഷിച്ചത് 162 മൈലുകള്‍ക്കപ്പുറത്ത് ബങ്കര്‍ ഉണ്ടാക്കി അതിനുള്ളില്‍ നിന്നായിരുന്നു.ഏതാണ് 50 മെഗാടണ്‍ ശേഷിയുള്ള സ്ഫോടനമാണ് അന്ന് നടന്നത്. ലോകത്ത് രേഖപ്പെടുത്തപ്പെട്ടതില്‍ ഏറ്റവും വലിയ അണുബോബ് പരീക്ഷണമായിരുന്നു സാര്‍ ബോംബയുടേത്. ഹൈഡ്രജന്‍ ഫ്യൂഷന്‍ ബോംബാണ് ഇത്.ഒരു നഗരം ഇല്ലാതാകാന്‍ വെറും നിമിഷങ്ങള്‍ മാത്രം മതി. സാര്‍ ബോംബ പൊട്ടിത്തെറിക്കുന്നതോടെ ആ സ്ഥലത്ത് റിക്ടര്‍ സ്‌കെയിലില്‍ അഞ്ച് രേഖപ്പെടുത്തുന്ന ഭൂകമ്പമുണ്ടാകും. 100 മൈലുകള്‍ക്കപ്പുറത്ത് സ്ഥാപിച്ച ക്യാമറയിലാണ് ഈ ദൃശ്യങ്ങള്‍ പതിഞ്ഞത്. ലോകം സാര്‍ ബോംബയെന്ന് വിശേഷിപ്പിക്കുമ്പോള്‍ റഷ്യ ഇതിനെ ഇവാന്‍ എന്നാണ് വിളിക്കുന്നത്.

Tags
Show More

Related Articles

Back to top button
Close