KERALATop News

സ്വര്‍ണക്കടത്ത് കേസ് പ്രതികള്‍ക്ക് ദാവൂദ് ഇബ്രാഹിമുമായി ബന്ധമെന്ന് എന്‍ഐഎ

തിരുവനന്തപുരം: നയതന്ത്ര ബാഗേജിലൂടെ കേരളത്തിലേക്ക് സ്വര്‍ണം കടത്തിയ പ്രതികള്‍ക്ക് അധോലോക നേതാവ് ദാവൂദ് ഇബ്രാഹിമിന്റെ സംഘവുമായി ബന്ധമുണ്ടെന്ന് ദേശീയ അന്വേഷണ ഏജന്‍സി (ചകഅ) വിചാരണ കോടതിയെ അറിയിച്ചു. പ്രതികളുടെ ജാമ്യാപേക്ഷയെ എതിര്‍ത്തപ്പോഴാണ് എന്‍ഐഎ കോടതിയില്‍ ഈ വാദം ഉയര്‍ത്തിയത്. ദാവൂദ് സംഘവുമായുള്ള ബന്ധം അന്വേഷിക്കണമെന്നും അന്വേഷണ ഏജന്‍സി അഭ്യര്‍ഥിച്ചു. പ്രതികളായ റമീസും ഷറഫുദ്ദീനും ദാവൂദിന്റെ ശൃംഖലയുമായി ബന്ധമുണ്ടെന്നാണ് എന്‍ഐഎ വാദം – വാര്‍ത്താ ഏജന്‍സി എഎന്‍ഐ റിപ്പോര്‍ട്ടു ചെയ്യുന്നു.

ആഫ്രിക്കന്‍ രാജ്യമായ താന്‍സാനിയയില്‍ നിന്ന് പ്രതികള്‍ രണ്ടുപേരും യുഎഇയിലേക്ക് സ്വര്‍ണം കടത്തി. ഇവിടെ നിന്ന് ഇന്ത്യയിലേക്കും സ്വര്‍ണം കള്ളക്കടത്ത് നടത്തിയെന്നാണ് എന്‍ഐഎ, കോടതിയില്‍ പറഞ്ഞത് – വിവിധ മാധ്യമങ്ങള്‍ റിപ്പോര്‍ട്ടു ചെയ്തു. വിദേശത്ത് നിന്ന് തോക്ക് കടത്തിയതിന് റമീസിന് എതിരെ കേസ് ഉണ്ട്. ഇതിന് തീവ്രവാദ പ്രവൃത്തികളുമായി ബന്ധമുണ്ടെന്നാണ് എന്‍ഐഎ സ്ഥാപിക്കുന്നത്. ദാവൂദ് സംഘവുമായുള്ള ബന്ധത്തിന് തെളിവായി ഫോട്ടോകളുണ്ടെന്നും അന്വേഷണ ഏജന്‍സി, കോടതിയെ അറിയിച്ചെന്ന് ദ് ഹിന്ദു ദിനപത്രം റിപ്പോര്‍ട്ടു ചെയ്യുന്നു.
പ്രതികള്‍ക്ക് മേല്‍ യുഎപിഎ ചുമത്തിയിരിക്കുന്നത് എന്തിനാണെന്ന് കോടതി ചോദിച്ചു. പ്രതികള്‍ തോക്കേന്തി നില്‍ക്കുന്ന ചിത്രങ്ങള്‍ ഉണ്ടെന്നായിരുന്ന എന്‍ഐഎ മറുപടി. കസ്റ്റംസ് അറസ്റ്റു ചെയ്ത പ്രതികള്‍ക്ക് എതിരെയുള്ള ഡിജിറ്റല്‍ തെളിവുകള്‍ കിട്ടിയില്ലെന്നും എന്‍ഐഎ പറഞ്ഞു. കേസിലെ മുഖ്യപ്രതിക്ക് ദാവൂദ് ഇബ്രാഹിമുമായി ബന്ധമുണ്ടെന്നത് ഞെട്ടിക്കുന്ന വിവരമാണെന്ന് പ്രതിപക്ഷ നേതാവ് രമേശ് ചെന്നിത്തല പ്രതികരിച്ചു. കേരളത്തിലെ ഏറ്റവും വലിയ കുറ്റകൃത്യങ്ങളിലൊന്നാണിത്, നിര്‍ഭാഗ്യവശാല്‍ കേരള സര്‍ക്കാര്‍ ഇത് പിന്തുണയ്ക്കുകയാണ് – ചെന്നിത്തല, വാര്‍ത്താ ഏജന്‍സി എഎന്‍ഐയോട് പ്രതികരിച്ചു. ദാവൂദിന്റെ സംഘത്തോടുള്ള പ്രതികളുടെ ബന്ധത്തോടൊപ്പം ഇസ്ലാമിക് സ്റ്റേറ്റുമായുള്ള ബന്ധവും തെളിഞ്ഞെന്നായിരുന്നു ബിജെപി സംസ്ഥാന അധ്യക്ഷന്‍ കെ സുരേന്ദ്രന്റെ വിമര്‍ശനം. സംസ്ഥാന സര്‍ക്കാര്‍ പ്രതികളെ സംരക്ഷിക്കുകയാണ്. ഭരണത്തില്‍ തുടരാനുള്ള ധാര്‍മികത പിണറായി വിജയന് നഷ്ടമായിരിക്കുന്നു. മുഖ്യമന്ത്രി രാജിവെക്കണമെന്ന് ആവശ്യപ്പെടുകയാണ് – കെ സുരേന്ദ്രന്‍ എഎന്‍ഐയോട് പറഞ്ഞു. സ്വര്‍ണ്ണക്കടത്ത് കേസില്‍ എന്‍ഫോഴ്‌സ്‌മെന്റ് ഡയറക്ട്രേറ്റ് രജിസ്റ്റര്‍ ചെയ്ത കേസില്‍ പ്രതി സന്ദീപ് നായരുടെ ജാമ്യാപേക്ഷ കൊച്ചി പ്രിന്‍സിപ്പല്‍ സെഷന്‍സ് കോടതി വ്യാഴാഴ്ച്ച റദ്ദ് ചെയ്തിരുന്നു. പ്രത്യേക എന്‍ഐഎ കോടതിയില്‍ സമര്‍പ്പിച്ച ജാമ്യാപേക്ഷകള്‍ മറ്റു പ്രതികളായ സ്വപ്‌ന സുരേഷും പിഎസ് സരിതും വ്യാഴാഴ്ച്ച പിന്‍വലിക്കുകയും ചെയ്തു.

Tags
Show More

Related Articles

Leave a Reply

Your email address will not be published.

Back to top button
Close