INDIA

പ്രശാന്ത് ഭൂഷണ്‍ മാപ്പ് പറഞ്ഞേക്കില്ല, ശിക്ഷ ഏറ്റുവാങ്ങാന്‍ തയ്യാര്‍

ന്യൂഡല്‍ഹി: കോടതിയലക്ഷ്യ കേസില്‍ മാപ്പ് പറഞ്ഞ് സത്യവാങ്മൂലം നല്‍കാന്‍ അഭിഭാഷകന്‍ പ്രശാന്ത് ഭൂഷണ് സുപ്രീം കോടതി നല്‍കിയ സമയപരിധി ഇന്ന് അവസാനിക്കും. ജഡ്ജിമാരെ വിമര്‍ശിച്ചതിനെ തുടര്‍ന്നാണ് പ്രശാന്ത് ഭൂഷണിനെതിരെ കോടതിയലക്ഷ്യക്കുറ്റം ചുമത്തിയത്. ഭൂഷണ്‍ മാപ്പ് പറഞ്ഞാല്‍ കേസ് ചൊവ്വാഴ്ച ലിസ്റ്റ് ചെയ്യാനാണ് കോടതിയുടെ ഉത്തരവ്. മാപ്പ് പറഞ്ഞില്ലെങ്കില്‍ കോടതി എന്ന് കേസ് വീണ്ടും പരിഗണിക്കുന്നതെന്ന് വ്യക്തമല്ല. എന്നാല്‍, മാപ്പ് പറയില്ലെന്നും ശിക്ഷ ഏറ്റുവാങ്ങാന്‍ തയ്യാറാണെന്നും പ്രശാന്ത് ഭൂഷണ്‍ അറിയിച്ചിട്ടുണ്ട്. ഇത്തരത്തില്‍ ഭൂഷണ് എന്ത് നല്‍കുമെന്നതിലേക്ക് സുപ്രീം കോടതിയിലേക്ക് നീങ്ങും. ചീഫ് ജസ്റ്റിസുമാരെ വിമര്‍ശിച്ച് രണ്ട് ട്വിറ്റര്‍ പരാമര്‍ശങ്ങള്‍ നടത്തിയതിനെ തുടര്‍ന്നാണ് ഭൂഷണ്‍ കുറ്റക്കാരനെന്ന് കണ്ടെത്തിയത്. മുന്‍ ചീഫ് ജസ്റ്റിസുമാരില്‍ ചിലര്‍ അഴിമതിക്കാരെന്ന് തെഹല്‍ക മാഗസിന് അഭിമുഖം നല്‍കിയതിനെതിരെയും ഭൂഷണിനെതിരെ കോടതിയലക്ഷ്യത്തിന് കേസെടുത്തിരുന്നു. ഇന്ന് ഈ കേസ് പരിഗണിക്കില്ല.

Tags
Show More

Related Articles

Back to top button
Close