KERALANEWSTrending

പാലിയേക്കര ടോള്‍ പ്ലാസ അടച്ചു

തൃശൂര്‍: ജീവനക്കാര്‍ക്ക് കൊവിഡ് സ്ഥിരീകരിച്ചതോടെ പാലിയേക്കര ടോള്‍ പ്ലാസ അടച്ചു. 20 ജീവനക്കാര്‍ക്കാണ് രോഗം സ്ഥിരീകരിച്ചത്. ഈ സാഹചര്യത്തില്‍ ടോള്‍ പ്ലാസ തല്‍ക്കാലം അടച്ചിടണമെന്ന് ഡിഎംഒ ഡോ. കെ ജെ റീന അധികൃതരോടു നിര്‍ദേശിക്കുകയായിരുന്നു. കൊവിഡ് ബാധിച്ച 20 പേരടങ്ങിയ ക്ലസ്റ്ററാണ് ഇപ്പോള്‍ ടോള്‍ പ്ലാസ.

നിലവിലുള്ള 93 ജീവനക്കാരെ പരിശോധിച്ചപ്പോള്‍ ഇന്നലെ മാത്രം 12 പേര്‍ കൊവിഡ് പോസിറ്റീവായി. മുന്‍പ് രോഗം സ്ഥിരീകരിച്ചവരടക്കം 20 ജീവനക്കാര്‍ ഇപ്പോള്‍ കൊവിഡ് ചികിത്സയിലാണ്.കൊവിഡ് പോസിറ്റീവായവരില്‍ അഞ്ച് പേര്‍ ടോള്‍ ബൂത്തില്‍ പണം വാങ്ങുന്ന കൗണ്ടറിലെ ജീവനക്കാരാണ്. ഇതോടെ നൂറോളം പേര്‍ നിരീക്ഷണത്തിലേക്ക് മാറേണ്ടിവരുമെന്ന് ആരോഗ്യവിഭാഗം സൂചിപ്പിച്ചു. ഇത് ഗൗരവമേറിയ വിഷയമാണ്. ടോള്‍ ബൂത്തുകളും ടോള്‍ പ്ലാസയും അണുവിമുക്തമാക്കിയ ശേഷം സമ്പര്‍ക്കമില്ലാത്ത മറ്റ് ജീവനക്കാരെ കണ്ടെത്തി മാത്രമേ ടോള്‍ പിരവ് പുനരാരംഭിക്കാവൂയെന്നും ജില്ലാ ആരോഗ്യ വിഭാഗം നിര്‍ദേശിച്ചു.
നിലവിലുള്ള ജീവനക്കാരെ വെച്ച് പ്ലാസാ നടത്തിപ്പ് കൊവിഡ് മാനദണ്ഡങ്ങളുടെ ലംഘനമാകുമെന്ന് ചൂണ്ടിക്കാട്ടിയാണ് അടച്ചിടാന്‍ നിര്‍ദേശിച്ചത്.

Tags
Show More

Related Articles

Leave a Reply

Your email address will not be published. Required fields are marked *

Back to top button
Close