KERALANEWS

കൈകള്‍കൊണ്ടും നാവുകൊണ്ടും ഒരേസമയം ചിത്രം വരച്ച് എടപ്പാള്‍ സ്വദേശി

മലപ്പുറം: കൈകള്‍കൊണ്ടും നാവുകൊണ്ടും ഒരേസമയം ചിത്രം വരച്ച് മലപ്പുറം എടപ്പാള്‍ എറവറാംകുന്ന് കാങ്കപ്പറമ്പില്‍ ശുഹൈബിന്റെ അത്ഭുതപ്രതിഭാസം ശ്രദ്ധേയമാകുന്നു. അബുദാബിയില്‍ ജോലി ചെയ്തിരുന്ന ഷുഹൈബ് നാട്ടിലെത്തി തിരിച്ചുപോകാന്‍ ഒരുങ്ങുന്ന സമയത്താണ് അവിചാരിതമായി കൊവിഡ് മഹാമാരി പടര്‍ന്നുപിടിക്കുന്നത്. തുടര്‍ന്ന് തിരിച്ചുപോക്ക് നീണ്ടു പോയതോടെ നാട്ടില്‍ കഴിയവെയാണ് വിനോദത്തിനായി ഈ വിചിത്രചിത്രരചന ആരംഭിച്ചത്.

നവമാധ്യമങ്ങളില്‍ ചിത്രരചന തരംഗമായതോടെ നിരവധി പേരാണ് ഷുഹൈബിന് അഭിനന്ദനവുമായി രംഗത്തെത്തുന്നത്. പുതിയതായി ചലച്ചിത്ര താരം ജയസൂര്യയുടെ ചിത്രമാണ് ഇത്തരത്തില്‍ വരയ്ക്കുന്നത്. എറവറാംകുന്ന് കാങ്കപ്പറമ്പില്‍ അബ്ദുല്‍സലാമിന്റേയും ഫാത്തിമ്മയുടേയും ഇളയമകനാണ് ഷുഹൈബ്. നേരത്തെ കാലുകള്‍ കൊണ്ട് ചിത്രം വരച്ചു കൊണ്ടും ഈ യുവാവ് പരീക്ഷണം നടത്തിയിരുന്നു. ഇലകളില്‍ പ്രമുഖരുടെ ചിത്രങ്ങള്‍ വെട്ടിയെടുത്ത് സൂക്ഷിക്കുന്നതായിരുന്നു ഇയാളുടെ പ്രധാന വിനോദം.

ആദ്യമായി വരച്ചതാകട്ടെ ചലച്ചിത്രതാരങ്ങളായ ഇന്ദ്രജിത്തിന്റെയും പൃഥ്വിരാജിന്റെയും ചിതങ്ങള്‍. ഇവ വരക്കുന്ന ദൃശ്യം ഷുഹൈബ് സോഷ്യല്‍ മീഡിയയില്‍ പങ്കുവെച്ചു. ഇന്ദ്രജിത്ത് സുകുമാരന്‍ ചിത്രം ഷെയര്‍ ചെയ്യുകയും അഭിനന്ദനം അറിയിക്കുകയും ചെയ്തതോടെയാണ് ഈ യുവാവിന്റെ വിചിത്ര ചിത്രരചന ജനശ്രദ്ധയാകര്‍ഷിച്ചത്. സഹോദരങ്ങളെ വരച്ചാണ് ചിത്രരചന ആദ്യഘട്ടത്തില്‍ ആരംഭിച്ചത്, കാണുന്ന പോലെയല്ല ഈ ചിത്രരചന, രണ്ടരമണിക്കൂറോളം സമയമെടുത്താണ് ഇത്തരത്തില്‍ ചിത്രങ്ങള്‍ തയാറാക്കുന്നതെന്നും ശുഹൈബ് പറയുന്നു.

Tags
Show More

Related Articles

Leave a Reply

Your email address will not be published. Required fields are marked *

Back to top button
Close