INDIANEWSTrending

‘കേന്ദ്ര സർക്കാരിന്റെ ജനക്ഷേമ പദ്ധതികൾക്ക് ഹിന്ദിയിൽ പേരിടുന്നത് ശരിയല്ല; മറ്റ് ഭാഷകൾ ഉപയോഗിക്കുന്നവർക്കാണ് അതി​ന്റെ ബുദ്ധിമുട്ട്’ ; പാർലമെന്റിൽ തുറന്നടിച്ച് ഡിഎംകെ എംപി കനിമൊഴി

ന്യൂഡൽഹി: കേന്ദ്ര സർക്കാരിന്റെ ജനക്ഷേമ പദ്ധതികൾക്ക് ഹിന്ദിയിൽ പേരിടുന്നത് ശരിയല്ലെന്നും അതിന്റെ ബുദ്ധിമുട്ട് മറ്റ് ഭാഷകൾ ഉപയോഗിക്കുന്നവർക്കാണെന്നും തുറന്നു പറഞ്ഞ് ഡിഎംകെ എംപി കനിമൊഴി. ഇത്തരം പേരുകൾ ഉച്ചരിക്കുന്നതിൽ തനിക്ക് ബുദ്ധിമുട്ടുണ്ടെന്നും കനിമൊഴി പാർലമെന്റിൽ തുറന്നടിച്ചു.

പാർലമെന്റ് പ്രസം​ഗത്തിൽ ആത്മനിർഭർ എന്ന പേര് ഉച്ചരിക്കാൻ ബുദ്ധിമുട്ടിയ എംപി എന്തുകൊണ് ഇത്തരം പദ്ധതികൾക്ക് ഇം​ഗ്ലീഷ് പേരോ പ്രാദേശിക പോരോ നൽകാത്തതെന്നും ചോദിച്ചു. കാലാവസ്ഥാ വ്യതിയാനത്തെ നേരിടാനുള്ള കേന്ദ്ര സർക്കാർ പദ്ധതികളെക്കുറിച്ചും സംസ്ഥാന സർക്കാരുകളെ ഇത്തരം പദ്ധതികളിൽ പങ്കാളികളാക്കേണ്ടതിനെക്കുറിച്ചും ഇം​ഗ്ലീഷിൽ സംസാരിക്കുകയായിരുന്നു കനിമൊഴി. ഇതിനിടയിലാണ് ആത്മനിർഭർ എന്ന വാക്ക് വന്നത്. ഈ വാക്ക് പറയാൻ എം.പി നന്നായി ബുദ്ധിമുട്ടി. മറ്റ് എം.പിമാർ കാനോമൊഴിയെ സഹായിക്കാൻ ശ്രമിച്ചെങ്കിലും നടന്നില്ല. ഒടുവിൽ തന്റെ ബുദ്ധിമുട്ട് എംപി തുറന്നു പറയുകയായിരുന്നു.

‘ഇതാണ് പ്രശ്നം. ഞങ്ങൾ വ്യത്യസ്ത ഭാഷകൾ സംസാരിക്കുന്നവരാണെന്ന് നിങ്ങൾ മനസ്സിലാക്കുന്നില്ല. ഒന്നുകിൽ ഇത് ഇം​ഗ്ലീഷിൽ ആക്കൂ, അല്ലെങ്കിൽ മറ്റേതെങ്കിലും പ്രാദേശിക ഭാഷകളിൽ ആക്കൂ. അങ്ങനെയെങ്കിൽ എല്ലാവർക്കും ഇത് പറയാൻ കഴിയും. ഇത് എനിക്ക് പറ്റുന്നില്ല. ഞാൻ തമിഴിൽ സംസാരിക്കും. നിങ്ങൾക്ക് മനസ്സിലാക്കാൻ പറ്റുന്നുണ്ടോ എന്ന് പറയൂ. പക്ഷെ അതിന് അനുമതി വേണമെന്ന് നിങ്ങൾ ശഠിക്കുന്നു. അതാണ് പ്രശ്നം’, കനിമൊഴി പറഞ്ഞു.

കൂടുതൽ വാർത്തകൾക്കും തത്സമയ വീഡിയോകൾക്കും ഞങ്ങളുടെ വാട്സാപ് ​ഗ്രൂപ്പിൽ അം​ഗമാകുക..

https://chat.whatsapp.com/F9NgXAb9Ii0L9HiAsjtcHo

വീഡിയോകൾക്ക് സന്ദർശിക്കുക മീഡിയമംഗളം യൂട്യൂബ്‌

https://www.youtube.com/channel/UCrbd0IZKIPud_hB8-5nsMLA

ടെല​ഗ്രാമിൽ പിന്തുടരുന്നതിന് ഈ ലിങ്കിൽ ക്ലിക്ക് ചെയ്യുക

https://t.me/mediamangalam

Tags
Show More

Related Articles

Leave a Reply

Your email address will not be published. Required fields are marked *

Back to top button
Close