Breaking NewsElection 2021KERALANEWSTop News

പ്രാർത്ഥനയോടെ സ്ഥാനാർത്ഥികൾ

തിരുവനന്തപുരം: തെരഞ്ഞെടുപ്പ് ഫലം വരാൻ മണിക്കൂറുകൾ അവശേഷിക്കെ പ്രാർത്ഥനയോടെ സ്ഥാനാർത്ഥികൾ. അതിരാവിലെ തന്നെ ആരാധനാലയങ്ങളിലെത്തി സ്ഥാനാര്‍ത്ഥികളും നേതാക്കളും പ്രാർത്ഥന നടത്തി. പല യുഡിഎഫ് നേതാക്കളും ഇടത് നേതാക്കളും ആരാധനാലയങ്ങൽ സന്ദർശിച്ച ശേഷമാണ് ഫലമറിയാൻ കാത്തിരിക്കുന്നത്.

പതിവു തെറ്റിക്കാതെ മുൻ മുഖ്യമന്ത്രി ഉമ്മൻ ചാണ്ടി രാവിലെ തന്നെ പുതുപ്പള്ളി പള്ളിയിലെത്തി. പോളിഗ് ദിവമായാലും വോട്ടെണ്ണൽ ദിനമായാലും രാവിലെ പുതുപ്പള്ളി പള്ളിയിൽ നിന്ന് ദിവസം ആരംഭിക്കുന്നതാണ് ഉമ്മൻചാണ്ടിയുടെ പതിവ്. ഇത്തവണയും അത് തെറ്റിക്കാതെയാണ് ഉമ്മൻചാണ്ടി അതിരാവിലെ തന്നെ പള്ളിയിലെത്തിയത്. തെരഞ്ഞെടുപ്പ് ഫലത്തെ കുറിച്ച് അടക്കം ഈ ഘട്ടത്തിൽ മാധ്യമങ്ങളോട് പ്രതികരിക്കാൻ ഉമ്മൻ ചാണ്ടി തയ്യാറായില്ല.

രാവിലെ പാലാ കത്തിഡ്രലിൽ പോകുന്ന പതിവ് പാലായിലെ എൽഡിഎഫ് സ്ഥാനാർത്ഥി ജോസ് കെ മാണിയും തെറ്റിച്ചില്ല. കെഎം മാണിയുടെ പതിവിന് സമാനമായാണ് ജോസ് കെ മാണിയും ആരാധനക്ക് എത്തിയത്. പക്ഷം മാറി മത്സരിക്കുന്ന നിര്‍ണ്ണായക തെരഞ്ഞെടുപ്പിൽ ഫലം എന്തെന്ന വലിയ ആകാംക്ഷയാണ് പാലാ മണ്ഡലത്തിൽ പ്രത്യേകിച്ചും കേരളാ കോൺഗ്രസ് എം പ്രകടനത്തെ കുറിച്ച് പൊതുവെയും നിലനിൽക്കുന്നത് .

പ്രതിപക്ഷ നേതാവ് രമേശ് ചെന്നിത്തലയും വലിയ ആത്മവിശ്വാസമാണ് തെരഞ്ഞെടുപ്പ് ഫലം സംബന്ധിച്ച് പ്രകടിപ്പിക്കുന്നത്. രാവിലെ ഹരിപ്പാട് സുബ്രഹ്മണ്യ ക്ഷേത്രത്തിലാണ് രമേശ് ചെന്നിത്തല എത്തിയത്.

Tags
Show More

Related Articles

Leave a Reply

Your email address will not be published. Required fields are marked *

Back to top button
Close