INDIATop News

വിദേശികള്‍ക്ക് ഇന്ത്യയിലേക്ക് വരാം, വിനോദ സഞ്ചാരത്തിനാകരുത്: കേന്ദ്രം

ന്യൂഡല്‍ഹി: കോവിഡ് -19 മഹാമാരി മൂലം ഏര്‍പ്പെടുത്തിയ വിസ നിയന്ത്രണങ്ങളില്‍ ഇളവുകള്‍ പ്രഖ്യാപിച്ച് ആഭ്യന്തര മന്ത്രാലയം. കൂടാതെ, എല്ലാ ഓവര്‍സീസ് സിറ്റിസണ്‍ ഓഫ് ഇന്ത്യ (ഒസിഐ), പേഴ്സണ്‍ ഓഫ് ഇന്ത്യന്‍ ഒറിജിന്‍ (പിഐഒ) കാര്‍ഡ് ഉടമകള്‍ക്കും മറ്റെല്ലാ വിദേശ പൗരന്മാര്‍ക്കും ഇന്ത്യ സന്ദര്‍ശിക്കാന്‍ സര്‍ക്കാര്‍ അനുമതി നല്‍കിയിട്ടുണ്ട്.കോവിഡ് -19 വ്യാപനത്തെ തുടര്‍ന്ന്, ഒരു പ്രത്യേക വിഭാഗം ഒസിഐ കാര്‍ഡ് ഉടമകളെയും വിദേശികളെയും മാത്രമേ ഇതുവരെ രാജ്യത്തേക്ക് അനുവദിച്ചിരുന്നുള്ളൂ.”ഇന്ത്യയിലേക്ക് പ്രവേശിക്കാനോ പുറത്തുപോകാനോ ആഗ്രഹിക്കുന്ന വിവിധ വിഭാഗത്തിലുള്ള വിദേശ പൗരന്മാര്‍ക്കും ഇന്ത്യന്‍ പൗരന്മാര്‍ക്കും വിസയിലും യാത്രാ നിയന്ത്രണങ്ങളിലും ഇളവ് വരുത്താന്‍ സര്‍ക്കാര്‍ തീരുമാനിച്ചു. അതിനാല്‍, ടൂറിസ്റ്റ് വിസയിലൊഴികെ മറ്റേതെങ്കിലും ആവശ്യങ്ങള്‍ക്കായി ഇന്ത്യ സന്ദര്‍ശിക്കാന്‍ ആഗ്രഹിക്കുന്ന എല്ലാ ഒസിഐ, പിഐഒ കാര്‍ഡ് ഉടമകള്‍ക്കും മറ്റെല്ലാ വിദേശ പൗരന്മാര്‍ക്കും അനുമതി നല്‍കാന്‍ തീരുമാനിച്ചു,” ഒരു എംഎച്ച്എ പ്രസ്താവനയില്‍ പറയുന്നു.അംഗീകൃത വിമാനത്താവളങ്ങള്‍, തുറമുഖ ഇമിഗ്രേഷന്‍ ചെക്ക് പോസ്റ്റുകള്‍ എന്നിവ വഴി ഒസിഐ, പിഐഒ കാര്‍ഡ് ഉടമകള്‍ക്കും മറ്റെല്ലാ വിദേശ പൗരന്മാര്‍ക്കും എയര്‍ അല്ലെങ്കില്‍ വാട്ടര്‍ റൂട്ടുകളില്‍ പ്രവേശിക്കാമെന്ന് എംഎച്ച്എ പറഞ്ഞു.

വന്ദേ ഭാരത് മിഷനു കീഴില്‍ പ്രവര്‍ത്തിക്കുന്ന വിമാനങ്ങള്‍, എയര്‍ ട്രാന്‍സ്‌പോര്‍ട്ട് ബബിള്‍ ക്രമീകരണം അല്ലെങ്കില്‍ സിവില്‍ ഏവിയേഷന്‍ മന്ത്രാലയം അനുവദിക്കുന്ന ഏതെങ്കിലും നോണ്‍-ഷെഡ്യൂള്‍ വാണിജ്യ വിമാനങ്ങള്‍ എന്നിവ ഇതില്‍ ഉള്‍പ്പെടുന്നു. ഇത്തരത്തിലുള്ള എല്ലാ യാത്രക്കാരും ക്വാറന്റൈനും മറ്റ് കോവിഡ്-19 പ്രോട്ടോക്കോളും ഉള്‍പ്പെടെ ആരോഗ്യ, കുടുംബക്ഷേമ മന്ത്രാലയത്തിന്റെ മാര്‍ഗ്ഗനിര്‍ദ്ദേശങ്ങള്‍ കര്‍ശനമായി പാലിക്കേണ്ടതുണ്ട്.ഈ ഇളവുകള്‍ പ്രകാരം, നിലവിലുള്ള എല്ലാ വിസകളും (ഇലക്ട്രോണിക് വിസ, ടൂറിസ്റ്റ് വിസ, മെഡിക്കല്‍ വിസ എന്നിവ ഒഴികെ) ഉടനടി പുനഃസ്ഥാപിക്കാനും സര്‍ക്കാര്‍ തീരുമാനിച്ചു.അത്തരം വിസകളുടെ സാധുത കാലഹരണപ്പെട്ടിട്ടുണ്ടെങ്കില്‍, ഉചിതമായ വിഭാഗങ്ങളുടെ പുതിയ വിസകള്‍ ഇന്ത്യന്‍ മിഷനില്‍ നിന്നോ ബന്ധപ്പെട്ട പോസ്റ്റില്‍ നിന്നോ ലഭിക്കും. ചികിത്സയ്ക്കായി ഇന്ത്യ സന്ദര്‍ശിക്കാന്‍ ആഗ്രഹിക്കുന്ന വിദേശ പൗരന്മാര്‍ക്ക് അവരുടെ മെഡിക്കല്‍ അറ്റന്‍ഡന്റന്‍സ് ഉള്‍പ്പെടെ മെഡിക്കല്‍ വിസയ്ക്കായി പുതുതായി അപേക്ഷിക്കാം. അതിനാല്‍, ബിസിനസ്സ്, കോണ്‍ഫറന്‍സുകള്‍, തൊഴില്‍, പഠനങ്ങള്‍, ഗവേഷണം, മെഡിക്കല്‍ ആവശ്യങ്ങള്‍ തുടങ്ങി വിവിധ ആവശ്യങ്ങള്‍ക്കായി വിദേശ പൗരന്മാര്‍ക്ക് ഇന്ത്യയിലേക്ക് വരാന്‍ ഈ തീരുമാനം സഹായിക്കുമെന്ന് സര്‍ക്കാര്‍ പറഞ്ഞു.കോവിഡ് വ്യാപനത്തെ തുടര്‍ന്ന് മാര്‍ച്ച് 11 ന് സര്‍ക്കാര്‍ എല്ലാ വിസകളും താല്‍ക്കാലികമായി നിര്‍ത്തിവച്ചിരുന്നു.

Tags
Show More

Related Articles

Leave a Reply

Your email address will not be published.

Back to top button
Close