KERALANEWSTrending

ഞാൻ വിജയകുമാരൻ നായരെന്ന നെടുമങ്ങാട് സ്വദേശിയുടെ മകളാണ്; പൊലീസിന്‍റെ നേതൃത്വത്തിൽ ധാരണയുണ്ടാക്കാൻ ശ്രമം നടത്തിയിരുന്നെങ്കിലും സഹകരിക്കാതെ സരിത; സഹികെട്ടപ്പോൾ മൺവെട്ടിയുടെ കൈ എടുത്ത് അടിച്ചു; ഒതുവിൽ ആത്മഹത്യയും; നാടിനെ നടുക്കിയ വിജയമോഹനന്റെ മരണം സഹോദരനോടുള്ള പകമൂലമോ?

വൃദ്ധൻ തലയ്ക്ക് അടിച്ചതിനെത്തുടർന്ന് ഗുരുതരമായി പരിക്കേറ്റ യുവതി മരിച്ചു. മുല്ലശ്ശേരി സ്വദേശി സരിതയാണ് തലയ്ക്ക് ഗുരുതരമായി പരിക്കേറ്റ് തിരുവനന്തപുരം മെഡിക്കൽ കോളേജിൽ ചികിത്സയിൽ കഴിയവേ മരിച്ചത്. സരിതയെ തലയ്ക്കടിച്ച് കൊലപ്പെടുത്താൻ ശ്രമിച്ച റിട്ട.കെഎസ്ആർടിസി ജീവനക്കാരൻ മുല്ലശേരി നെല്ലിവിള പത്മ വിലാസത്തിൽ വിജയമോഹനൻ നായർ ഇളയ സഹോദരന്റെ വീടിന് മുന്നിൽ വച്ച് പെട്രോൾ ഒഴിച്ച് സ്വയം തീ കൊളുത്തി ആത്മഹത്യ ചെയ്തിരുന്നു.

താൻ വിജയകുമാരൻ നായരെന്ന നെടുമങ്ങാട് സ്വദേശിയുടെ മകളാണെന്ന് അവകാശപ്പെട്ട് ദില്ലിയിലെ സ്വകാര്യ ആശുപത്രിയിലെ നഴ്സായ സരിത എന്ന യുവതി സ്ഥിരമായി വിജയകുമാരൻ നായരുടെ വീട്ടിലെത്തി ബഹളമുണ്ടാക്കുമായിരുന്നു. ഇത് സംബന്ധിച്ച് മാസങ്ങളായി തർക്കങ്ങളും നടന്നുവരുകയായിരുന്നു. സംഭവം വഷളായപ്പോൾ ഒരിക്കൽ നെടുമങ്ങാട് പൊലീസിന്‍റെ നേതൃത്വത്തിൽ ധാരണയുണ്ടാക്കാൻ ശ്രമം നടത്തിയിരുന്നെങ്കിലും സരിത ഇതിനോട് സഹകരിക്കാൻ തയ്യാറായിരുന്നില്ല.

ബുധനാഴ്ച രണ്ടുപേരെയും സ്റ്റേഷനിലേയ്ക്ക് വിളിപ്പിച്ച എസ്ഐ ധാരണ ഉണ്ടാക്കി ഒപ്പ് വയ്പ്പിക്കാൻ ശ്രമിച്ചപ്പോൾ ഒപ്പിടാൻ വിസമ്മതിച്ച് സരിത ഇറങ്ങിപ്പോയി. സംഭവ ദിവസം വൈകിട്ട് 5.30 ന് സരിത വീണ്ടും വിജയമോഹനന്റെ വീട്ടിൽ എത്തി ബഹളം ഉണ്ടാക്കി. തുടർന്ന് ഇത് വാക്കുതർക്കമായി മാറുകയും വിജയകുമാരൻ നായർ മൺവെട്ടിയുടെ കൈ എടുത്ത് സരിതയുടെ തലയിൽ അടിക്കുകയുമായിരുന്നു.

ഗുരുതരമായി പരിക്കേറ്റ സരിതയെ തിരുവന്തപുരം മെഡിക്കല്‍ കോളേജ് ആശുപത്രിയില്‍ പ്രവേശിപ്പിക്കുകയായിരുന്നു. ഈ സംഭവങ്ങൾക്ക് പിന്നാലെയായിരുന്നു വിജയമോഹനൻ നായർ സഹോദരന്റെ വീടിന് മുന്നിലെത്തിയത്. സരിതയെ തന്റെ അടുക്കലേക്ക് പറഞ്ഞ് വിടുന്നത് അനുജൻ ആണെന്ന് ധാരണയിൽ വിജയമോഹനൻ നായർ സതീഷുമായി അകൽച്ചയിലായിരുന്നു. പെട്രോളും ആയുധവുമായി എത്തിയ വിജയമോഹനനെ കണ്ടപ്പോൾ അനുജൻ വീട്ടിനുള്ളിൽ കയറി വാതിൽ അടച്ചു. ഇതിനിടെ വിജയമോഹനൻ സ്വയം തീ കൊളുത്തുകയായിരുന്നു. 42 കാരിയായ സരിത ദില്ലിയിലെ സ്വകാര്യ ആശുപത്രിയിലെ നഴ്‌സായിരുന്നു.

സരിതയെ മെഡിക്കല്‍ കോളേജിലേക്ക് കൊണ്ടുപോകുന്നതിനിടെ വിജയമോഹനന്‍ നായര്‍ ഓട്ടോറിക്ഷയില്‍ കയറി വട്ടപ്പാറ വേങ്കോട് പ്ലാത്തറയിലുള്ള അനുജന്‍ സതീഷിന്റെ വീട്ടിലെത്തി വീടിന്റെ രണ്ടാം നിലയിലുള്ള സിറ്റൗട്ടില്‍ കയറിയ ശേഷമാണ് കൈയ്യില്‍ കരുതിയിരുന്ന ഡീസല്‍ ദേഹത്ത് ഒഴിച്ച് തീകൊളുത്തി ആത്മഹത്യ ചെയ്തത്.

സംഭവത്തിൽ നെടുമങ്ങാട് പൊലീസ് കേസെടുത്ത് അന്വേഷണം ആരംഭിച്ചു. വിജയമോഹനനും അനുജനും തമ്മിലുള്ള വിരോധത്തിന്റെ പേരിൽ സ്ത്രീയെ ഉപയോഗിക്കുകയായിരുന്നു എന്ന വാദവും സജീവമാണ്. കരകുളം മുല്ലശ്ശേരി തൂമ്പടിവാരത്തിൽ ലീലയുടെ മകളാണ് സരിത. ഗുരുതരമായി പരിക്കേറ്റ സരിതയെ ആശുപത്രിയിലേക്ക് കൊണ്ടുപോകുന്നതിനിടെ വിജയമോഹനൻ നായർ ഓട്ടോറിക്ഷയിൽ വട്ടപ്പാറ വേങ്കോട് പ്ലാത്തറയിലുള്ള അനുജൻ സതീഷിന്റെ വീട്ടിലെത്തി ഡീസൽ ഒഴിച്ച് തീകൊളുത്തുകയായിരുന്നു.

കെ.എസ്.ആർ.ടി.സിയിൽനിന്ന് വിരമിച്ചശേഷം വട്ടപ്പാറയിലെ സ്വകാര്യ സ്‌കൂളിനുവേണ്ടി വാഹനമോടിക്കുകയായിരുന്നു വിജയമോഹനൻ നായർ. ഇന്ദിരയാണ് ഭാര്യ. മക്കൾ സതീഷ്, സന്ധ്യ.

Tags
Show More

Related Articles

Leave a Reply

Your email address will not be published. Required fields are marked *

Back to top button
Close