KERALA

കൊവിഡ് ബാധിച്ച് മരിച്ച വിശ്വാസികള്‍ക്ക് സംസ്‌കാര കര്‍മങ്ങള്‍; മാതൃകയായി നെയ്യാറ്റിന്‍കര രൂപത

തിരുവനന്തപുരം:വിശ്വാസാനുസരണ സംസ്‌കാരങ്ങള്‍ കോവിഡ് ബാധിച്ചുമരിച്ചവരുടെ മൃതദേഹങ്ങളോട് കാണിക്കുന്നത് പലയിടത്തും കണ്ടതാണ്. എന്നാല്‍ കൊവിഡ് ബാധിച്ച് മരിച്ച രണ്ടുപേര്‍ക്ക് വിശ്വാസപ്രകാരം സംസ്‌കാര കര്‍മങ്ങള്‍ നടത്തി മാതൃകയായിരിക്കുകയാണ് നെയ്യാറ്റിന്‍കര രൂപത. നെയ്യാറ്റിന്‍കര രൂപതയിലെ സാമൂഹ്യ സംഘടനയായ ഇന്റെഗ്രല്‍ ഡെവലപ്മെന്റ് സൊസൈറ്റിയുടെ നേതൃത്വത്തില്‍ ആരംഭിച്ച സമരിറ്റന്‍സ് ടാസ്‌ക് ഫോഴ്സിന്റെ നേതൃത്വത്തിലാണ് കൊവിഡ് ബാധിച്ച് മരിച്ചവരുടെ സംസ്‌കാരം നടത്തിയത്. മണിവിളയിലെയും മഞ്ചവിളാകത്തിലെയും കൊവിഡ് ബാധിച്ച് മരിച്ച വിശ്വാസികളുടെ സംസ്‌കാര കര്‍മങ്ങളാണു നടത്തിയത്. ഒരേസമയം മണിവിള ഇടവക വികാരി ഫാ.റോബിന്‍ സി പീറ്ററും നിഡ്സ് ഡയറക്ടര്‍ ഫാ.രാഹുല്‍ ബി. ആന്റോയും കര്‍മങ്ങള്‍ക്ക് നേതൃത്വം നല്‍കി. സമരിറ്റന്‍സ് ടാസ് ഫോഴ്സിലെ വോളന്റിയിര്‍മാരും വൈദികരെ സഹായിക്കാനെത്തി. നെയ്യാറ്റിന്‍കര രൂപതയില്‍ മൃതസംസ്‌കാര ചടങ്ങുകള്‍ക്ക് നേതൃത്വം നല്‍കുന്നതിനായി സമരിറ്റന്‍സ് ടാസ്‌ക് ഫോഴ്സ് രൂപീകരിച്ച ശേഷം സമിതിയുടെ നേതൃത്വത്തില്‍ നടന്ന ആദ്യ മൃതസംസ്‌കാര ശുശ്രൂഷയായിരുന്നു ഇത്.ഒരേ പഞ്ചായത്തിലെ ആളുകളായതിനാല്‍ പഞ്ചായത്ത് അധികൃതര്‍ ഒരുമിച്ചാണ് മൃതശരീരങ്ങള്‍ എത്തിച്ചത്. വോളന്റിയര്‍മാരായ ജയരാജ്, വിശ്വനാഥന്‍, രാജേഷ്, എസ്. ആര്‍. ജിജോ, സാം, അനുകുട്ടന്‍, ബിജു, ആന്റണി, ശശികുമാര്‍, ബിജോയ്, രാജ്, ബിബിന്‍ രാജ്, സേവ്യര്‍ എന്നിവരും സഹായികളായെത്തി. ചുരുക്കം ബന്ധുക്കള്‍ പിപിഇ കിറ്റ് ധരിച്ച് ടാസ്ഫോഴ്സിനൊപ്പം സംസ്‌കാര ചടങ്ങുകളില്‍ പങ്കെടുത്തു. ഇത്തരം നല്ല മാതൃകകള്‍ കണ്ടും കേട്ടും മറക്കേണ്ടതല്ല , പാലിക്കാവുന്നതുകൂടിയാണ്.

Tags
Show More

Related Articles

Leave a Reply

Your email address will not be published. Required fields are marked *

Back to top button
Close