INDIANEWS

നഗ്‌നത പ്രദര്‍ശനം :നടനും മോഡലുമായ മിലിന്ദ് സോമനെതിരെ കേസ്

പനാജി:ഗോവയിലെ ബീച്ചിലൂടെ ജന്മദിനത്തില്‍ പൂര്‍ണ നഗ്‌നനായി ഓടിയ നടനും മോഡലുമായ മിലിന്ദ് സോമനെതിരെ കേസെടുത്തു. സൗത്ത് ഗോവ ജില്ലാ പോലീസാണ് കേസെടുത്തത്. 55ആം പിറന്നാളിനാണ് ബീച്ചിലെ ചിത്രം മിലിന്ദ് സോമന്‍ സോഷ്യല്‍ മീഡിയയില്‍ പങ്കുവെച്ചത്. നഗ്‌നത പ്രദര്‍ശിപ്പിച്ചെന്നും അശ്ലീല ചിത്രം പ്രചരിപ്പിച്ചെന്നുമുള്ള പരാതിയിലാണ് നടപടി.

‘എനിക്ക് ജന്മദിനാശംസകള്‍’ എന്ന അടിക്കുറിപ്പോടെയാണ് ഭാര്യ അങ്കിത എടുത്ത ഫോട്ടോ മിലിന്ദ് സോമന്‍ പങ്കുവെച്ചത്. സുരക്ഷാ മഞ്ച് എന്ന സംഘടനയാണ് മിലിന്ദിനെതിരെ പരാതി നല്‍കിയത്. പരാതിയുടെ അടിസ്ഥാനത്തില്‍ സൗത്ത് ഗോവ പൊലീസ് കേസെടുത്തെന്ന് എസ്പി പങ്കജ് കുമാര്‍ സിങ് പറഞ്ഞു.നേരത്തെ നടി പൂനം പാണ്ഡെയെയും ഭര്‍ത്താവിനെയും സമാന വകുപ്പുകള്‍ ചുമത്തി ഗോവ പൊലീസ് കസ്റ്റഡിയിലെടുത്തിരുന്നു.

സര്‍ക്കാര്‍ ഭൂമിയില്‍ അതിക്രമിച്ചുകയറി അശ്ലീല വീഡിയോ ചിത്രീകരണം നടത്തിയെന്ന പരാതിയിലായിരുന്നു നടപടി. ചപോലി ഡാമിന് സമീപമായിരുന്നു ഷൂട്ടിങ്.ബീച്ചിലൂടെ നഗ്‌നനായി ഓടിയ മിലിന്ദ് സോമനെതിരെ നടപടിയെടുക്കാതെ പൂനത്തിനെതിരെ നടപടിയെടുത്തതിനെതിരെ സോഷ്യല്‍ മീഡിയയില്‍ വിമര്‍ശനം ഉയര്‍ന്നിരുന്നു. സ്ത്രീക്കും പുരുഷനും രണ്ട് നിയമമാണോ എന്നാണ് ഉയര്‍ന്ന ചോദ്യം. ഇത് കാപട്യവും കപട സദാചാര ബോധവുമാണെന്നും പരാതി ഉയര്‍ന്നു. പൂനത്തെയും ഭര്‍ത്താവിനെയും പിന്നീട് ജാമ്യത്തില്‍ വിട്ടു. വിമര്‍ശനത്തിന് പിന്നാലെ മിലിന്ദിനെതിരെ കേസെടുക്കുകയും ചെയ്തു.

Tags
Show More

Related Articles

Leave a Reply

Your email address will not be published. Required fields are marked *

Back to top button
Close