വിജയവാഡ: ഓഗസ്റ്റ് അവസാനത്തോടെ സ്‌കൂളുകള്‍ വീണ്ടും തുറക്കാന്‍ സംസ്ഥാന സര്‍ക്കാര്‍ ആലോചിക്കുന്നതായി ആന്ധ്രാപ്രദേശ് വിദ്യാഭ്യാസ മന്ത്രി ആദിമുലപു സുരേഷ്. ഇതിനൊപ്പം സര്‍ക്കാര്‍ സ്‌കൂളുകളുടെ നവീകരണവും ലക്ഷ്യമിടുന്നുണ്ട്. സ്‌കൂളുകള്‍ പുതുക്കിപ്പണിയാനുള്ള സര്‍ക്കാരിന്റെ പദ്ധതിയെക്കുറിച്ച് സംസാരിക്കുകയായിരുന്നു അദ്ദേഹം, ‘സര്‍ക്കാര്‍ സ്‌കൂളുകളുടെ അടിസ്ഥാന സൗകര്യങ്ങളും അവ പുതുക്കിപ്പണിത് കോര്‍പ്പറേറ്റ് സ്‌കൂളുകള്‍പോലെ മാറ്റാനും ഉദ്ദേശമുണ്ട്. 45,000 ഓളം സ്‌കൂളുകള്‍ ഇത്തരത്തില്‍ നവീകരിക്കുമെന്നും വൈദ്യുതീകരണം, ടോയ്ലറ്റ് നിര്‍മ്മാണം, ഫര്‍ണിച്ചറുകള്‍ മാറ്റുക തുടങ്ങിയ ഒമ്പത് വിഷയങ്ങളാണ് പരിഗണിക്കുകയെന്നും ഇതിനായി 3,700 കോടി രൂപ ചെലവഴിക്കുന്നുണ്ട് എന്നും അദ്ദേഹം ഫറഞ്ഞു. ഇന്നുവരെ നിങ്ങള്‍ക്ക് 510 കോടി രൂപ ചെലവഴിച്ചിട്ടുണ്ട്
ക്ലാസുകള്‍ക്കായി ഒരു ഓണ്‍ലൈന്‍ ആപ്ലിക്കേഷന്‍ വികസിപ്പിച്ചെടുത്തിട്ടുണ്ട് . മുഴുവന്‍ പ്രക്രിയയും വളരെ സുതാര്യമായ രീതിയിലാണ് നടപ്പിലാക്കുന്നത്. ഇത്തരമൊരു പരിപാടി വിപുലമായ രീതിയില്‍ നടത്തുന്ന രാജ്യത്തെ ആദ്യ സംസ്ഥാനമാണ് ആന്ധ്രാപ്രദേശ് എന്നും അദ്ദേഹം കൂട്ടിച്ചേര്‍ത്തു. ഏകദേശം 12,000 കോടി രൂപ ചെലവഴിക്കുന്ന ഈ പദ്ധതി 2-3 വര്‍ഷത്തിനുള്ളില്‍ പൂര്‍ത്തീകരിക്കുമെന്നും എപിയിലെ 45,000 സ്‌കൂളുകളെല്ലാം പൂര്‍ണ്ണമായും നവീകരിക്കുമെന്നും മന്ത്രി ഉറപ്പു പറയുന്നുണ്ട്. ‘കോവിഡ് -19 പാന്‍ഡെമിക് കണക്കിലെടുത്ത്, ഓണ്‍ലൈന്‍ വിദ്യാഭ്യാസത്തിലേക്കു മാറുകയാണ്, എന്നും സുരേഷ് അറിയിച്ചു വിദ്യാര്‍ത്ഥികളുടെ പരാതികള്‍ പരിഹരിക്കുന്നതിനായി ടോള്‍ ഫ്രീ നമ്പര്‍ പുറത്തിറക്കുകയും ചെയ്തിട്ടുണ്ട്.
