KERALANEWS

കേരളത്തില്‍ പക്ഷിപ്പനി സ്ഥിരീകരിച്ച സാഹചര്യത്തില്‍ പാലക്കാട് അതിര്‍ത്തിയില്‍ തമിഴ്നാട് വാഹന പരിശോധന ശക്തമാക്കി

പാലക്കാട്: കേരളത്തില്‍ പക്ഷിപ്പനി സ്ഥിരീകരിച്ച സാഹചര്യത്തില്‍ പാലക്കാട് അതിര്‍ത്തിയില്‍ തമിഴ്നാട് വാഹന പരിശോധന ശക്തമാക്കി. ചെക്പോസ്റ്റുകളില്‍ 24 മണിയ്ക്കൂറും പരിശോധന ഏര്‍പ്പെടുത്തിയിട്ടുണ്ട്. ഗോവിന്ദാപുരത്തിനടുത്ത മീനാക്ഷിപുരം ചുങ്കം, ചെമ്മണാമ്പതി, കുപ്പാണ്ട കൗണ്ടന്നൂര്‍, വാളയാര്‍, വേലന്താവളം, നടുപ്പുണി, ഗോപാലപുരം എന്നീ അതിര്‍ത്തി പ്രദേശങ്ങളിലാണ് പരിശോധന. വെറ്റിനറി ഡോക്ടര്‍, രണ്ടാ സഹായികള്‍ ഒരുപോലിസ് എന്നിവരടങ്ങുന്ന സംഘമാണ് പരിശോധന നടത്തുന്നത്.

കേരളത്തില്‍നിന്ന് കടന്നുപോവുന്ന ചരക്കുവാഹനങ്ങള്‍, കോട്ടയം, എറണാകുളം, ഇടുക്കി, ആലപ്പുഴ ജില്ലകളിലെ രജിസ്റ്റര്‍ നമ്പറുള്ള എല്ലാവാഹനങ്ങളുടെയും ടയറുകളില്‍ അണുനാശിനി തളിച്ചാണ് കടത്തിവിടുന്നത്. അതേസമയം കേരളത്തില്‍നിന്ന് ഇറച്ചിക്കോഴികളോ മറ്റുപക്ഷികളോ ആയി പോവുന്ന എല്ലാവാഹനങ്ങള്‍ക്കും പൂര്‍ണവിലക്കേര്‍പ്പെടുത്തിയിട്ടുണ്ട്. തമിഴ്നാട്ടിലെ ഇറച്ചിക്കോഴികള്‍ കേരളത്തിലിറക്കി മടങ്ങിപ്പോവുന്ന വാഹനങ്ങളും അണുവിമുക്തമാക്കിയാണ് തമിഴ്നാട്ടിലേക്ക് പ്രവേശിപ്പിക്കുന്നത്.

Tags
Show More

Related Articles

Leave a Reply

Your email address will not be published. Required fields are marked *

Back to top button
Close