INDIANEWS

കര്‍ഷക പ്രതിഷേധത്തില്‍ പങ്കെടുത്തിരുന്ന 25കാരി കൊവിഡ് ബാധിച്ച് മരിച്ചു

ന്യൂഡല്‍ഹി: കൊവിഡ് ഭീതിയില്‍ ഡല്‍ഹിയിലെ കര്‍ഷകസമരവേദിയും. ഡല്‍ഹിയിലെ തിക്‌രി അതിര്‍ത്തിയില്‍ പ്രതിഷേധത്തില്‍ പങ്കെടുത്തിരുന്ന 25കാരി കൊവിഡ് ബാധിച്ച് മരിച്ചു. പശ്ചിമ ബംഗാള്‍ സ്വദേശിയായ മൊമിതയാണ് മരിച്ചതെന്ന് ഹരിയാന സര്‍ക്കാര്‍ അറിയിച്ചു.ബംഗാള്‍ നിയമസഭ തെരഞ്ഞെടുപ്പില്‍ ബി.ജെ.പിക്കെതിരെ പ്രചാരണം നടത്തിയവരില്‍ മൊമിതയുമുണ്ടായിരുന്നു.

ഏപ്രില്‍ 26നാണ് ഇവര്‍ക്ക് രോഗലക്ഷണങ്ങള്‍ കാണിച്ചത്. തുടര്‍ന്ന് അന്നുതന്നെ ഇവരെ ഹരിയാനയിലെ ജി.എച്ച് ബഹദൂര്‍ഗഡ് ആശുപത്രിയിലെത്തിച്ചിരുന്നു. എന്നാല്‍ അവിടെ പ്രവേശനം ലഭിച്ചില്ല. തുടര്‍ന്ന് റോത്തക്കിലെ പി.ജി.ഐ.എം.എസ് ആശുപത്രിയിലെത്തിയിലെത്തിച്ചു. കൊവിഡ് രോഗികളെകൊണ്ട് നിറഞ്ഞിരുന്നതിനാല്‍ മൊമിതയെ അവിടെയും പ്രവേശിപ്പിച്ചില്ല. തുടര്‍ന്ന് ബഹദൂര്‍ഗഡിലെ ശിവം ആശുപത്രിയില്‍ പ്രവേശിപ്പിക്കുകയായിരുന്നു. എന്നാല്‍ ഇതിനിടയില്‍ മൊമിതയുടെ ആരോഗ്യനില വഷളാകുകയും വെള്ളിയാഴ്ച രാവിലെയോടെ മരിക്കുകയുമായിരുന്നു.

ആറുമാസത്തോളമായി ഡല്‍ഹിയിലെ സിംഘു, തിക്‌രി, ഗാസിപുര്‍ അതിര്‍ത്തികളില്‍ കേന്ദ്രസര്‍ക്കാറിന്റെ കാര്‍ഷിക നിയമങ്ങള്‍ക്കെതിരെ പ്രക്ഷോഭം തുടരുകയാണ് പഞ്ചാബ്, ഹരിയാന, ഉത്തര്‍പ്രദേശ് സംസ്ഥാനങ്ങളിലെ കര്‍ഷകര്‍. കാര്‍ഷിക നിയമങ്ങള്‍ പിന്‍വലിക്കണമെന്നും വിളകള്‍ക്ക് അടിസ്ഥാന താങ്ങുവില ഏര്‍പ്പെടുത്തണമെന്നുമാണ് കര്‍ഷകരുടെ ആവശ്യം.

Tags
Show More

Related Articles

Leave a Reply

Your email address will not be published. Required fields are marked *

Back to top button
Close