KERALANEWSTop News

കൊണ്ടോട്ടി പീഡന ശ്രമത്തിൽ പ്രതി മലയാളിയെന്ന് സൂചന; പ്രതിയെ കണ്ടെത്താൻ പ്രത്യേക അന്വേഷണ സംഘം രൂപീകരിച്ചെന്നും ഉടന്‍ പിടികൂടുമെന്നും ജില്ലാ പോലീസ് മേധാവി

മലപ്പുറം: മലപ്പുറം കൊണ്ടോട്ടിയിൽ കോളജ് വിദ്യാർത്ഥിനിയെ ആക്രമിച്ച് ബലാത്സംഗം ചെയ്യാൻ ശ്രമിച്ച പരാതിയിൽ പ്രതിയെ ഉടൻ പിടികൂടുമെന്ന് പോലീസ്. പ്രതിയെ കണ്ടെത്താൻ പ്രത്യേക അന്വേഷണ സംഘം രൂപീകരിച്ചിട്ടുണ്ടെന്നും ജില്ലാ പോലീസ് മേധാവി മാധ്യമങ്ങളോട് പറഞ്ഞു. ലഭിച്ച വിവരങ്ങളുടെ അടിസ്ഥാനത്തിൽ പ്രതി മലയാളിയെന്നാണ് സൂചനയെന്നും എസ്പി വ്യക്തമാക്കി. പരിസരത്തെ സിസിടിവി ക്യാമറ ദൃശ്യങ്ങൾ ഉൾപ്പെടെ ശേഖരിച്ചിട്ടുണ്ട്.

സിനിമയിൽ മാത്രം കണ്ടുപരിചയമുള്ള സംഭവം നേരിട്ട് കണ്ടതിന്റെ ഞെട്ടലിലാണ് കൊണ്ടോട്ടി നിവാസികൾ. ഇന്നലെയാണ് നാടിനെ നടുക്കി കൊണ്ടോട്ടിയിൽ ഇരുപത്തിരണ്ടുകാരിയയെ അജ്ഞാതൻ അതിക്രമിച്ച് ബലാത്സംഗം ചെയ്യാൻ ശ്രമിച്ചത്. പഠിക്കാനായി പോകുന്നതിനിടെ ആളൊഴിഞ്ഞ വഴിയിൽ വെച്ച് പെൺകുട്ടി അക്രമിക്കപ്പെടുകയായിരുന്നു. അതിക്രൂരമായ ആക്രമണത്തിൽ പരിക്കേറ്റ പെൺകുട്ടിയെ മലപ്പുറം മഞ്ചേരി മെഡിക്കൽ കോളേജിൽ ചികിത്സയിലായിരുന്നു.

മലപ്പുറം കൊണ്ടോട്ടി കോട്ടുകരയിൽ ഇന്നലെ ഉച്ചയോടെയായിരുന്നു സംഭവം. പെണ്‍കുട്ടിയെ പിന്തുടർന്ന് വന്ന യുവാവ് ആളൊഴിഞ്ഞ സ്ഥലത്ത് വച്ച് കടന്നുപിടിക്കുകയായിരുന്നു. വായപൊത്തിപ്പിടിച്ച് ഇയാൾ പെൺകുട്ടിയെ അടുത്തുള്ള വാഴത്തോട്ടത്തിലേക്ക് വലിച്ചിഴച്ചു. ഇതിനിടെ പെൺകുട്ടി ചെറുക്കുകയായിരുന്നു. എന്നാൽ യുവാവ് പെൺകുട്ടിയെ അതിക്രൂരമായി മർദ്ദിച്ചു.ഈ സമയത്ത് പ്രതി കല്ലുകൊണ്ട് ഇടിച്ച് പരിക്കേല്‍പിക്കുകയും ചെയ്തു. ആക്രമണത്തിൽ നിന്നും ഒരു തരത്തിൽ രക്ഷപെട്ട പെൺകുട്ടി അടുത്തുള്ള വീട്ടിലേക്ക് ജീവനും കൊണ്ട് ഓടിക്കയറുകയായിരുന്നു. ദേഹമാസകലം മുറിവുകളുമായാണ് പെൺകുട്ടി ഓടിവന്നതെന്ന് അടുത്തുള്ള വീട്ടുകാർ പറയുന്നു.

ആക്രമിച്ച ആളെ ഇനി കണ്ടാൽ തിരിച്ചറിയാൻ കഴിയുമെന്നാണ് പെൺകുട്ടി പറയുന്നത്. താടിയും മീശയുമില്ലാത്ത വെളുത്ത ഒരാളാണ് അക്രമിച്ചതെന്നാണ് യുവതി പറയുന്നത്. പരിക്കേറ്റ പെൺകുട്ടിയെ മലപ്പുറം മഞ്ചേരി മെഡിക്കൽ കോളേജിൽ പ്രവേശിപ്പിച്ചിരിക്കുകയായിരുന്നു. ഇന്ന് രാവിലെ പെൺകുട്ടി ആശുപത്രി വിട്ടു.

അതേസമയം പ്രതിയെന്ന് സംശയിക്കുന്ന ആളുടെ ചെരിപ്പ് സ്ഥലത്ത് നിന്ന് ലഭിച്ചിട്ടുണ്ട്. സംഭവത്തിൽ വധശ്രമത്തിനും ബലാത്സംഗ ശ്രമത്തിനും പോലീസ് കേസെടുത്തു. കൊണ്ടോട്ടി ഡിവൈഎസ്പി പികെ അഷറഫിന്റെ നേതൃത്വത്തില്‍ പോലീസ് അന്വേഷണം ആരംഭിച്ചിട്ടുണ്ട്. മലപ്പുറം എസ് പി സ്ഥലത്തെത്തി.

Tags
Show More

Related Articles

Leave a Reply

Your email address will not be published. Required fields are marked *

Back to top button
Close