KERALANEWSTop News

‘നീതി നിഷേധിക്കപ്പെട്ടു, നടന്നത് മനുഷ്വത്വ രഹിതം’; സ്വന്തം കുഞ്ഞിനുവേണ്ടി സമരം നടത്തുന്ന അനുപമയ്‌ക്ക് പിന്തുണയുമായി വൃന്ദാ കാരാട്ട്; കുഞ്ഞിനെ തിരികെ ലഭിക്കാനുള്ള നടപടി വേഗത്തിലാക്കണമെന്നും സിപിഎം പോളിറ്റ് ബ്യുറോ അംഗം

സ്വന്തം കുഞ്ഞിന് വേണ്ടി സമരം നടത്തുന്ന അനുപമയ്‌ക്ക് പിന്തുണയുമായി വൃന്ദാ കാരാട്ട്. അനുപമയ്ക്ക് നീതി നിഷേധിക്കപ്പെട്ടെന്ന് സിപിഎം പൊളിറ്റ് ബ്യൂറോ അംഗം വൃന്ദ കാരാട്ട് പറഞ്ഞു. നടന്നത് മനുഷ്യത്വരഹിതമായ കാര്യമാണ്. കുഞ്ഞിനെ അനുപമയ്ക്ക് തിരികെ നല്‍കണം. കുട്ടിയെ തിരികെ ലഭിക്കാനുള്ള നടപടി വേഗത്തിലാക്കണമെന്നും വൃന്ദ കാരാട്ട് ആവശ്യപ്പെട്ടു.

അതെസമയം സഹായിക്കേണ്ട സമയത്ത് പാർട്ടി സഹായിച്ചില്ലെന്നും ഇനി എത്ര മാത്രം സഹായിക്കാൻ പാർട്ടിക്ക് സാധിക്കുമെന്ന് അറിയില്ലെന്നും അനുപമ ആരോപിച്ചു. തട്ടിയെടുക്കപെട്ട സ്വന്തം കുഞ്ഞിനെ തിരിച്ച് കിട്ടാനായി സെക്രട്ടറിയേറ്റിന് മുമ്പിൽ സമരം ആരംഭിച്ചു. ഇന്ന് ആരംഭിച്ച സമരം കുഞ്ഞിനെ തിരികെ ലഭിക്കുന്നത് വരെ തുടരുമെന്നാണ് അനുപമ പറഞ്ഞിരിക്കുന്നത്. പോലീസിലും വനിതാ കമ്മീഷനിലും പ്രതീക്ഷ ഇല്ലെന്ന് ആരോപിച്ചാണ് പരാതിക്കാരിയായ അനുപമയും ഭർത്താവ് അജിത്തും സെക്രട്ടറിയേറ്റ് പടിക്കൽ നിരാഹാര സമരം തുടങ്ങിയത്.

പാർട്ടി സെക്രട്ടറി എ വിജയരാഘവനെ നേരിട്ട് കണ്ട് പരാതി നൽകിയിരുന്നെന്നും അനുപമ വ്യക്തമാക്കി. എന്നിട്ടും നടപടിയൊന്നുമുണ്ടായില്ല. അതേസമയം കുഞ്ഞിനെ തിരിച്ചുകിട്ടാനായി അനുപമ നടത്തുന്ന നിയമ പോരാട്ടത്തിന് പിന്തുണ പ്രഖ്യാപിച്ച് എ. വിജയരാഘവൻ രാവിലെ രംഗത്തെത്തിയിരുന്നു. സിപിഎം ഒരു പാർട്ടിയെയും പിന്തുണയ്ക്കില്ലെന്നും അമ്മയ്ക്ക് ആവിശ്യമായ എല്ലാ നിയമസഹായവും നൽകുമെന്നും സിപിഎം ആക്ടിങ് സെക്രട്ടറിയായ വിജയരാഘവൻ പറഞ്ഞു. വിഷയം പാർട്ടിയുടെ പരിധിയിൽ വരുന്നതല്ലെന്നും നിയമപരമായി പരിഹാരം കാണേണ്ടതാണെന്നും അദ്ദേഹം കൂട്ടിച്ചേർത്തു.

മകളെ തിരിച്ചുകിട്ടാനായി ഇന്ന് സെക്രട്ടറിയേറ്റിന്റെ മുമ്പിൽ നിരാഹാര സമരമിരിക്കുമെന്ന് അനുപമ വ്യക്തമാക്കിയിരുന്നു. അതേസമയം കുഞ്ഞിനെ തട്ടിയെടുത്ത സംഭവത്തിൽ ആരോഗ്യമന്ത്രി ഇന്ന് രാവിലെ നേരിട്ടുള്ള ഇടപെടൽ നടത്തിയിരുന്നു. അനുപമയെ മന്ത്രി വീണ ജോർജ് നേരിട്ട് വിളിച്ച് സംസാരിച്ചു. പോലീസിലും വനിതാ കമ്മീഷനിലും പോലീസിലും വനിതാ കമ്മീഷനിലും പ്രതീക്ഷ ഇല്ലെന്ന് ആരോപിച്ച് സെക്രട്ടറിയേറ്റിന് മുമ്പിൽ ഇന്ന് മുതൽ സമരം തുടങ്ങാനിരിക്കെയാണ് മന്ത്രി നേരിട്ട് ഇടപെട്ടത്. ഞാനും ഒരമ്മയാണെന്നും എനിക്ക് കാര്യങ്ങൾ മനസ്സിലാകുമെന്നും മന്ത്രി പറഞ്ഞു. വീഴ്ചകളിൽ നടപടി ഉണ്ടാകുമെന്ന് മന്ത്രി ഉറപ്പ് നൽകിയെന്നും അനുപമ പറഞ്ഞു.

കുഞ്ഞിനെ അമ്മയിൽ രക്ഷിതാക്കൾ വേർപെടുത്തിയ സംഭവത്തിൽ വകുപ്പ് തല അന്വേഷണം ആരംഭിച്ചതായി ആരോഗ്യ – വനിതാ ശിശുവികസന വകുപ്പ് മന്ത്രി വീണാ ജോർജ്ജ് ഇന്നലെ വ്യക്തമാക്കിയിരുന്നു. അന്വേഷണ ചുമതല വനിത ശിശുക്ഷേമ വകുപ്പ് സെക്രട്ടറിക്കാണ്. അമ്മയ്ക്ക് കുഞ്ഞിനെ നൽകുകയാണ് അഭികാമ്യമെന്നും അത് സാധ്യമാക്കുന്നതിനാണ് പ്രാധാന്യമെന്നും മന്ത്രി വ്യക്തമാക്കി.

Tags
Show More

Related Articles

Leave a Reply

Your email address will not be published. Required fields are marked *

Back to top button
Close