തമിഴ്നാട്ടിൽ സ്റ്റാലിന്റെ പടയോട്ടം തുടരുന്നു; തദ്ദേശ തെരഞ്ഞെടുപ്പ് നടന്ന ഒമ്പത് ജില്ലകളും തൂത്തുവാരി ഡിഎംകെ; പ്രതിപക്ഷം വെറും രണ്ടു സീറ്റിലൊതുങ്ങി

ചെ​ന്നൈ: തമിഴ്നാട്ടിൽ നടന്ന ത​ദ്ദേ​ശ തെ​ര​ഞ്ഞെ​ടു​പ്പി​ൽ സം​സ്​​ഥാ​നത്തെ ഭ​ര​ണ​ക​ക്ഷി​യാ​യ ഡി.​എം.​കെ​ക്ക്​ മി​ന്നു​ന്ന വി​ജ​യം. പു​തു​താ​യി വി​ഭ​ജി​ക്ക​പ്പെ​ട്ട ഒ​മ്പ​ത്​ ജി​ല്ല​ക​ളി​ലാണ് തെരഞ്ഞെടുപ്പ് നടന്നത്. തെരഞ്ഞെടുപ്പ് നടന്ന ഒ​മ്പ​ത്​ ജി​ല്ല പ​ഞ്ചാ​യ​ത്തു​ക​ളി​ലും ഡി.​എം.​കെ ഭ​ര​ണ​മു​റ​പ്പി​ച്ചു. മൊ​ത്ത​മു​ള്ള 140 ജി​ല്ല കൗ​ൺ​സി​ൽ അം​ഗ​ങ്ങ​ളി​ൽ 138ഉം ​ഡി.​എം.​കെ ക​ര​സ്​​ഥ​മാ​ക്കി. അ​ണ്ണാ ഡി.​എം.​കെ​ക്ക്​ ര​ണ്ട്​ സീ​റ്റ്​ മാ​ത്ര​മാ​ണ്​ ല​ഭി​ച്ച​ത്.

ഒ​ക്​​ടോ​ബ​ർ ആ​റ്, ഒ​മ്പ​ത്​ തീ​യ​തി​ക​ളി​ൽ ര​ണ്ടു ഘ​ട്ട​ങ്ങ​ളി​ലാ​യി കാ​ഞ്ചി​പു​രം, ചെ​ങ്ക​ൽ​പേ​ട്ട്, തെ​ങ്കാ​ശി, വെ​ല്ലൂ​ർ, റാ​ണി​പേ​ട്ട്, തി​രു​പ്പ​ത്തൂ​ർ, തി​രു​ന​ൽ​വേ​ലി, വി​ഴു​പ്പു​റം, ക​ള്ള​ക്കു​റി​ച്ചി എ​ന്നീ ജി​ല്ല​ക​ളി​ലെ ജി​ല്ല പ​ഞ്ചാ​യ​ത്ത്​ അം​ഗ​ങ്ങ​ൾ, പ​ഞ്ചാ​യ​ത്ത്​ യൂ​നി​യ​ൻ വാ​ർ​ഡ്​ മെം​ബ​ർ​മാ​ർ, ഗ്രാ​മ​പ​ഞ്ചാ​യ​ത്ത്​ പ്ര​സി​ഡ​ൻ​റു​മാ​ർ, ​ഗ്രാ​മ​പ​ഞ്ചാ​യ​ത്ത്​ വാ​ർ​ഡ്​ അം​ഗ​ങ്ങ​ൾ എ​ന്നീ​ങ്ങ​നെ കാ​ൽ​ല​ക്ഷ​ത്തോ​ളം സീ​റ്റു​ക​ളി​ലേ​ക്കാ​ണ്​ ​തെ​ര​ഞ്ഞെ​ടു​പ്പ്​ ന​ട​ന്ന​ത്. 73.27 പോ​ളി​ങ്​ ശ​ത​മാ​നം രേ​ഖ​പ്പെ​ടു​ത്തി. ചൊ​വ്വാ​ഴ്​​ച രാ​വി​ലെ 74 കേ​ന്ദ്ര​ങ്ങ​ളി​ലാ​യാ​ണ്​ വോ​​ട്ടെ​ണ്ണ​ൽ ആ​രം​ഭി​ച്ച​ത്.