INDIANEWS

കര്‍ണാടകയില്‍ നവംബര്‍ 17 മുതല്‍ കോളേജുകള്‍ തുറന്നു പ്രവര്‍ത്തിക്കും


ബംഗളൂരു: കോവിഡ് മഹാമാരി മൂലം അടച്ചിട്ട കോളജുകള്‍ നവംബര്‍ 17 മുതല്‍ തുറന്നു പ്രവര്‍ത്തിക്കുമെന്ന് കര്‍ണാടക സര്‍ക്കാര്‍. എന്നാല്‍ ആവശ്യമുള്ള വിദ്യാര്‍ത്ഥികള്‍ക്ക് ഓണ്‍ലൈന്‍ വഴി പഠനം തുടരാമെന്നും സര്‍ക്കാര്‍ അറിയിച്ചു.ഡിഗ്രി, ഡിപ്ലോമ, എഞ്ചിനീയറിങ് കോളജുകളാണ് തുറക്കുന്നത്. കര്‍ണാടകയിലെ നിരവധി സ്ഥാപനങ്ങളില്‍ മലയാളി വിദ്യാര്‍ത്ഥികള്‍ പഠിക്കുന്നുണ്ട്. നവംബറോടെ ഡിഗ്രി ക്ലാസുകള്‍ ആരംഭിക്കുമെന്ന് നേരത്തെ തന്നെ സര്‍ക്കാര്‍ വ്യക്തമാക്കിയിരുന്നു.വിദ്യാലയങ്ങള്‍ തുറക്കുന്നതുമായി ബന്ധപ്പെട്ട മാര്‍ഗ നിര്‍ദേശങ്ങള്‍ ഈയിടെ കേന്ദ്ര ആഭ്യന്തര മന്ത്രാലയം പുറത്തിറക്കിയിരുന്നു. സ്‌കൂളുകള്‍ എന്ന് തുറക്കും എന്നതില്‍ സര്‍ക്കാര്‍ തീരുമാനം കൈക്കൊണ്ടിട്ടില്ല. രാജ്യത്തുടനീളമുള്ള സര്‍വകലാശാലകള്‍ വീണ്ടും തുറക്കാനുള്ള ശ്രമങ്ങള്‍ ആരംഭിച്ചിട്ടുണ്ട്. നവംബര്‍ രണ്ടു മുതല്‍ ഘട്ടം ഘട്ടമായി തുറക്കാന്‍ ആരംഭിക്കുമെന്ന് ഈയിടെ ജവഹര്‍ലാല്‍ നെഹ്റു യൂണിവേഴ്സിറ്റി അധികൃതര്‍ അറിയിച്ചിരുന്നു.

Tags
Show More

Related Articles

Leave a Reply

Your email address will not be published.

Back to top button
Close