KERALATop News

Media Mangalam Impact| ഡാന്‍സ്, മ്യൂസിക് സ്‌കൂളുകള്‍ പ്രവര്‍ത്തിക്കാന്‍ സംസ്ഥാന സര്‍ക്കാര്‍ അനുമതി

തിരുവനന്തപുരം: സംസ്ഥാനത്ത് കോവിഡ് നിയന്ത്രണത്തിന് ഇളവുകള്‍. പരിശീലന കേന്ദ്രങ്ങള്‍, നൃത്തവിദ്യാലയങ്ങള്‍ ഉള്‍പ്പെടെ തുറക്കാന്‍ സര്‍ക്കാര്‍ അനുമതി. ഇതില്‍ കമ്പ്യൂട്ടര്‍ സെന്ററുകളും ട്യൂഷന്‍ സെന്ററുകളും ഉള്‍പ്പെടും.സാങ്കേതിക വിദ്യാഭ്യാസസ്ഥാപനങ്ങള്‍, സ്‌കൂളുകള്‍ ഒഴികെ തൊഴിലധിഷ്ഠിത പരിശീലന കേന്ദ്രങ്ങള്‍ എന്നിവയ്ക്കും അനുമതിയുണ്ട്. ഒരേസമയം അന്‍പത് ശതമാനം വിദ്യാര്‍ഥികള്‍ക്ക് പങ്കെടുക്കാം അല്ലെങ്കില്‍ പരമാവധി നൂറ് പേര്‍ക്ക് പങ്കെടുക്കാം. കോവിഡ് മാനദണ്ഡങ്ങളുടെ പേരില്‍ മ്യൂസിക്, ഡാന്‍സ് സ്‌കൂളുകളെ ഒഴിവാക്കുന്നുവെന്ന് ചൂണ്ടിക്കാട്ടി മീഡിയ മംഗളം നേരത്തേ വാര്‍ത്ത റിപ്പോര്‍ട്ട് ചെയ്തിരുന്നു. ഇതില്‍ പ്രമുഖ ഗായകരും നൃത്ത അധ്യാപകരും സംഗീത സംവിധായകരും പ്രതികരണവുമായി രംഗത്ത് എത്തിയിരുന്നു. ഇതിന്റെ പശ്ചാത്തലത്തിലാണ് സംസ്ഥാന സര്‍ക്കാര്‍ അനുവാദം നല്‍കിയത്.

മറ്റു സംസ്ഥാനങ്ങളില്‍ നിന്നു കേരളത്തിലെത്തുന്നവര്‍ക്കുള്ള ക്വാറന്റൈന്‍ ഒഴിവാക്കിയേക്കും. മറ്റു പല സംസ്ഥാനങ്ങളും സംസ്ഥാനാന്തര യാത്രയ്ക്കു നിയന്ത്രണം ഒഴിവാക്കിയെങ്കിലും കേരളം ഏഴു ദിവസത്തെ ക്വാറന്റീനും അതിനുശേഷം രോഗപരിശോധനയും നിര്‍ബന്ധമായി തുടരുകയായിരുന്നു. തദ്ദേശ തിരഞ്ഞെടുപ്പിനു വോട്ടുചെയ്യാന്‍ ഒട്ടേറെ പേര്‍ എത്തുമെന്ന കണക്കുകൂട്ടലിലാണ് ഇളവ് ആലോചിക്കുന്നത്. ഇതര സംസ്ഥാനങ്ങളില്‍ നിന്നുള്ള ബിസിനസ് യാത്രകള്‍ക്കും ക്വാറന്റൈന്‍ ഒഴിവാക്കണമെന്ന ആവശ്യമുയര്‍ന്നിട്ടുണ്ട്. നിലവില്‍ 7 ദിവസത്തിനകം മടങ്ങുന്നവര്‍ക്ക് പ്രത്യേക അനുമതിയുണ്ടെങ്കില്‍ ക്വാറന്റൈന്‍ വേണ്ട.

Read More: എല്ലാ കോവിഡ് മാനദണ്ഡങ്ങളും പാലിച്ചുകൊണ്ട് കലാപഠനകേന്ദ്രങ്ങള്‍ തുറക്കണം : എം ജയചന്ദ്രന്‍

Read More: നൃത്ത സംഗീത അദ്ധ്യാപകരെ സര്‍ക്കാര്‍ ആത്മഹത്യയിലേക്ക് തള്ളിവിടുന്നു : നൃത്താധ്യാപിക റിഗാറ്റ ഗിരിജ ചന്ദ്രന്‍

Read More: സംഗീത-നൃത്ത അധ്യാപകരുടെ സങ്കടം സര്‍ക്കാര്‍ കാണണം: ജി.വേണുഗോപാല്‍

Tags
Show More

Related Articles

Leave a Reply

Your email address will not be published. Required fields are marked *

Back to top button
Close