Budgetbudget_keralaKERALANEWS

നിയമസഭയിൽ ബജറ്റ് ചർച്ചകൾക്ക് ഇന്ന് തുടക്കമാകും; ചർച്ചകൾക്കായി മാത്രം മൂന്ന് ദിനങ്ങൾ

തിരുവനന്തപുരം: സംസ്ഥാന ബജറ്റിന്മേലുള്ള മൂന്ന് ദിവസത്തെ ചർച്ച ഇന്ന് രാവിലെ ഒൻപത് മണിക്ക് ആരംഭിക്കും. ഡെപ്യൂട്ടി സ്പീക്കർ തുടങ്ങി വക്കുന്ന ചർച്ചയിൽ ബജറ്റ് പ്രഖ്യാപനങ്ങളും സർക്കാർ സ്വീകരിച്ച നടപടികളും മുഖ്യമന്ത്രി വിശദീകരിക്കും. പ്രതിപക്ഷത്തിന്റെ സംശയങ്ങൾക്കും ആരോപണങ്ങൾക്കും പരിഹാരവും നടപടിയുമുണ്ടാകും.

ചോദ്യോത്തരവേളയോടെയാവും ചടങ്ങുകൾ ആരംഭിക്കുക. ബജറ്റിലെ പ്രധാന പ്രഖ്യാപനമായ ഇരുപതിനായിരം കോടിയുടെ രണ്ടാം കോവി‍ഡ് പാക്കേജിനുള്ള പണം നീക്കിവെച്ചില്ലെന്ന ആക്ഷേപം പ്രതിപക്ഷം ഉന്നയിച്ചിരുന്നു. ജനങ്ങളിലേക്ക് നേരിട്ടെത്തിക്കുമെന്ന് പറഞ്ഞ 8900 കോടി ക്ഷേമപെൻഷനുകളുടേത് അടക്കമുള്ള മുൻകാല കുടിശ്ശിക തീർക്കാനുള്ളതാണെന്ന് ധനമന്ത്രിയുടെ വിശദീകരണത്തിനെതിരെയും പ്രതിപക്ഷം രംഗത്തെത്തിയിരുന്നു. വിമർശനങ്ങളിൽ ധനമന്ത്രിയുടെ മറുപടി ചർച്ചക്ക് അവസാനം ഉണ്ടാകും.

രണ്ടാമതും സത്യപ്രതിജ്ഞ ചെയ്ത ദേവികുളം എംഎൽഎ എ.രാജക്കെതിരെ പ്രതിപക്ഷം നൽകിയ പരാതിയിൽ സ്പീക്കറുടെ റൂളിംഗും ഇന്നുണ്ടാകും. കൊടകര കുഴൽപ്പണ കേസിൽ പ്രതിപക്ഷം ഇന്ന് അടിയന്തര പ്രമേയത്തിന് നോട്ടീസ് നൽകും.

Tags
Show More

Related Articles

Leave a Reply

Your email address will not be published. Required fields are marked *

Back to top button
Close