KERALANEWSTop News

പാനൂരിലെ മന്‍സൂര്‍ വധക്കേസില്‍ അഞ്ചാം പ്രതിയും കീഴടങ്ങി

കണ്ണൂര്‍: പാനൂരിലെ മന്‍സൂര്‍ വധക്കേസില്‍ അഞ്ചാം പ്രതിയും കീഴടങ്ങി. അഞ്ചാം പ്രതിയെന്ന് സംശയിക്കുന്ന സുഹൈലാണ് കീഴടങ്ങിയത്. നിരപരാധിയാണെന്ന് ഫെയ്സ്ബുക്കില്‍ പോസ്റ്റിട്ടതിനു ശേഷമാണ് സുഹൈല്‍ തലശ്ശേരി കോടതിയിലെത്തി കീഴടങ്ങിയത്. പെരിങ്ങളത്തെ ഡിവൈഎഫ്ഐയുടെ മേഖലാ ട്രഷററാണ് സുഹൈല്‍. മന്‍സൂര്‍ അനുജനെപ്പോലെയാണെന്നും കൊലപാതകത്തില്‍ പങ്കില്ലെന്നും സുഹൈല്‍ ഫെയ്സ്ബുക്ക് കുറിപ്പില്‍ പറയുന്നു.

തന്നെ കള്ളക്കേസില്‍ കുടുക്കുകയാണെന്നും നുണപരിശോധനയ്ക്കടക്കം തയ്യാറാണെന്നും കാണിച്ച് ഡിജിപിക്ക് കത്തും സുഹൈല്‍ അയച്ചിട്ടുണ്ട്. സുഹൈലിനെ പോലീസ് റിമാന്‍ഡ് ചെയ്തു. മന്‍സൂര്‍ വധക്കേസില്‍ സുഹൈല്‍ അടക്കം എട്ട് പ്രതികളാണ് നിലവില്‍ പോലീസ് കസ്റ്റഡിയിലുള്ളത്. വോട്ടെടുപ്പ് ദിനത്തിലെ ആക്രമണം സൂചിപ്പിച്ച് സുഹൈല്‍ വാട്സാപ്പില്‍ പോസ്റ്റിട്ടിരുന്നു. സുഹൈലിന്റെ നേതൃത്വത്തിലാണ് മന്‍സൂറിനെ സംഘം ചേര്‍ന്ന് ആക്രമിച്ചതെന്നാണ് പോലീസ് റിമാന്‍ഡ് റിപ്പോര്‍ട്ടിലുള്ളത്.

Tags
Show More

Related Articles

Leave a Reply

Your email address will not be published. Required fields are marked *

Back to top button
Close