Breaking NewsKERALANEWS

യുഡിഎഫിന്റെ പരാജയത്തില്‍ നിരാശപ്പെടുന്നില്ല;പരാജയത്തിന്റെ കാരണങ്ങള്‍ പാര്‍ട്ടി വിലയിരുത്തുമെന്ന് ഉമ്മന്‍ ചാണ്ടി

കോട്ടയം: നിയമസഭാ തെരഞ്ഞെടുപ്പിലെ യുഡിഎഫിന്റെ പരാജയത്തില്‍ നിരാശപ്പെടുന്നില്ലെന്ന് മുതിര്‍ന്ന കോണ്‍ഗ്രസ് നേതാവ് ഉമ്മന്‍ ചാണ്ടി. പരാജയത്തിന്റെ കാരണങ്ങള്‍ പാര്‍ട്ടി വിലയിരുത്തുമെന്ന് ഉമ്മന്‍ ചാണ്ടി വാര്‍ത്താ ലേഖകരോടു പറഞ്ഞു.പരാജയത്തില്‍ നിരാശപ്പെടുന്നില്ല. എന്താണ് സംഭവിച്ചതെന്നു പരിശോധിക്കും. സഹപ്രവര്‍ത്തകരുമായി ആലോചിച്ചു പോരാട്ടത്തോടെ മുന്നോട്ടുപോവുമെന്ന് ഉമ്മന്‍ ചാണ്ടി പറഞ്ഞു.

പുതുപ്പള്ളിയില്‍ തന്റെ ഭൂരിപക്ഷം ഇരുപത്തി ഏഴായിരത്തില്‍നിന്ന് രണ്ടായിരത്തിലേക്ക് എത്തിയതും പരിശോധിക്കും. അന്‍പതു വര്‍ഷം മുമ്പ് താന്‍ മത്സരിച്ചപ്പോള്‍ ചെറിയ ഭൂരിപക്ഷമാണ് ലഭിച്ചത്. അതുപിന്നീട് വര്‍ധിക്കുകയായിരുന്നു.തദ്ദേശ തെരഞ്ഞെടുപ്പില്‍ പുതുപ്പള്ളി മണ്ഡലത്തിലെ പല പഞ്ചായത്തിലും ഇടതു പക്ഷം മുന്നേറ്റമുണ്ടാക്കിയിരുന്നു. ഇതു മാധ്യമങ്ങള്‍ ചൂണ്ടിക്കാണിച്ചതാണ്. എ്ന്താണ് സംഭവിച്ചതെന്നു പരിശോധിക്കുമെന്ന് ഉമ്മന്‍ ചാണ്ടി പറഞ്ഞു.

Tags
Show More

Related Articles

Leave a Reply

Your email address will not be published. Required fields are marked *

Back to top button
Close