തിരുവനന്തപുരം:സംസ്ഥാനത്ത് പരീക്ഷകള്‍ മുന്‍കൂട്ടി നിശ്ചയിച്ച പ്രകാരം നടക്കുമെന്ന് പിഎസ്സി. എന്നാല്‍, ഉദ്യോഗാര്‍ത്ഥികള്‍ കൂട്ടം കൂടുന്നത് ഒഴിവാക്കണം. കൊവിഡ് മാനദണ്ഡങ്ങള്‍ കൃത്യമായി പാലിക്കണമെന്നും പിഎസ്സി നിര്‍ദേശിച്ചു. നാളെ മുതല്‍ സംസ്ഥാനത്ത് ആള്‍ക്കൂട്ട നിയന്ത്രണം നിലവില്‍ വരുന്നതിന്റെ പശ്ചാത്തലത്തിലാണ് പിഎസ്സിയുടെ നിര്‍ദേശം.
നാളെ മുതല്‍ ഈ മാസം 31 വരെയാകും പുതിയ നിയന്ത്രണങ്ങള്‍ സംസ്ഥാനത്ത് നിലവില്‍ വരുന്നത്. പാര്‍ക്കിലും ബീച്ചിലും അടക്കം കര്‍ശന നിയന്ത്രണം നടപ്പാക്കുമെന്നും പൊതുസ്ഥലങ്ങളില്‍ അഞ്ചില്‍ കൂടുതല്‍ പേര്‍ കൂട്ടം കൂടരുതെന്നും ഡിജിപി പറഞ്ഞു. മാത്രമല്ല, കടകളില്‍ സാമൂഹിക അകലം പാലിക്കണം. ജനങ്ങള്‍ സ്ഥിതി മനസിലാക്കി സഹകരിക്കണമെന്ന് സംസ്ഥാന പൊലീസ് മേധാവി ലോക്നാഥ് ബെഹ്റ അറിയിച്ചു.
