NEWSWORLD

ബലാത്സംഗ പ്രതികളെ വന്ധ്യംകരണത്തിന് വിധേയമാക്കും ; പുതിയ ഓർഡിനൻസുമായി പാകിസ്ഥാന്‍

ലാഹോര്‍: ബലാത്സംഗ പ്രതികളെ ഇനിമുതൽ വന്ധ്യംകരണം ചെയ്യും. പാക്കിസ്ഥാനില്‍ പുതിയ ബലാല്‍സംഗ വിരുദ്ധ ഓര്‍ഡിനന്‍സിന്‌ പ്രസിഡന്റ്‌ ആരിഫ്‌ ആല്‍വി ചൊവ്വാഴ്‌ച്ച അംഗീകാരം നല്‍കി. പലതവണ ബംലാല്‍സംഗക്കേസില്‍ കുറ്റക്കാരെന്ന്‌ കണ്ടെത്തുവരെ രാസവസ്‌തുക്കള്‍ ഉപയോഗിച്ച്‌ ഷണ്ഡീകരിക്കാന്‍ വ്യവസ്ഥ ചെയ്യുന്നതാണ്‌ ഓര്‍ഡിനന്‍സ്‌.
കഴിഞ്ഞ മാസമാണ് ഒര്‍ഡിനന്‍സിന്‌ പാക്കിസ്ഥാന്‍ മന്ത്രിഭ അംഗീകാരം നല്‍കിയത്.
സ്‌ത്രീകള്‍ക്കും കുട്ടികള്‍ക്കുമെതിരായ ബലാല്‍സംഗ കേസുകളുടെ വേഗത്തിലുള്ള വിചാരണ നിയമം ഉറപ്പാക്കുമെന്നും ഇതിനായി പ്രത്യേക കോടതികള്‍ സ്ഥാപിക്കുമെന്നും പാക്‌ പ്രസിഡന്റിന്റെ ഓഫീസ്‌ പ്രസ്‌താവനയില്‍ അറിയിച്ചു. നാല്‌ മാസത്തിനുള്ളില്‍ കേസുകള്‍ തീര്‍പ്പാക്കുമെന്നും പ്രസ്‌താവനയില്‍ കൂട്ടിച്ചേര്‍ത്തു. കേസുകള്‍ അന്വേഷിക്കുന്നതില്‍ അശ്രദ്ധ കാണിക്കുന്ന പോലീസ്‌, സര്‍ക്കാര്‍ ഉദ്യോഗസ്ഥര്‍ക്ക്‌ മൂന്ന്‌ വര്‍ഷം തടവും പിഴയും ഓര്‍ഡിനന്‍സ്‌ വ്യവസ്ഥ ചെയ്യുന്നു.

ദേശീയ ഡാറ്റാബേസ്‌ ആന്‍ഡ്‌ രജിസ്‌ട്രേഷന്‍ അതോറിറ്റിയുടെ സഹായത്തോടെ ലൈംഗിക കുറ്റവാളികളുടെ രജിസ്‌ട്രി സ്ഥാപിക്കും. ഇരകളുടെ ഐഡന്റിറ്റി വെളിപ്പെടുത്തിയിട്ടില്ല. വെളിപ്പെടുത്തല്‍ ഓര്‍ഡിനന്‍സ്‌ പ്രകാരം ശിക്ഷാര്‍ഹമായ കുറ്റമായിരിക്കും.
ബലാല്‍സംഗക്കേസിലെ പ്രതികളെ ഷണ്ഡീകരിക്കുന്നത്‌ പരിഗണനയില്‍ ഉണ്ടെന്ന്‌ സെപ്‌റ്റംബറില്‍ പാക്‌ പ്രധാനമന്ത്രി ഇമ്രാന്‍ ഖാന്‍ പ്രഖ്യാപിച്ചിരുന്നു. ഒരാളുടെ ലൈഗിക തൃഷ്‌ണ കുറക്കുന്നതിനായാണ്‌ രാസവസ്‌തുക്കള്‍ ഉപയോഗിച്ച്‌ ഷണ്ഡീകരിക്കുന്നതെന്നും ശസത്രക്രിയയിലൂടെയുള്ള വന്ധ്യംകരണത്തില്‍ നിന്നും വ്യത്യസ്‌തമാണിതെന്നും ഇമ്രാന്‍ ഖാന്‍ പറഞ്ഞു.

Tags
Show More

Related Articles

Leave a Reply

Your email address will not be published. Required fields are marked *

Back to top button
Close