KERALANEWS

ചരിത്രപ്രസിദ്ധമായ എരുമേലി പേട്ടതുള്ളല്‍ ഇന്ന് മുതല്‍ ആരംഭിക്കും,പേട്ടതുള്ളലിനായി അന്‍പത് പേര്‍ മാത്രം

പത്തനംതിട്ട : നിയന്ത്രണങ്ങളോടെ ചരിത്രപ്രസിദ്ധമായ എരുമേലി പേട്ടതുള്ളല്‍ ഇന്ന് മുതല്‍ ആരംഭിക്കും.ആകാശത്ത് ശ്രീകൃഷ്ണ പരുന്ത് വട്ടമിട്ടു പറക്കുന്നതോടെ അമ്പലപ്പുഴ ദേശക്കാരുടെയും വെള്ളിനക്ഷത്രം കാണുന്നതോടെ ആലങ്ങാട് ദേശക്കാരുടെയും പേട്ടതുള്ളല്‍ ആരംഭിക്കും.പേട്ടതുള്ളലിനായി അന്‍പത് പേരെ മാത്രം പ്രവേശിപ്പിക്കാനാണ് ഉത്തരവ്.

അമ്പലപ്പുഴ ദേശക്കാരുടെ പേട്ടതുള്ളല്‍ കൊച്ചമ്പലത്തില്‍ നിന്ന് രാവിലെ 11 മണിക്ക് ആരംഭിക്കും. തുടര്‍ന്ന് വാവര് പള്ളിയില്‍ പ്രവേശിച്ച് മതമൈത്രിയുടെ സന്ദേശം ഉദ്‌ഘോഷിച്ച് അയ്യപ്പനും വാവരും തമ്മിലുള്ള സൗഹൃദവും പുതുക്കി പേട്ടതുള്ളല്‍ വലിയമ്പലത്തിലേക്ക് നീങ്ങും. ഉച്ചയ്ക്കുശേഷം ആലങ്ങാട് ദേശക്കാരുടെ പേട്ടതുള്ളല്‍ നടക്കും.

അമ്പലപുഴ പേട്ടതുള്ളല്‍ സംഘത്തിന് അമ്പലപ്പുഴ കര പെരിയോന്‍ എന്‍ ഗോപാലകൃഷ്ണപിള്ള, സംഘം പ്രസിഡന്റ് ആര്‍ ഗോപകുമാര്‍, വൈസ് പ്രസിഡന്റ് ജി ശ്രീകുമാര്‍, ജോ. സെക്രട്ടറി വിജയമോഹന്‍, ഖജാന്‍ജി കെ ചന്ദ്രകുമാര്‍, കമ്മറ്റി അംഗം കെ ടി ഹരികുമാര്‍ എന്നിവര്‍ നേതൃത്വം നല്‍കും. 43 പേരാണ് സംഘത്തിലുള്ളത്. ആലങ്ങാട് സംഘത്തിന് സംഘം പെരിയോന്‍ എ കെ വിജയകുമാര്‍ അമ്പാടത്ത്, യോഗം പ്രതിനിധി പുറയാറ്റ് കളരി രാജേഷ് കുറുപ്പ് എന്നിവരാണ് നേതൃത്വം നല്‍കുന്നത്. അതേസമയം കൊവിഡ് പശ്ചാത്തലത്തില്‍ 60 വയസ് കഴിഞ്ഞവര്‍ക്കും പത്ത് വയസില്‍ താഴെയുള്ളവര്‍ക്കും ആഘോഷങ്ങളില്‍ പങ്കെടുക്കാന്‍ അനുവാദമില്ല.

Tags
Show More

Related Articles

Leave a Reply

Your email address will not be published. Required fields are marked *

Back to top button
Close