KERALANEWS

ലൈഫ് മിഷന്‍: അഴിമതി നിരോധന നിയമ പ്രകാരവും കേസെടുത്തേക്കും

കൊച്ചി:ലൈഫ് മിഷനില്‍ കമ്മീഷന്‍ നല്‍കിയെന്ന് പ്രാഥമിക അന്വേഷണത്തില്‍ വ്യക്തമായതോടെ അഴിമതി നിരോധന നിയമ പ്രകാരമുള്ള കേസുകൂടി രജിസ്റ്റര്‍ ചെയ്യാനൊരുങ്ങി സി.ബി.ഐ. സന്തോഷ് ഈപ്പന്റെ മൊഴി കൂടാതെ നിര്‍ണായക രേഖകളും സി.ബി.ഐക്ക് ലഭിച്ചതായാണ് വിവരം. സ്വപ്ന സുരേഷ് വഴി ഉദ്യോഗസ്ഥരിലേക്കും കമ്മീഷന് എത്തിയെന്ന വ്യക്തമായതോടെയാണ് പിസി ആക്ട് ചുമത്താനും നീക്കം നടക്കുന്നത്. വിജിലന്‍സ് പിടിച്ചെടുത്ത പല രേഖകളും ഇതോടെ സി.ബി.ഐക്ക് കൈമാറേണ്ട സാഹചര്യവും ഉണ്ടാകും.

വടക്കാഞ്ചേരിയിലെ ലൈഫ് പദ്ധതിക്കായി 20 കോടിയുടെ പദ്ധതിയാണ് വിഭാവം ചെയ്തത്. ഇതില്‍ 4.5 കോടി രൂപ കമ്മീഷനായി നല്‍കിയെന്ന് സന്തോഷ് ഈപ്പന്‍ മൊഴി നല്കിയിട്ടുണ്ട്. സ്വപ്ന സുരേഷിനും കൂട്ടാളികള്‍ക്കും കൈമാറിയ തുക ലൈഫ് മിഷനിലെ ഉന്നത ഉദ്യോഗസ്ഥര്‍ക്ക് അടക്കം ലഭിച്ചിട്ടുണ്ടെന്നാണ് സി.ബി.ഐ സംശയിക്കുന്നത്. എഫ്.സി.ആര്‍ എ ചട്ടം 35 പ്രകാരം രജിസ്റ്റര്‍ ചെയ്തിരിക്കുന്ന കേസില്‍ അതുകൊണ്ട് തന്നെ അഴിമതി നിരോധന നിയമ പ്രകാരവും കേസ് എടുക്കാനാണ് സിബിഐ നീക്കം നടത്തുന്നത്.

കമ്മീഷന്‍ കൈമാറിയതിന്റെ ബാങ്ക് ഡീറ്റൈല്‍സ് അടക്കമുള്ള നിര്‍ണായക രേഖകള്‍ സി.ബി.ഐ കണ്ടെത്തിയിട്ടുണ്ട്. യു.എ.ഇ കോണ്‍സുലേറ്റുമായി ബന്ധപ്പെട്ട മറ്റ് കരാറുകള്‍ കൂടി ലഭിക്കാനാണ് ഇത്രയധികം തുക കമ്മീഷന്‍ നല്‍കിയതെന്നാണ് സി.ബി.ഐ സംശയിക്കുന്നത്. കമ്മീഷന്‍ ലഭിച്ചുവെന്ന് സംശയിക്കുന്ന ഉദ്യോഗസ്ഥരുടെ പട്ടികയും സി.ബി.ഐ തയ്യാറാക്കുന്നതായാണ് വിവരം. ഇവരെ വരും ദിവസങ്ങളില്‍ ചോദ്യം ചെയ്‌തേക്കും.

ഇന്നലെ ലൈഫ് മിഷന്‍ ജില്ലാ കോഡിനേറ്ററെ 9 മണിക്കൂര്‍ ചോദ്യം ചെയ്തതും ഇക്കാര്യങ്ങളിലെ വ്യക്തത വരുത്താന്‍ വേണ്ടി കൂടിയാണ്. അതേസമയം അഴിമതി നിരോധന നിയമവും സി.ബി.ഐ ഉള്‍പ്പെടുത്തിയാല്‍ വിജിലന്‍സ് അന്വേഷണത്തിന് അത് തിരിച്ചടിയാകും. ഇതുവരെ പിടിച്ചെടുത്ത രേഖകള്‍ എല്ലാം സി.ബി.ഐക്ക് കൈമാറേണ്ടി വരും.

Tags
Show More

Related Articles

Leave a Reply

Your email address will not be published. Required fields are marked *

Back to top button
Close