NEWSTrendingviralWORLD

ലോകത്തിലെ ഏറ്റവും വില കൂടിയ കുപ്പിവെള്ളം; ഗിന്നസ് ബുക്കിൽ ഇടം നേടിയ കുപ്പിവെള്ളത്തിന്റെ വില അറിയാം

ഇനി ഒരു യുദ്ധം ഉണ്ടായാൽ അത് ജലത്തിന് വേണ്ടി ആവും എന്നെല്ലാം നാം കേട്ടിട്ടുണ്ട്. കുടിവെള്ളത്തിന് പോലും വലിയ വിലയാണ് എന്നൊക്കെ എല്ലാവരും പറയാറുമുണ്ട്. എന്നാൽ ലോകത്തിലെ ഏറ്റവും വില കൂടിയ കുപ്പിവെള്ളം ഏതാണ് എന്നറിയാമോ? അതിന് എത്രയാ വിലയെന്നോ? $60,000 – നാണ് അത് വിറ്റത് എന്ന് പറയുന്നു. അതായത്, ഏകദേശം 44,95,830 രൂപ. അങ്ങനെ ഈ കുപ്പിവെള്ളം ഗിന്നസ് ബുക്ക്സിലും ഇടം നേടി.

അക്വ ഡി ക്രിസ്റ്റല്ലോ ട്രിബ്യൂട്ടോ മോഡിഗ്ലിയാനി (Acqua di Cristallo Tributo a Modigliani) എന്ന് പേരുള്ള വെള്ളത്തിന് ഇത്ര വില വരാന്‍ നിരവധി കാരണങ്ങള്‍ പറയുന്നുണ്ട്. ഒരു കാരണം അത് പാക്കേജു ചെയ്ത അതിമനോഹരമായ കുപ്പിയാണ്. 24 കാരറ്റ് സ്വർണ്ണം കൊണ്ടാണ് കുപ്പി നിർമ്മിച്ചിരിക്കുന്നത്. കൂടാതെ, അതിന്റെ ആകൃതി രൂപകൽപ്പന ചെയ്തിരിക്കുന്നത് ലോകത്തിലെ ഏറ്റവും പ്രശസ്തമായ ബോട്ടില്‍ ഡിസൈനർ ഫെർണാണ്ടോ അൽതമിറാനോ ആണ്.

ഫ്രാൻസിൽ നിന്നും ഫിജിയിൽ നിന്നും ശേഖരിച്ചതാണ് ഈ വെള്ളം. ലോകത്തിന്‍റെ എതിര്‍വശങ്ങളിലായി നില്‍ക്കുന്ന രണ്ട് സ്ഥലങ്ങളാണിത്. ഈ വിലയേറിയ വെള്ളം നൽകുന്ന രുചി സാധാരണയിലും അപ്പുറമാണ് എന്ന് പറയുന്നു. മാത്രമല്ല ഇത് ഇന്ന് വിപണിയിൽ ലഭ്യമായ ശരാശരി കുടിവെള്ളത്തേക്കാൾ കൂടുതൽ ഊർജ്ജം നൽകുന്നുവെന്നും അവകാശപ്പെടുന്നു.

ഈ ബ്രാൻഡിന്റെ എല്ലാ കുപ്പികളും മനോഹരമായ ലെതർ കേസിൽ പാക്കേജു ചെയ്‌തിരിക്കുന്നു. കൂടാതെ, വാട്ടർ ബോട്ടിലിന്റെ കുറഞ്ഞ ഇനം $285 -ന് ലഭ്യമാണ് (ഏകദേശം 21,355 രൂപ). അതിൽ 24 കാരറ്റ് സ്വർണ്ണ കോട്ടിംഗ് ഇല്ലായിരിക്കും. എന്നിരുന്നാലും, അക്വ ഡി ക്രിസ്റ്റല്ലോ ട്രിബ്യൂട്ടോ മോഡിഗ്ലിയാനി ഏറ്റവും വിലയേറിയ കുപ്പിയാകാം, പക്ഷേ ലോകത്ത് ഇപ്പോഴും ഇതുപോലെ വിലയേറിയ ധാരാളം കുപ്പിവെള്ളം ലഭ്യമാണ്.

ജപ്പാനിൽ നിന്നുള്ള കോന നിഗാരി എന്ന കുപ്പി വെള്ളത്തിന് 402 ഡോളറാണ്. ഇത് ഹവായി ദ്വീപിന്റെ തീരത്ത് 2,000 മീറ്റർ കടലിനടിയിൽ നിന്ന് ശേഖരിച്ചതാണ്. അതിൽ പ്രയോജനകരവും പ്രകൃതിദത്തമായതുമായ ആഴക്കടലിലെ ഇലക്ട്രോലൈറ്റുകളും അടങ്ങിയിരിക്കുന്നു എന്നാണ് പറയപ്പെടുന്നത്.

ഒരു കുപ്പിക്ക് $ 219 നല്‍കേണ്ടുന്ന ഫില്ലിക്കോ മറ്റൊരു ജാപ്പനീസ് ബ്രാൻഡ് കുപ്പിവെള്ളമാണ്. അതിന്റെ കുപ്പികൾ രാജാവിനെയും രാജ്ഞിയെയും പോലെ കാണപ്പെടുന്നു. അവർ സ്വർണ്ണ കിരീടങ്ങള്‍ പോലും അണിഞ്ഞിട്ടുണ്ട്. ഒസാക്കയ്‌ക്കടുത്തുള്ള റോക്കോ പർവതങ്ങളിൽ നിന്നാണ് ഇതിലെ വെള്ളം വരുന്നത്.

Tags
Show More

Related Articles

Leave a Reply

Your email address will not be published. Required fields are marked *

Back to top button
Close