KERALANEWSSocial MediaTrending

കെഎസ്ഇബിയുടെ പേരിൽ വൻ തട്ടിപ്പ് നടക്കുന്നു; പാസ്‌വേർഡ്‌ ചോർത്തി പണം അപഹരിക്കുന്ന സംഘം സജീവം; മുന്നറിയിപ്പ് നൽകി വി കെ പ്രശാന്ത് എംഎൽഎ

തിരുവനന്തപുരം: കെഎസ്ഇബിയുടെ പേരിൽ വൻ തട്ടിപ്പ് നടക്കുന്നുണ്ടെന്ന് മുന്നറിയിപ്പ് നൽകി വി കെ പ്രശാന്ത് എംഎൽഎ. വൈദ്യുതി ബില്ല് അടയ്ക്കാത്തത് കൊണ്ട് കണക്ഷൻ വിച്ഛേദിക്കുമെന്ന് പറഞ്ഞുകൊണ്ട് വരുന്ന സന്ദേശങ്ങളെ ചൂണ്ടിക്കാണിച്ചാണ് അദ്ദേഹം മുന്നറിയിപ്പ് നൽകിയത്. ഇതുപോലുള്ള സന്ദേശങ്ങളോട് പ്രതികരിക്കരുതെന്നും തനിക്കും ഇതുപോലുള്ള സന്ദേശം ലഭിച്ചിരുന്നുവെന്നും അദ്ദേഹം അറിയിച്ചു.

‘വടക്കേ ഇന്ത്യൻ സംഘമാണ് തട്ടിപ്പിന് പിന്നിൽ. ഈ സംഘത്തിനെതിരെ കെഎസ്ഇബി പോലീസിൽ പരാതി നൽകിയിട്ടുണ്ട്. തട്ടിപ്പിന് പിന്നിൽ വടക്കേ ഇന്ത്യൻ സംഘമാണ്. ഇവർക്കെതിരെ കെഎസ്ഇബി പൊലീസിൽ പരാതി നൽകിയിട്ടുണ്ട്. ഈ പരാതിയുടെ അടിസ്ഥാനത്തിൽ പോലീസ് അന്വേഷണം ആരംഭിച്ചിട്ടുണ്ടെന്നും’ വി കെ പ്രശാന്ത് വിശദീകരിച്ചു. ഫേസ്ബുക്കിലൂടെയാണ് അദ്ദേഹം ഇക്കാര്യം അരിറ്റിച്ചത്

വി കെ പ്രശാന്തിന്റെ വാക്കുകൾ ഇങ്ങനെ :

വീട്ടിലെ വൈദ്യുതി ബില്ല് അടയ്ക്കാത്തതിനാൽ കണക്ഷൻ വിച്ഛേദിക്കുമെന്ന് കാണിച്ചു കൊണ്ട് എനിക്ക് ലഭിച്ച മെസ്സേജാണ് ഇതോടൊപ്പം ചേർത്തിരിക്കുന്നത്. മെസ്സേജിൽ ചേർത്തിരിക്കുന്ന ഫോൺ നമ്പറിൽ ബന്ധപ്പെടാനാണ് ആവശ്യപ്പെട്ടിരിക്കുന്നത് . കേരളത്തിൽ നിരവധി പേർക്കാണ് ഇത്തരത്തിൽ സന്ദേശം ലഭിച്ചിട്ടുള്ളത് . മെസ്സേജിൽ പറഞ്ഞിരിക്കുന്ന നമ്പറിലേക്ക് വിളിക്കുന്നവരോട് ടീം വ്യൂവർ, എനി ഡെസ്‌ക് തുടങ്ങിയ ആപ്ലിക്കേഷനുകൾ ഡൗൺ ലോഡ് ചെയ്യാനാവശ്യപ്പെടും.

തുടർന്ന് അതിലൂടെ പാസ്‌വേർഡ്‌ ചോർത്തി പണം അപഹരിക്കുകയാണ് ചെയ്യുന്നത് . ലക്ഷക്കണക്കിന് രൂപയുടെ തട്ടിപ്പ് ഇതിനകം നടന്നതായാണ് അറിയുന്നത് . വടക്കേ ഇന്ത്യൻ സംഘമാണ് തട്ടിപ്പിന് പിന്നിൽ. KSEB ഇതു സംബന്ധിച്ച് പോലീസിൽ പരാതി നൽകുകയും പോലീസ് നടപടികൾ ആരംഭിക്കുകയും ചെയ്തിട്ടുണ്ട് . ഇതു സംബന്ധിച്ച് പത്രവാർത്തകളും നൽകിയിട്ടുണ്ട്. BSNL ബില്ലുകളുമായി ബന്ധപ്പെട്ടും ഇത്തരം തട്ടിപ്പുകൾ നടക്കുന്നതായി അറിയുന്നു. ഇത്തരം തട്ടിപ്പുകൾക്കെതിരെ എല്ലാവരും ജാഗരൂകരായിരിക്കണമെന്ന് അഭ്യർത്ഥിക്കുന്നു.

Tags
Show More

Related Articles

Leave a Reply

Your email address will not be published.

Back to top button
Close