INDIANEWSTrending

രാജ്യത്തെ വൈദ്യുതി ഉത്പാദനത്തെ അടക്കം ബാധിക്കുന്ന വിധത്തിൽ കൽക്കരി ക്ഷാമം; പരിഹാരം കാണാനൊരുങ്ങി കേന്ദ്രസർക്കാർ

ഡൽഹി: രാജ്യത്തെ കൽക്കരി ക്ഷാമത്തിന് പരിഹാരം കാണാൻ കേന്ദ്രസർക്കാർ ശ്രമം. രാജ്യത്തെ വൈദ്യുതി ഉത്പാദനത്തെ അടക്കം ബാധിക്കുന്ന വിധത്തിൽ കൽക്കരി ക്ഷാമം രൂക്ഷമായതോടെയാണ് കേന്ദ്ര ഇടപെടൽ. കൽക്കരി ക്ഷാമം രൂക്ഷമായതോടെ സിമന്റ് , അലൂമിനിയം ഉത്പാദനവും രാജ്യത്ത് പ്രതിസന്ധിയിലായി. സിമന്റ് വിലയിൽ ഒരാഴ്ചക്കിടെ 150 രൂപയുടെ വർധനയാണ് ഉണ്ടായിരിക്കുന്നത്.

കൽക്കരി വകുപ്പ് സെക്രട്ടറി അനിൽ കുമാർ ജെയിന്റെ നേതൃത്വത്തിൽ കൽക്കരി വ്യവസായ സംഘടനയുടെ യോഗം ചേർന്നു. കൽക്കരി സംഭരണ ചട്ടങ്ങൾ ലളിതമാക്കാൻ യോഗം തീരുമാനിച്ചു. അതിനിടെ, റിസര്‍വ് ബാങ്കിന്‍റെ അര്‍ദ്ധപാദ വായ്പ നയ അവലോകനം ഇന്ന് നടക്കും. ധനനയ സമിതി യോഗത്തിനു ശേഷം റിസര്‍വ് ബാങ്ക് ​ഗവര്‍ണ്ണര്‍ ശക്തികാന്ത ദാസ് തീരുമാനങ്ങള്‍ പ്രഖ്യാപിക്കും.

നിലവിലെ സാഹചര്യത്തില്‍ റിപ്പോ നിരക്കുകളില്‍ മാറ്റം വരുത്താന്‍ റിസര്‍വ് ബാങ്ക് തയ്യാറാകില്ലെന്നാണ് സൂചന. കഴിഞ്ഞ 7 അവലോകന യോഗങ്ങളിലും പലിശ നിരക്കില്‍ മാറ്റം വരുത്താന്‍ ധനനയ സമിതി തയ്യാറായിരുന്നില്ല. അതേ സമയം ഇന്ധന വില ഉയരുന്ന സാഹചര്യത്തില്‍ രാജ്യത്ത് പണപ്പെരുപ്പവും കൂടാനുള്ള സാധ്യതയും ധനനയ സമിതി യോഗം വിലയിരുത്തും.

Tags
Show More

Related Articles

Leave a Reply

Your email address will not be published. Required fields are marked *

Back to top button
Close