Breaking NewsElection 2021KERALANEWSTop News

കാസർകോട് ഇക്കുറി തീപാറും പോര്; ഏഷ്യാനെറ്റ് ന്യൂസ്- സീ ഫോർ സർവെ ഫലം ഇങ്ങനെ

കാസർകോട്: ഏഷ്യാനെറ്റ് ന്യൂസ് – സീ ഫോർ പോസ്റ്റ് പോൾ സർവെ ഫലം പ്രഖ്യാപിക്കുന്നു. കാസർകോട് ജില്ലയിൽ ഇക്കുറി ഇഞ്ചോടിഞ്ച് പോരാട്ടമെന്നാണ് സർവെ വിലയിരുത്തുന്നത്. കാസർകോട് മണ്ഡലത്തിൽ ഇക്കുറി യുഡിഎഫ് സ്ഥാനാർത്ഥി എൻ എ നെല്ലിക്കുന്ന് വിജയിക്കുമെന്നും ബിജെപി സ്ഥാനാർത്ഥി രണ്ടാം സ്ഥാനത്ത് എത്തുമെന്നും സർവെ പറയുന്നു. കാസർകോടും ഇടത് സ്ഥാനാർത്ഥി മൂന്നാം സ്ഥാനത്ത് പോകുമെന്നാണ് സർവെ ഫലം.

ഉദുമയിൽ ഇക്കുറി ശക്തമായ മത്സരമാണെന്ന് സർവെ പറയുന്നു. നേരിയ മുൻതൂക്കം ഇടത് മുന്നണിക്കാണെന്നും സർവെ പറയുന്നു. സിപിഎം നേതാവ് സി എച്ച് കുഞ്ഞമ്പു വിജയിക്കുമെന്നാണ് സർവെ പ്രവചിക്കുന്നത്. 34 വർഷം മുൻപാണ് കോൺഗ്രസ് അവസാനമായി കാസർഗോഡ് ജില്ലയിൽ നിയമസഭ തിരഞ്ഞെടുപ്പിൽ വിജയിക്കുന്നത്. 1987 ൽ ഉദുമയിലായിരുന്നു ഇത്. നിലവിലെ കെപിസിസി ജനറൽ സെക്രട്ടറി കെപി കുഞ്ഞിക്കണ്ണനായിരുന്നു മണ്ഡലം പിടിച്ചത്. സിപിഎമ്മിലെ കെ പുരുഷോത്തമനെ 7845 വോട്ടുകൾക്കായിരുന്നു കെപി കുഞ്ഞിക്കണ്ണൻ പരാജയപ്പെടുത്തിയത്.

കാഞ്ഞങ്ങാട് നിയോജക മണ്ഡലത്തിൽ റവന്യൂ മന്ത്രിയും സിപിഐ നേതാവുമായ ഇ ചന്ദ്രശേഖരൻ വലിയ ഭൂരിപക്ഷത്തോടെ വിജയിക്കുമെന്നാണ് സർവെ പ്രവചിക്കുന്നത്. തൃക്കരിപ്പൂർ മണ്ഡലത്തിൽ എൽഡിഎഫ് സുരക്ഷിതരാണെന്നും മണ്ഡലം നിലനിർത്തുമെന്നും സർവെ പറയുന്നു.

മഞ്ചേശ്വരം മണ്ഡലത്തിൽ ഇക്കുറി പ്രവചനാതീത മത്സരമെന്ന് ഏഷ്യാനെറ്റ് ന്യൂസ്- സീഫോർ സർവെ. ബിജെപിയും മുസ്ലീം ലീ​ഗും തമ്മിലാണ് നേർക്കുനേർ പോരാട്ടം. നേരിയ ഭൂരിപക്ഷത്തോടെ മുസ്ലീം ലീ​ഗ് സ്ഥാനാർത്ഥി എ കെ എം അഷറഫ് വിജയിക്കുമെന്നാണ് സർവെ പ്രവചിക്കുന്നത്. 2011 ലെ നിയമസഭാ തെരഞ്ഞെടുപ്പിൽ നൂറിൽ താഴെ വോട്ടിന് കൈവിട്ട മണ്ഡലം തിരികെ പിടിക്കാൻ ബിജെപി സംസ്ഥാന അധ്യക്ഷൻ കെ സുരേന്ദ്രൻ തന്നെയാണ് രം​ഗത്തിറങ്ങിയത്. മുസ്ലിം ലീ​ഗിന്റെ സീറ്റിൽ എകെഎം അഷ്റഫിലൂടെ മണ്ഡലം നിലനി‍ർത്താൻ യുഡിഎഫ് ശ്രമിച്ചപ്പോൾ അട്ടിമറി വിജയപ്രതീക്ഷയിലാണ് എൽഡിഎഫ് ക്യാംപ്. വിവി രമേശനാണ് മഞ്ചേശ്വരത്തെ നയിക്കാൻ സിപിഎം മുന്നോട്ട് വെച്ച സ്ഥാനാർത്ഥി.

തെരഞ്ഞെടുപ്പ് കഴിഞ്ഞ് ആഴ്ചകൾ പിന്നിട്ടിരിക്കുന്നു. ഫലമറിയാൻ ഇനി മണിക്കൂറുകളുടെ കാത്തിരിപ്പ് മാത്രമാണ്. ഈ ഘട്ടത്തിൽ ഏഷ്യാനെറ്റ് ന്യൂസും സീ ഫോ‍റും ചേർന്ന് നടത്തിയ പോസ്റ്റ് പോൾ സർവേയിൽ മണ്ഡലത്തിൽ നടന്നത് അതിശക്തമായ പോരാട്ടമാണെന്ന് വ്യക്തമാക്കുന്നു. മൂന്നാം സ്ഥാനത്ത് ഇടതുമുന്നണി സ്ഥാനാർത്ഥി എത്തുമെന്ന് പറയുന്നു. അതേസമയം ഒന്നാം സ്ഥാനത്തേക്ക് എകെഎം അഷ്റഫും കെ സുരേന്ദ്രനും ശക്തമായ മത്സരം കാഴ്ചവെച്ചു. എകെഎം അഷ്റഫിന് നേരിയ മുൻതൂക്കം കിട്ടിയേക്കുമെന്നും സ‍ർവേയിലൂടെ വ്യക്തമായി.

Tags
Show More

Related Articles

Leave a Reply

Your email address will not be published. Required fields are marked *

Back to top button
Close