KERALANEWS

ഹണിട്രാപ്പ്:പരാതിക്കാരനൊപ്പം പോലീസ് ഉദ്യോഗസ്ഥരും വെട്ടില്‍

കോതമംഗലം: മൂവാറ്റുപുഴയിലെ സ്ഥാപന ഉടമയെ ഹണിട്രാപ്പില്‍ പെടുത്തി പണവും കാറും തട്ടിയെടുത്ത സംഭവത്തില്‍ മൂന്ന് പേര്‍ കൂടി പോലീസ് പിടിയില്‍. ഒമ്പത് പ്രതികളില്‍ നാല് പ്രതികള്‍ ഒളിവിലാണ്. നെല്ലിക്കുഴി കാപ്പുചാലില്‍ മുഹമ്മദ് യാസീന്‍ (22), കുറ്റിലഞ്ഞി പുതുപ്പാലം കാഞ്ഞിരക്കുഴി ആസിഫ് (19), നെല്ലിക്കുഴി പറമ്പി റിസ്വാന്‍ (21) എന്നിവരാണ് അറസ്റ്റിലായത്. രണ്ട് പേര്‍ ബുധനാഴ്ച അറസ്റ്റിലായിരുന്നു.

പിടിയിലായ ആര്യ കോതമംഗലത്തെ ലോഡ്ജില്‍ വ്യാപാരിയെ വിളിച്ചു വരുത്തി നഗ്ന ചിത്രങ്ങള്‍ എടുക്കുകയും ബ്ലാക്‌മെയില്‍ ചെയ്ത് പണവും കാറും കൈവശപ്പെടുത്തുകയായിരുന്നു.ആര്യ ഇയാളുടെ മൂവാറ്റുപുഴയിലെ ഡിടിപി സെന്ററില്‍ ജീവനക്കാരിയായിരുന്നു. ലോക്ഡൗണ്‍ കാലത്ത് ഇവിടത്തെ കടയില്‍ തിരക്കില്ലാത്തതിനാല്‍ തല്‍ക്കാലികമായി നിര്‍ത്തിയ സാഹചര്യത്തില്‍,ആര്യക്ക് അങ്കമാലിയില്‍ ഒരു സ്ഥാപനത്തില്‍ ജോലി കിട്ടിയെന്നും അതിന്റെ ചെലവ് ചെയ്യാമെന്നും പറഞ്ഞ് കടയുടമയെ ലോഡ്ജില്‍ വിളിച്ചുവരുത്തുകയായിരുന്നുവെന്നാണ് പോലീസ് പറയുന്നത്.വ്യാപാരി എത്തിയതിന് പിന്നാലെ അഞ്ചംഗ സംഘവും ലോഡ്ജില്‍ എത്തി ഇരുവരുമൊരുമിച്ചുള്ള ചിത്രം പകര്‍ത്തി സോഷ്യല്‍ മീഡിയ വഴി പുറത്തുവിടുമെന്ന് ഭീഷണിപ്പെടുത്തി പണം ആവശ്യപ്പെടുകയായിരുന്നു. പിന്നീട് കൈയ്യിലുണ്ടായിരുന്ന എടിഎം കാര്‍ഡ് തട്ടിയെടുക്കുകയും വ്യാപാരിയെയും കൂട്ടി പലയിടങ്ങളിലും കറങ്ങി നടക്കുകയും ചെയ്തു.ഇതിനിടയില്‍ കോട്ടപ്പടിയില്‍ എത്തിയപ്പോള്‍ അശ്വിന്‍ സ്ഥലത്തെ കോളേജില്‍ എന്തോ ആവശ്യത്തിനു പോയ സമയത്ത് കടയുടമ മൂത്രമൊഴിക്കാനെന്നു പറഞ്ഞ് കാറില്‍നിന്ന് പുറത്തിറങ്ങി. അവിടത്തെ ഒരു സ്റ്റാഫിന്റെ കാല്‍ക്കല്‍ വീണ് സംഭവം വിശദീകരിച്ചു. ഇതോടെ കടയുടമയെ മര്‍ദിച്ച് കാറുമായി മറ്റുള്ളവര്‍ കടന്നു കളയുകയുമായിരുന്നു.

എടിഎം കാര്‍ഡ് ഉപയോഗിച്ച് 35,000 രൂപ സംഘം പിന്‍വലിച്ചിരുന്നു. തട്ടിയെടുത്ത കാര്‍ പോലീസ് കസ്റ്റഡിയിലെടുത്തു. അശ്വിനെയായിരുന്നു പോലീസ് ആദ്യം പിടികൂടിയത്. നെല്ലിക്കുഴിയില്‍ എത്തിയപ്പോള്‍ സംഘത്തിലൊരാള്‍ക്കൊപ്പം സ്ഥലംവിടാന്‍ ശ്രമിക്കുന്നതിനിടെയാണ് ആര്യയെ കസ്റ്റഡിയിലെടുത്തത്. പിടിയിലായ പ്രതിക്ക് കൊവിഡ് സ്ഥിരീകരിച്ചതോടെ പോലീസ് ഉദ്യോഗസ്ഥരും വെട്ടിലായിരിക്കുകയാണ്.കേസ് അന്വേഷിച്ച എസ്ഐ അടക്കം 6 പോലീസുകാര്‍ ഇപ്പോള്‍ ക്വാറന്റൈനിലാണ്.

Tags
Show More

Related Articles

Leave a Reply

Your email address will not be published. Required fields are marked *

Back to top button
Close