INDIANEWS

ആമസോൺ വഴി കഞ്ചാവ് കടത്ത്; സംഭവത്തിൽ കമ്പനിയും അന്യേഷണം ആരംഭിച്ചതായി ആമസോൺ വക്താവ്; ഇന്ത്യയിൽ നിരോധിക്കപ്പെട്ട ഒരു ഉൽപന്നവും ലിസ്റ്റ് ചെയ്യാനോ വിൽക്കാനോ അനുവദിക്കില്ല

ഓൺലൈൻ രാജാക്കന്മാരായ ആമസോൺ വഴി കഞ്ചാവ് കടത്ത്. സംഭവത്തിൽ കമ്പനിയുടെ എക്‌സിക്യൂട്ടീവുമാരെ മധ്യപ്രദേശ് പൊലീസ് ചോദ്യം ചെയ്യാൻ വിളിപ്പിച്ചു. 20 കിലോ കഞ്ചാവുമായി രണ്ടുപേരെ മധ്യപ്രദേശ് പൊലീസ് അറസ്റ്റ് ച്യ്തതുമായി ബന്ധപ്പെട്ടാണ് ചോദ്യം ചെയ്യൽ.

പ്രതികളെ ചോദ്യം ചെയ്തതിൽ നിന്നാണ് ആമസോൺ ഇന്ത്യ വെബ്‌സൈറ്റ് വഴിയാണ് അന്തർസംസ്ഥാന വിൽപന നടത്തുന്നതെന്ന് തിരിച്ചറിഞ്ഞത്. ഇത്തരത്തിൽ ആയിരം കിലോയോളം കഞ്ചാവ് വിറ്റഴിച്ചതായി പൊലീസ് പറഞ്ഞു. ഇതിന് 148,000 ഡോളർ വില വരും. ഇതെങ്ങനെയാണ് നടക്കുന്നതെന്ന് വിശദീകരിക്കാൻ സമൺസ് അയച്ച ആമസോൺ എക്‌സിക്യൂട്ടീവുകളോട് ആവശ്യപ്പെട്ടിട്ടുണ്ട്.

വിഷയത്തിൽ കമ്പനിയും അന്വേഷണം ആരംഭിച്ചതായി ആമസോൺ വക്താവ് പറഞ്ഞു. ഇന്ത്യയിൽ നിരോധിക്കപ്പെട്ട ഒരു ഉൽപന്നവും ലിസ്റ്റ് ചെയ്യാനോ വിൽക്കാനോ അനുവദിക്കില്ലെന്നും അദ്ദേഹം പ്രസ്താവനയിൽ പറഞ്ഞു.

Tags
Show More

Related Articles

Leave a Reply

Your email address will not be published. Required fields are marked *

Back to top button
Close