KERALANEWS

കുഞ്ഞിനെ അമ്മയിൽ നിന്ന് വേർപ്പെടുത്തിയ സംഭവം; പ്രതിഷേധിച്ച് മഹിളാ കോണ്‍ഗ്രസ് മാര്‍ച്ച്

തിരുവനന്തപുരത്ത് കുഞ്ഞിനെ അമ്മയിൽ നിന്ന് രക്ഷിതാക്കൾ വേർപെടുത്തിയ സംഭവത്തിൽ മഹിളാ കോണ്‍ഗ്രസ് മാര്‍ച്ച് നടത്തി പ്രതിഷേധിച്ചു. ശിശുക്ഷേമസമിതിയുടെ തിരുവനന്തപുരം തൈക്കാടുള്ള ഓഫീസിലേക്കാണ് മാര്‍ച്ച് നടത്തിയത്. ശിശുക്ഷേമ സമിതി ജനറല്‍ സെക്രട്ടറി ഡോ.ഷിജുഖാനെതിരെ അന്വേഷണം നടത്തണമെന്ന് മഹിളാ കോണ്‍ഗ്രസ് നേതാക്കള്‍ ആവശ്യം ഉന്നയിച്ചു.

പൊലീസെത്തി മാർച്ച് തടഞ്ഞതോടെ ഓഫീസിന് മുന്നിൽ നേരിയ സംഘർഷമുണ്ടായി.പ്രവർത്തകരെ പൊലീസ് അറസ്റ്റ് ചെയ്ത് നീക്കി. സംഭവത്തില്‍ സി.പി.എം നേതാക്കളായ ആനാവൂർ നാഗപ്പനും ഷിജു ഖാനുമടക്കമുള്ളവര്‍ക്കെതിരെ വലിയ ആരോപണങ്ങള്‍ ഉയര്‍ന്നിരുന്നു.

ഇതിനിടെ അനുപമയ്‌ക്ക് നീതി ഉറപ്പാക്കുമെന്ന് വനിതാ ശിശുക്ഷേമ വകുപ്പ് മന്ത്രി വീണ ജോർജ് പ്രതികരിച്ചു. കുഞ്ഞിനെ കടത്തിയ സംഭവത്തിൽ വകുപ്പ്തല അന്വേഷണം തുടങ്ങിയെന്നും കുഞ്ഞിനെ അമ്മയ്ക്ക് നൽകുന്നതാണ് അഭികാമ്യമെന്നും വീണാ ജോർജ് പറഞ്ഞു. വനിത ശിശുക്ഷേമ വകുപ്പ് സെക്രട്ടറിക്കാണ് അന്വേഷണ ചുമതല.അനുപമ പറയുന്ന കാലയളവിൽ രണ്ട് കുട്ടികളെ ലഭിച്ചുവെന്നത് മന്ത്രിയും സ്ഥിരീകരിക്കുന്നു. ഇതിൽ ഒരാളുടെ ഡിഎൻഎ പരിശോധിച്ചപ്പോൾ അത് പരാതിക്കാരിയുടെ കുട്ടിയല്ലെന്ന് തെളിഞ്ഞതാണ്. അമ്മയ്ക്ക് നീതി കിട്ടാൻ വേണ്ട നിലപാട് സ്വീകരിക്കുമെന്നും വീണ ജോ‍ർജ് വ്യക്തമാക്കി.

Tags
Show More

Related Articles

Leave a Reply

Your email address will not be published. Required fields are marked *

Back to top button
Close