KERALANEWSTrending

പരസ്യം ഫലിച്ചില്ല,പരസ്യ കമ്പനിയ്ക്കും പരസ്യ അംബാസഡറായ അനൂപ് മേനോനെതിരെയും പരാതി നല്‍കി ഉപഭോക്താവ്

തൃശൂര്‍: മുടി വളരുമെന്ന പരസ്യത്തില്‍ ആകൃഷ്ടനായി ക്രീം വാങ്ങി ഉപയോഗിക്കുകയും ഫലമില്ലാതാകുകയും ചെയ്തതിനെ തുടര്‍ന്ന് കമ്പനിയ്‌ക്കെതിരെയും പരസ്യ അംബാസഡറായ അനൂപ് മേനോനെതിരെയും പരാതി നല്‍കി ഉപഭോക്താവ്.ഞമനേങ്ങാട് വൈലത്തൂര്‍ സ്വദേശി വടക്കന്‍ വീട്ടില്‍ ഫ്രാന്‍സിസ് വടക്കന്‍ ഫയല്‍ ചെയ്ത ഹര്‍ജിയിലാണ് ഫയല്‍ ചെയ്ത ഹര്‍ജിയില്‍ പരാതിക്കാരന് അനുകൂല വിധി.

വൈലത്തൂരിലുള്ള എ വണ്‍ മെഡിക്കല്‍സ് ഉടമ, എറണാകുളം വെണ്ണലയിലുള്ള ധാത്രി ആയുര്‍വേദ പ്രൈവറ്റ് ലിമിറ്റഡ് മാനേജിങ് ഡയറക്ടര്‍, പബ്ലിസിറ്റി അംബാസഡറും സിനിമാതാരവുമായ അനൂപ് മേനോന്‍ എന്നിവര്‍ക്കെതിരേ നല്‍കിയ പരാതിയിലാണ് വിധിയായത്.

കേസില്‍ പരസ്യ അംബാസഡറായ അനൂപ് മേനോനെ വിസ്തരിച്ചപ്പോള്‍ താന്‍ തര്‍ക്കവിഷയമായ ഉല്പന്നം ഉപയോഗിച്ചിട്ടില്ലെന്നും അമ്മ കാച്ചിത്തരുന്ന എണ്ണയാണ് ഉപയോഗിക്കാറുള്ളതെന്നും അനൂപ് മേനോന്‍ കോടതിയില്‍ പറഞ്ഞു. ഉത്പന്നത്തിന്റെ ഫലപ്രാപ്തി തൃപ്തികരമായി ലഭ്യമാക്കാന്‍ നിര്‍മാതാവിനും കഴിഞ്ഞില്ലെന്നും കോടതി നിരീക്ഷിച്ചു.

തെളിവുകള്‍ പരിഗണിച്ച് പ്രസിഡന്റ് സി ടി. സാബു, മെമ്പര്‍മാരായ ഡോ. കെ. രാധാകൃഷ്ണന്‍ നായര്‍, എസ്. ശ്രീജ എന്നിവരടങ്ങിയ തൃശൂര്‍ ഉപഭോക്തൃ കോടതി ധാത്രി കമ്പനിയോടും അനൂപ് മേനോനോടും പതിനായിരം രൂപ വീതം നഷ്ടപരിഹാരം നല്‍കണമെന്നും ഇത്തരം പരസ്യങ്ങളില്‍ കരാര്‍ കൊടുക്കുമ്പോള്‍ ഉല്പന്നത്തിന്റെ ഗുണനിലവാരം അനൂപ് മേനോന്‍ ഉറപ്പുവരുത്തണമെന്നും കോടതി പറഞ്ഞു. ഉല്പന്നം വില്‍പ്പന നടത്തിയ എ വണ്‍ മെഡിക്കല്‍സ് ഉടമയില്‍നിന്നും കോടതി ചെലവിലേക്ക് മൂവായിരം രൂപ നല്‍കണമെന്നും വിധിയില്‍ പറഞ്ഞു. ഹര്‍ജിക്കാരനുവേണ്ടി അഡ്വ. എ.ഡി. ബെന്നി ഹാജരായി.

Tags
Show More

Related Articles

Leave a Reply

Your email address will not be published. Required fields are marked *

Back to top button
Close