സം​സ്ഥാ​ന ബി.​ജെ.​പി​യെ ശ​ക്തി​പ്പെ​ടു​ത്താ​ൻ പുതിയ നീക്കങ്ങളുമായി നേതൃത്വം; കൂ​ടു​ത​ൽ പേ​രെ നേ​തൃ​നി​ര​യി​​ലേ​ക്ക്​ കൊ​ണ്ടു​വ​രും; പ​ഞ്ചാ​യ​ത്തു​ത​ലം മു​ത​ൽ സം​സ്ഥാ​ന​ത​ലം വ​രെയുള്ള പ്ര​വ​ർ​ത്ത​നം മേ​ൽ​ഘ​ട​ക​ങ്ങ​ൾ വി​ല​യി​രു​ത്തും

തി​രു​വ​ന​ന്ത​പു​രം: സം​സ്ഥാ​ന ബി.​ജെ.​പി​യെ ശ​ക്തി​പ്പെ​ടു​ത്താ​ൻ പുതിയ നീക്കങ്ങളുമായി നേതൃത്വം. കൂ​ടു​ത​ൽ പേ​രെ നേ​തൃ​നി​ര​യി​​ലേ​ക്ക്​ കൊ​ണ്ടു​വ​രും. വരുന്നവരുടെ പ്രവർത്തനം കൃത്യമായി വിലയിരുത്തും. പാ​ർ​ട്ടി ഏ​ൽ​പ്പി​ക്കു​ന്ന ജോ​ലി​ക​ളി​ൽ​നി​ന്ന്​ വി​ട്ടു​നി​ൽ​ക്കു​ന്ന ഭാ​ര​വാ​ഹി​ക​ൾ​ക്ക് ചുമതല നഷ്ടമായേക്കും. സ​മൂ​ഹ​മാ​ധ്യ​മ​ങ്ങ​ളിലും മറ്റും പാ​ർ​ട്ടി വി​രു​ദ്ധ നി​ല​പാ​ടു​ക​ൾ സ്വീകരിച്ചാൽ ന​ട​പ​ടി​യു​ണ്ടാ​കും.

ബൂ​ത്ത്, പ​ഞ്ചാ​യ​ത്തു​ത​ലം മു​ത​ൽ സം​സ്ഥാ​ന​ത​ലം വ​രെ പാ​ർ​ട്ടി നേ​താ​ക്ക​ളു​ടെ പ്ര​വ​ർ​ത്ത​നം മേ​ൽ​ഘ​ട​ക​ങ്ങ​ൾ വി​ല​യി​രു​ത്തും. നേ​തൃ​ത്വ​ത്തി​നെ​തി​രാ​യ വി​യോ​ജി​പ്പ്​ മൂ​ലം പാ​ർ​ട്ടി പ​രി​പാ​ടി​ക​ളി​ൽ​നി​ന്ന്​ വി​ട്ടു​നി​ൽ​ക്കു​ന്ന സം​സ്ഥാ​ന ഭാ​ര​വാ​ഹി​ക​ൾ ഉ​ൾ​പ്പെ​ടെ​യു​ള്ള​വ​രെ ഇ​തി​ലൂ​ടെ പൂ​ട്ടാ​നാ​കു​മെ​ന്നാ​ണ്​ ഒൗ​ദ്യോ​ഗി​ക വി​ഭാ​ഗ​ത്തി​ന്റെ പ്ര​തീ​ക്ഷ. പാ​ർ​ട്ടി​ക്കു​ള്ളി​ൽ സ്ഥാ​ന​മാ​ന​ങ്ങ​ൾ ല​ഭി​ക്കാ​ത്ത​ത്​ പ​ലരെയും പ്ര​വ​ർ​ത്ത​ന​ത്തി​ൽ​നി​ന്ന്​ അ​ക​റ്റി നി​ർ​ത്തു​ന്നെ​ന്ന വി​ല​യി​രു​ത്ത​ലു​ണ്ട്. ഇൗ ​സാ​ഹ​ച​ര്യ​ത്തി​ൽ നി​ല​വി​ലെ നി​േ​യാ​ജ​ക​മ​ണ്ഡ​ല​ങ്ങ​ളെ ര​ണ്ടാ​യി വി​ഭ​ജി​ച്ച്​ 280 മ​ണ്ഡ​ലം ക​മ്മി​റ്റി​ക​ൾ രൂ​പ​വ​ത്​​ക​രി​ക്കും. നി​യോ​ജ​ക​മ​ണ്ഡ​ലം ക​മ്മി​റ്റി​ക​ൾ​ക്ക്​ പ​ക​രം മ​ണ്ഡ​ലം ക​മ്മി​റ്റി​ക​ൾ നി​ല​വി​ൽ​വ​രും. പു​നഃ​ക്ര​മീ​ക​ര​ണം സം​ബ​ന്ധി​ച്ച വി​ശ​ദ മാ​ർ​ഗ​രേ​ഖ ജി​ല്ല​ക​ളി​ലേ​ക്ക് സം​സ്ഥാ​ന ക​മ്മി​റ്റി അ​യ​ച്ചി​ട്ടു​ണ്ട്.

മൂ​ന്നു​ത​വ​ണ തു​ട​ർ​ച്ച​യാ​യി പാ​ർ​ട്ടി പ​രി​പാ​ടി​ക​ളി​ൽ​നി​ന്ന് വി​ട്ടു​നി​ൽ​ക്കു​ന്ന​വ​രെ ഭാ​ര​വാ​ഹി​ത്വ​ത്തി​ൽ​നി​ന്ന് ഒ​ഴി​വാ​ക്കും. സ​മൂ​ഹ​മാ​ധ്യ​മ​ങ്ങ​ളി​ൽ പാ​ർ​ട്ടി​യു​ടെ പ്ര​ഖ്യാ​പി​ത ന​യ​ങ്ങ​ൾ​ക്ക് വി​രു​ദ്ധ​മാ​യി നേ​താ​ക്ക​ൾ അ​ഭി​പ്രാ​യം പ്ര​ക​ടി​പ്പി​ക്കു​ന്ന​ത്​ ത​ട​യാ​ൻ നി​രീ​ക്ഷ​ണം ശ​ക്ത​മാ​ക്കും. അ​ടു​ത്ത​ഘ​ട്ട​മാ​യി പ​ഞ്ചാ​യ​ത്ത്, ബൂ​ത്ത് ക​മ്മി​റ്റി​ക​ൾ പു​നഃ​സം​ഘ​ടി​പ്പി​ക്കും. നേ​തൃ​നി​ര​യി​ൽ സ്ത്രീ​പ്രാ​തി​നി​ധ്യം കൂ​ട്ടും. പി​ന്നാ​ക്ക, ന്യൂ​ന​പ​ക്ഷ വി​ഭാ​ഗ​ങ്ങ​ളി​ൽ​നി​ന്ന്​ കൂ​ടു​ത​ൽ​പേ​രെ ഭാ​ര​വാ​ഹി​ക​ളാ​ക്കാ​നും നി​ർ​ദേ​ശ​മു​ണ്ട്.

കൂടുതൽ വാർത്തകൾക്കും തത്സമയ വീഡിയോകൾക്കും ഞങ്ങളുടെ വാട്സാപ് ​ഗ്രൂപ്പിൽ അം​ഗമാകുക..

വീഡിയോകൾക്ക് സന്ദർശിക്കുക മീഡിയമംഗളം യൂട്യൂബ്‌