കൊച്ചി: കോവിഡ് പശ്ചാതലത്തില്‍ പ്രഖ്യാപിച്ച ഇളവിന്റെ പ്രാബല്യം ഇന്നുകൂടി മാത്രം.മെട്രോ യാത്രാനിരക്കു നാളെ മുതല്‍ വീണ്ടും പഴയ രീതിയിലാകും.കോവിഡ് സാഹചര്യത്തില്‍ കൊച്ചി മെട്രോ യാത്രാ നിരക്ക് കുറച്ചിരുന്നു. പരമാവധി നിരക്ക് 60 ല്‍ നിന്ന് 50 ആയാണ് കുറച്ചത്. 20 രൂപയ്ക്ക് 5 സ്റ്റേഷനുകളിലേയ്ക്ക് യാത്ര ചെയ്യാവുന്ന നിലയില്‍ സ്ലാബുകളും പുനര്‍നിര്‍ണ്ണയിച്ചിരുന്നു.
നാളെ മുതല്‍ ആറ് സ്ലാബുകളില്‍ 10, 20, 30, 40, 50, 60 രൂപയായിരിക്കും നിരക്ക്.കൊച്ചി വണ്‍ കാര്‍ഡ് ഓഫറുകളും മെട്രോ പുനഃസ്ഥാപിച്ചിട്ടുണ്ട്. കാര്‍ഡ് ഉടമകള്‍ക്ക് 20% ഇളവ് ലഭിക്കും. പ്രതിമാസ, ദ്വൈമാസ ട്രിപ് പാസുകളും യാത്രക്കാര്‍ക്ക് ഉപയോഗിക്കാം. 60 ദിവസത്തേക്ക് 33 ശതമാനവും 30 ദിവസത്തേക്ക് 25 ശതമാനവുമാണ് ഇളവ്. വീക്ക് ഡേ, വീക്കെന്‍ഡ് പാസ് നിരക്ക് യഥാക്രമം 125, 120 രൂപ എന്ന നിലയിലാക്കി.
