INDIANEWSTrending

സംഘപരിവാർ അക്രമത്തിൽ നിന്ന് രക്ഷ നേടാൻ ക്രിസ്ത്യാനികളോട് ഞായറാഴ്ച പള്ളിയിൽ പോകരുതെന്ന് പോലീസ്; വിചിത്ര നിലപാട് സാമുദായിക സൗഹാർദം നിലനിർത്താൻ വേണ്ടിയുള്ള ഉപദേശമെന്നും വാദം

സംഘപരിവാർ ആക്രമണങ്ങളിൽ നിന്ന് രക്ഷ നേടാൻ ക്രിസ്ത്യാനികളോട് ഞായറാഴ്ച പള്ളിയിൽ പോകരുതെന്ന് പോലീസിന്റെ ഉപദേശം. കർണാടകയിലെ ക്രിസ്ത്യൻ സമൂഹത്തോടാണ് പോലീസിന്റെ വിചിത്ര നിലപാട്. മതപരിവർത്തനം ആരോപിച്ച് ക്രിസ്ത്യൻ പുരോഹിതന്മാർക്ക് നേരെ അക്രമം നടന്നതിനെ തുടർന്നാണ് പോലീസിന്റെ നിർദ്ദേശം.

കർണാടകയിലെ ബെലഗവിയിലാണ് സംഭവം. സംഘർഷം ഒഴിവാക്കാൻ ഞായറാഴ്ചത്തെ പ്രാർത്ഥനാ സംഗമങ്ങൾ ഒഴിവാക്കാൻ ക്രിസ്ത്യൻ പുരോഹിതന്മാർക്ക് പൊലീസ് നിർദേശം നൽകി. ദി ന്യൂസ്​ മിനുട്ട്’​ വാർത്താ മാധ്യമമാണ് വാർത്ത പുറത്തെത്തിച്ചത്. സംഘ്പരിവാർ സംഘങ്ങളുടെ ആക്രമണമുണ്ടാകാൻ സാധ്യതയുണ്ട്. ഇതിനാൽ പ്രാർത്ഥനാ സംഗമങ്ങൾ ഒഴിവാക്കണമെന്നും തങ്ങൾക്ക് സംരക്ഷണം നൽകാനാകില്ലെന്നുമാണ് പൊലീസ് പ്രദേശത്തെ പുരോഹിതന്മാരെ വിളിച്ച് അറിയിച്ചതെന്ന് വൈദികനായ തോമസ് ജോൺസൻ ‘ന്യൂസ് മിനുട്ടി’നോട് പറഞ്ഞു.

എന്നാൽ ഔദ്യോഗിക ഉത്തരവോ നിരോധനമോ ആയിട്ടല്ല പൊലീസ് ഇക്കാര്യം നിർദേശിച്ചത്. സാമുദായിക സൗഹാർദം നിലനിർത്താൻ വേണ്ടിയുള്ള ഉപദേശമായിരുന്നു. വൈദികനായ ചെറിയാൻ ആക്രമിക്കപ്പെട്ട സംഭവത്തെ തുടർന്ന് പൊലീസ് പറഞ്ഞത് ചർച്ചുകളിൽ വേണമെങ്കിൽ പ്രാർത്ഥന നടത്തിക്കൊള്ളൂവെന്നാണ്. സ്വകാര്യ വസതിയിലോ വാടകയ്‌ക്കെടുത്ത കെട്ടിടങ്ങളിലോ നടത്തരുതെന്നു പറഞ്ഞുവെന്നും തോമസ് ജോൺസൻ പറഞ്ഞു. ബെലഗവിയിൽ നടക്കുന്ന കർണാടക നിയമസഭയുടെ ശീതകാല സമ്മേളനം തീരുന്നതുവരെ പ്രാർത്ഥനാ സംഗമങ്ങൾ ഒഴിവാക്കാനാണ് പൊലീസ് നിർദേശം.

ഡിസംബർ 13 മുതൽ 24 വരെ നടക്കുന്ന സമ്മേളനത്തിൽ വിവാദ മതപരിവർത്തന നിരോധന ബില്ല് അവതരിപ്പിക്കപ്പെടുമെന്നാണ് കരുതപ്പെടുന്നത്. പ്രാർത്ഥനാ സംഗമങ്ങൾ ഒഴിവാക്കണമെന്ന നിർദേശവുമായി 15ഓളം പുരോഹിതന്മാരെ പൊലീസ് സമീപിച്ചിട്ടുണ്ട്. ഏതാനും മാസങ്ങളായി ശ്രീരാമസേന, ബജ്​രംഗ്​ദൾ അടക്കമുള്ള ഹിന്ദുത്വ സംഘടനകളുടെ നേതൃത്വത്തിൽ ക്രിസ്ത്യൻ പുരോഹിതന്മാർക്കെതിരെ നിരവധി അക്രമങ്ങളാണ് നടന്നത്. നിർബന്ധിത മതപരിവർത്തനം ആരോപിച്ചായിരുന്നു ആക്രമണം. മതപരിവർത്തന നിരോധന നിയമം കൊണ്ടുവരാനുള്ള ബിജെപി സർക്കാർ നീക്കത്തിന്‍റെ ഭാഗമാണ് ഈ അക്രമങ്ങളെന്നാണ് ക്രിസ്ത്യൻ സമൂഹം കരുതുന്നത്.

പ്രാർഥനാ യോഗങ്ങൾക്കായി വാടകയ്‌ക്കെടുത്ത കെട്ടിടങ്ങളുടെ ഉടമസ്ഥരിൽ ഭൂരിഭാഗവും പ്രാർത്ഥനാ യോഗങ്ങൾക്ക് സ്ഥലം നൽകാത്ത അവസ്​ഥയാണുള്ളതെന്ന്​ പാസ്റ്റർ ജോൺസൺ പറയുന്നു. ചിലരെ ഹിന്ദുത്വ തീവ്രവാദ ഗ്രൂപ്പുകൾ ഭീഷണിപ്പെടുത്തുകയും ചെയ്യുന്നുണ്ട്​. ബെലഗാവിയിലെ ഫുൾ ഗോസ്പൽ ചർച്ചുമായി ബന്ധപ്പെട്ട മിക്ക പാസ്റ്റർമാരും പള്ളിയില്ലാത്തതിനാൽ വാടക ഹാളുകളിലാണ്​ പ്രാർത്ഥന സെഷനുകൾ നടത്തുന്നത്​. ഇപ്പോൾ അവരെല്ലാം ശ്രീരാമസേന പോലുള്ള ഹിന്ദുത്വ സംഘടനകളുടെ നിരീക്ഷണത്തിലാണ്.

കൂടുതൽ വാർത്തകൾക്കും തത്സമയ വീഡിയോകൾക്കും ഞങ്ങളുടെ വാട്സാപ് ​ഗ്രൂപ്പിൽ അം​ഗമാകുക..

https://chat.whatsapp.com/HMMeQ750WbAGk1h8JNOQa9

വീഡിയോകൾക്ക് സന്ദർശിക്കുക മീഡിയമംഗളം യൂട്യൂബ്‌

https://www.youtube.com/channel/UCrbd0IZKIPud_hB8-5nsMLA

Tags
Show More

Related Articles

Leave a Reply

Your email address will not be published. Required fields are marked *

Back to top button
Close