KERALANEWS

കയ്യിലിരുന്ന സഞ്ചിയിലും ധരിച്ചിരുന്ന വസ്ത്രത്തിനുള്ളിലും ഒളിപ്പിച്ച നിലയില്‍ മദ്യക്കുപ്പികള്‍; ക്യൂ നില്‍ക്കേണ്ട; ബിവറേജസിന് സമീപം സമാന്തര മദ്യവില്‍പ്പന; കൈയോടെ പൊക്കി എക്‌സൈസ്

കോട്ടയം: ബിവറേജസിന് സമീപം അനധികൃതമായി വിദേശമദ്യ വില്‍പ്പന നടത്തിവന്നയാളെ എക്‌സൈസ് പിടികൂടി. നീലൂര്‍ സ്വദേശിയായ ബോസി വെട്ടുകാട്ടിലാണ് അറസ്റ്റിലായത്. പാലാ എക്‌സൈസ് റേഞ്ച് ഓഫീസിലെ പ്രിവന്റീവ് ഓഫീസര്‍ ബി. ആനന്ദരാജും സംഘവും ചേര്‍ന്നാണ് ഇയാളെ പിടികൂടിയത്.

ഇയാളില്‍ നിന്ന് ഒരാള്‍ സൂക്ഷിക്കാവുന്നതില്‍ കൂടുതല്‍ വിദേശമദ്യം പിടിച്ചെടുത്തു. ബിവറേജസില്‍ ക്യൂ നില്‍ക്കാതെ മദ്യം നല്‍കാമെന്ന് പ്രലോഭിപ്പിച്ച് ഒരാള്‍ അവിടെ അനധികൃത മദ്യവില്‍പ്പന നടത്തുന്നതായി പാലാ എക്‌സൈസ് പ്രിവന്റീവ് ഓഫീസര്‍ ആനന്ദ് രാജിന് രഹസ്യ വിവരം കിട്ടിയിരുന്നു. ഇതേതുടര്‍ന്ന് മറ്റൊരു പ്രിവന്റീവ് ഓഫീസര്‍ കുപ്പിവാങ്ങാനായി ഇയാളെ സമീപിക്കുകയായിരുന്നു.

ഇതിനിടെ ആളറിയാതെ ബോസി 100 രൂപാ കൂടുതല്‍ വാങ്ങി മദ്യം നല്‍കി. ഉടന്‍ തന്നെ മഫ്തിയില്‍ മറഞ്ഞു നിന്ന പ്രിവന്റീവ് ഓഫീസര്‍ ആനന്ദ് രാജും സംഘവും ചേര്‍ന്ന് ഇയാളെ പിടികൂടുകയായിരുന്നു. കയ്യിലിരുന്ന സഞ്ചിയിലും ധരിച്ചിരുന്ന വസ്ത്രത്തിനുള്ളിലും ഒളിപ്പിച്ച നിലയിലായിരുന്നു മദ്യക്കുപ്പികള്‍.

Tags
Show More

Related Articles

Leave a Reply

Your email address will not be published. Required fields are marked *

Back to top button
Close