celebrityNEWSSocial Media

ഒറ്റ ദിവസം കൊണ്ട് ഇൻസ്റ്റാഗ്രാമിൽ ഒരു ലക്ഷത്തിലധികം ഫോളോവേഴ്‌സ്; ബോളിവുഡ് പാട്ടിന് നൃത്തം ചെയ്ത് ആരാധക ലോകത്തിന് നന്ദിയറിയിച്ച് മീരാ ജാസ്മിൻ

നീണ്ട ഇടവേളയ്‌ക്ക് ശേഷം സിനിമയിലേക്ക് തിരികെ എത്തിയിരിക്കുകയാണ് മീരാ ജാസ്മിൻ. അവിസ്മരണീയ കഥാപാത്രങ്ങൾക്ക് ജീവൻ നൽകിക്കൊണ്ട് ജനമനസ്സിൽ എന്നും ഇടംപിടിച്ചിരുന്ന താരത്തെ മലയാളി രണ്ട് കൈയ്യും നീട്ടിയാണ് സ്വീകരിച്ചത്. കഴിഞ്ഞ ദിവസം സത്യൻ അന്തിക്കാട് സംവിധാനം ചെയ്യുന്ന ‘മകൾ’ എന്ന ചിത്രത്തിലെ ഒരു വർക്കിംഗ് സ്റ്റിൽ ഇൻസ്റ്റാഗ്രാമിൽ പങ്കുവെച്ചുകൊണ്ട് സോഷ്യൽ മീഡിയയിലേക്കുള്ള വരവും മീരാ ജാസ്മിൻ അറിയിച്ചിരുന്നു. ഇതിന് പിന്നാലെ ഒരു വീഡിയോയുമായാണ് താരം എത്തിയിരിക്കുന്നത്.

ആരാധക സ്‌നേഹത്തിന് നൃത്തത്തിലൂടെ നന്ദി പറഞ്ഞുകൊണ്ടുള്ള വീഡിയോയാണ് പങ്കുവെച്ചിട്ടുള്ളത്. ബോളിവുഡ് ഗാനമായ ‘ബോല് ദോ നാ സറാ’ എന്ന പാട്ടിന് നൃത്തം ചെയ്യുന്ന മീരാ ജാസ്മിന്റെ വീഡിയോ നിമിഷ നേരം കൊണ്ട് വൈറലായിരിക്കുകയാണ്. വീടിനുള്ളിൽ മതിമറന്ന് നൃത്തം ചെയ്യുന്ന വീഡിയോയാണിത്. നിരവധി താരങ്ങൾ ഇത് ഇൻസ്റ്റഗ്രാമിൽ പങ്കുവെച്ചിട്ടുണ്ട്. ഏറെ കാലത്തിന് ശേഷമുള്ള മീരാ ജാസ്മിന്റെ തിരിച്ചുവരവിനെയാണ് ഇതിലൂടെ എല്ലാരും ഏറ്റെടുക്കുന്നത്.

ആദ്യ ഫോട്ടോ പോസ്റ്റ് ചെയ്തത് ഒരു ദിവസം കൊണ്ടാണ് മീരാ ജാസ്മിന് ഒരു ലക്ഷത്തിലധികം ഫോളോവേഴ്‌സിനെ ലഭിച്ചത്. സത്യൻ അന്തിക്കാട് സംവിധാനം ചെയ്യുന്ന പുതിയ ചിത്രത്തിൽ ജയറാമിന്റെ നായികയാണ് മീരാ ജാസ്മിൻ മലയാളത്തിൽ തിരിച്ചെത്തുന്നത്. തന്റെ തിരിച്ചുവരവിൽ പ്രേക്ഷകർ ആവേശഭരിതരാണെന്ന് കേൾക്കുന്നത് തന്നെ വലിയ സന്തോഷമാണെന്നായിരുന്നു മീര ജാസ്മിൻ പറഞ്ഞത്. കുറച്ച് നാളുകൾ സിനിമയിൽ നിന്നും മാറി നിന്നിരുന്നു. ഇനി നല്ല സിനിമകളിലൂടെ സജീവമായി ഇൻഡസ്ട്രിയിൽ ഉണ്ടാകുമെന്നും മലയാളിയുടെ ഏറ്റവും പ്രിയപ്പെട്ട നടി പറഞ്ഞിരുന്നു

കൂടുതൽ വാർത്തകൾക്കും തത്സമയ വീഡിയോകൾക്കും ഞങ്ങളുടെ വാട്സാപ് ​ഗ്രൂപ്പിൽ അം​ഗമാകുക..

https://chat.whatsapp.com/EL3rtE8pC5eBn31SSpe3zj

ഫേസ്ബുക്കിൽ പിന്തുടരുന്നതിന് പേജ് ലൈക്ക് ചെയ്യുക..

https://www.facebook.com/MediaMangalamnews

Tags
Show More

Related Articles

Leave a Reply

Your email address will not be published.

Back to top button
Close