KERALANEWS

പഞ്ചരത്നങ്ങളിൽ മൂന്ന്‌പേര്‍ ഇനി സുമംഗലമാര്‍

ഗുരുവായൂര്‍: ‘പഞ്ചരത്ന’ങ്ങളില്‍ മൂന്നുപേര്‍ വിവാഹിതരായി. ഗുരുവായൂര്‍ ഉണ്ണിക്കണ്ണന്റെ മുന്നില്‍വച്ച് രാവിലെ 7.45-നും 8.30-നും മധ്യേ ഉത്ര, ഉത്തര, ഉത്തമ എന്നിവരുടെ വിവാഹമാണ് നടന്നത്. സഹോദരന്‍ ഉത്രജന്‍ ചടങ്ങുകള്‍ നടത്തി. ഇവരുടെ സഹോദരി ഉത്രജയുടെ വരന് വിദേശത്ത് നിന്ന് എത്താന്‍ സാധിക്കാത്തതിനാല്‍ വിവാഹം മാറ്റിവച്ചിരുന്നു

ഒറ്റപ്രസവത്തില്‍ പിറന്ന പഞ്ചരത്‌നങ്ങളായ തിരുവനന്തപുരം, പോത്തന്‍കോട് നന്നാട്ടുകടവില്‍ പരേതനായ പ്രേംകുമാറിന്റെയും രമാദേവിയുടെയും മക്കളുടെ വിവാഹമാണ് നടന്നത്. ഏപ്രില്‍ 26നായിരുന്നു വിവാഹം നിശ്ചയിച്ചിരുന്നത്. ലോക്ക് ഡൗണ്‍ കാരണം പ്രവാസികളായ വരന്മാര്‍ക്ക് നാട്ടിലെത്താനായില്ല. ഇതേത്തുടര്‍ന്നാണ് വിവാഹം മാറ്റിവച്ചത്. മസ്‌കറ്റില്‍ ഹോട്ടല്‍ മാനേജരായ ആയൂര്‍ സ്വദേശി അജിത് കുമാറാണ് ഫാഷന്‍ ഡിസൈനറായ ഉത്രയുടെ വരന്‍. കോഴിക്കോട് സ്വദേശിയായ മാദ്ധ്യമ പ്രവര്‍ത്തകന്‍ മഹേഷാണ് ഓണ്‍ലൈന്‍ മാദ്ധ്യമ പ്രവര്‍ത്തകയായ ഉത്തരയ്ക്ക് മിന്ന് ചാര്‍ത്തിയത്. തിരുവനന്തപുരത്തെ സ്വകാര്യ ആശുപത്രിയില്‍ അനസ്തീഷ്യ ടെക്‌നീഷ്യയായ ഉത്തമയുടെ വരന്‍ മസ്‌കറ്റില്‍ അക്കൗണ്ടന്റായ വട്ടിയൂര്‍ക്കാവ് സ്വദേശി വിനീതാണ്.

Tags
Show More

Related Articles

Leave a Reply

Your email address will not be published.

Back to top button
Close