KERALANEWSTop News

ഭക്തസഹസ്രങ്ങള്‍ കാത്തിരിക്കുന്ന മകരജ്യോതി ഇന്ന്

ശബരിമല : ഭക്തസഹസ്രങ്ങള്‍ കാത്തിരിക്കുന്ന മകരജ്യോതി ഇന്ന് .കോവിഡ് മാനദണ്ഡം പാലിക്കേണ്ടതിനാല്‍ നേരത്തേ വെര്‍ച്വല്‍ ക്യൂവഴി ബുക്ക് ചെയ്ത 5000 പേര്‍ക്കാണ് ജ്യോതി ദര്‍ശിക്കാനുള്ള അവസരമുണ്ടാവുക. പാഞ്ചാലിമേട്, പുല്‍മേട്, പരുന്തുപാറ തുടങ്ങി സാധാരണ തീര്‍ഥാടകര്‍ തടിച്ചുകൂടാറുള്ള സ്ഥലങ്ങളില്‍നിന്നൊന്നും ഇത്തവണ മകരജ്യോതി ദര്‍ശിക്കാന്‍ അനുവദിക്കില്ല.

മകരവിളക്കിനോടനുബന്ധിച്ച് പന്തളത്തുനിന്ന് പുറപ്പെട്ട തിരുവാഭരണ ഘോഷയാത്ര ഇന്ന് വൈകുന്നേരത്തോടെ ശരംകുത്തിയിലെത്തും.അവിടെ ദേവസ്വം അധികൃതര്‍ ഘോഷയാത്രയെ സ്വീകരിക്കും. പന്തളം കൊട്ടാരത്തിലെ അശുദ്ധി കാരണം ഇത്തവണ രാജപ്രതിനിധികള്‍ ഘോഷയാത്രയെ അനുഗമിക്കുന്നില്ല. അതുകൊണ്ടുതന്നെ രാജപ്രതിനിധിയുടെ സാന്നിധ്യത്തില്‍ നടക്കേണ്ട ചടങ്ങുകള്‍ ഉണ്ടാവില്ല. പെട്ടിതുറന്നുള്ള തിരുവാഭരണ ദര്‍ശനവും വഴിനീളെയുള്ള സ്വീകരണവും കോവിഡ് കാരണം ഒഴിവാക്കിയിരുന്നു. സന്നിധാനത്ത് തന്ത്രിയും മേല്‍ശാന്തിയും ചേര്‍ന്ന് അയ്യപ്പവിഗ്രഹത്തില്‍ ചാര്‍ത്തും. തുടര്‍ന്ന് നടക്കുന്ന ദീപാരാധന സമയമാണ് പൊന്നമ്പലമേട്ടില്‍ ജ്യോതി തെളിയുക.

പന്തളം കൊട്ടാരത്തില്‍നിന്ന് കൊണ്ടുവരുന്ന തിരുവാഭരണം വൈകീട്ട് ആറരയോടുകൂടി അയ്യപ്പസന്നിധിയില്‍ എത്തും. തിരുവാഭരണപേടകം പതിനെട്ടാംപടിക്ക് മുകളില്‍ കൊടിമരച്ചുവട്ടില്‍ ദേവസ്വം മന്ത്രി കടകംപള്ളി സുരേന്ദ്രന്‍, ദേവസ്വം ബോര്‍ഡ് പ്രസിഡന്റ് എന്‍.വാസു, ദേവസ്വം ബോര്‍ഡ് ഉന്നത ഉദ്യോഗസ്ഥര്‍ എന്നിവര്‍ ചേര്‍ന്ന് ഏറ്റുവാങ്ങും. തുടര്‍ന്ന് ശ്രീകോവിലിലേക്ക് ആചാരപൂര്‍വം ആനയിക്കുന്ന തിരുവാഭരണപേടകം തന്ത്രി കണ്ഠര് രാജീവരും മേല്‍ശാന്തി വി.കെ.ജയരാജ് പോറ്റിയും ചേര്‍ന്ന് ഏറ്റുവാങ്ങി അയ്യപ്പസ്വാമിക്ക് ചാര്‍ത്തും. ശേഷം 6.30-ന് തിരുവാഭരണം ചാര്‍ത്തിയുള്ള മഹാദീപാരാധന. 6.40-ന് മകരജ്യോതിദര്‍ശനം.

Tags
Show More

Related Articles

Leave a Reply

Your email address will not be published. Required fields are marked *

Back to top button
Close