KERALANEWS

ഗവ: പ്രസില്‍ മെഷര്‍മെന്റ് ബുക്കുകള്‍ അപ്രത്യക്ഷമായി, വകുപ്പുതല അന്വേഷണം ആരംഭിച്ചു

പാലക്കാട്: ഷൊര്‍ണൂരിലെ ഗവ. പ്രസില്‍ അച്ചടിച്ചുവെച്ച മൂന്ന് മെഷര്‍മെന്റ് ബുക്കുകള്‍ കാണാതായി. 300 ബില്ലുകളുകളാണ് ഒരു ബുക്കിലുള്ളത്. പൊതുമരാമത്ത് പ്രവര്‍ത്തികള്‍ പൂര്‍ത്തീകരിച്ചാല്‍ കരാറുകാര്‍ക്ക് തുക ലഭിക്കുന്നതിന് ബന്ധപ്പെട്ട ഉദ്യോഗസ്ഥര്‍ സര്‍ക്കാരിലേക്ക് നല്‍കുന്ന ബില്ലുകളടങ്ങിയ പുസ്തകമാണ് മെഷര്‍മെന്റ് ബുക്ക്. ഈ മാസം അഞ്ചിന് ബുക്കുകള്‍ കാണാതായതു സംബന്ധിച്ച് അച്ചടി വകുപ്പ് ഡയറക്ടര്‍ക്ക് ഷൊര്‍ണൂര്‍ ഗവ. പ്രസിലെ സ്റ്റോര്‍ കീപ്പര്‍ പരാതി നല്‍കിയയോടെയാണ് സംഭവം പുറത്തായത്.

അച്ചടിച്ച മെഷര്‍മെന്റ് ബുക്കുകള്‍ 25 എണ്ണത്തിന്റെ കെട്ടായാണ് സൂക്ഷിക്കാറുള്ളത്. ഇത്തരത്തില്‍ കെട്ടുകളാക്കിയ 300 ബുക്കുകളാണ് സ്റ്റോറിലെത്തിയത്. ഇതിലെ ഒരു കെട്ടിലാണ് മൂന്ന് ബുക്കിന്റെ കുറവ് കണ്ടെത്തിയത്. സെപ്റ്റംബര്‍ 15ന് ആണ് മൂന്ന് പുസ്തകങ്ങള്‍ കാണാതായത്. അവധിയില്‍ ആയിരുന്നതിനാല്‍ 18 ന് ആണ് ബുക്കുകള്‍ അപ്രത്യക്ഷമായ വിവരം ശ്രദ്ധയില്‍ പെട്ടതെന്ന് സ്റ്റോര്‍ കീപ്പര്‍ ഇ-മെയിലില്‍ നല്‍കിയ പരാതിയില്‍ വ്യക്തമാക്കിയിട്ടുണ്ട്. പുസ്തകം കാണാതായത് സംബന്ധിച്ച് കണക്കുകള്‍ രേഖപ്പെടുത്തുന്ന ഫയലില്‍ രേഖപ്പെടുത്തുകയും ചെയ്തു. വൈകാതെ ആ ഫയലും കാണാതായതോടെയാണ് ഡയറക്ടര്‍ക്ക് പരാതി നല്‍കിയത്.

ഗവ. പ്രസില്‍ അച്ചടിക്കുന്ന മെഷര്‍മെന്റ് ബുക്ക് ബൈന്റിങ് വിഭാഗത്തില്‍ നിന്നാണ് സ്റ്റോറിലേക്ക് മാറ്റുക. എത്ര പുസ്തകം നല്‍കണമെന്ന് ആവശ്യപ്പെടുന്ന കത്ത് ലഭിച്ചാല്‍ മാത്രമേ ബുക്ക് ഈ വിഭാഗത്തില്‍നിന്നും നല്‍കൂ. ഇത് സ്റ്റോറില്‍ വ്യക്തമായി രേഖപ്പെടുത്തുകയും വേണം. സംഭവത്തെക്കുറിച്ച് ഔദ്യോഗികമായി ബന്ധപ്പെട്ടവര്‍ വിശദീകരിക്കുന്നില്ല. അതേസമയം വകുപ്പുതല അന്വേഷണം ആരംഭിച്ചതായാണ് സൂചന.

Tags
Show More

Related Articles

Leave a Reply

Your email address will not be published. Required fields are marked *

Back to top button
Close