KERALANEWS

സിവില്‍ സര്‍വീസ് പരീക്ഷ; കൂടുതല്‍ സര്‍വീസുമായി കെഎസ്ആര്‍ടിസി

തിരുവനന്തപുരം: സിവിൽ സർവീസ് പരീക്ഷ കണക്കിലെടുത്ത് അമിത തിരക്ക് അനുഭവപ്പെടാൻ സാധ്യതയുള്ളതിനാൽ കൂടുതൽ സർവീസ് നടത്തുമെന്ന് കെഎസ്ആർടിസി. പരീക്ഷ ദിവസവും അതിന്റെ തലേദിവസവും പരീക്ഷാകേന്ദ്രങ്ങൾ കേന്ദ്രീകരിച്ചും, റെയിൽവേ സ്‌റ്റേഷൻ, ബസ് സ്റ്റാൻഡ് എന്നിവിടങ്ങളിലേക്ക് സർവീസുകൾ നടത്തും.

യാത്രക്കാരുടെ അമിത തിരക്ക് അനുഭവപ്പെടാൻ സാധ്യതയുള്ളതിനാൽ എല്ലാ പരീക്ഷ സെന്ററുകളിലേക്കും ആവശ്യമായ സർവീസുകൾ നടത്താൻ ബന്ധപ്പെട്ട യൂണിറ്റ് അധികാരികൾക്ക് സിഎംഡി നിർദ്ദേശം നൽകി. ബോണ്ട് സർവീസുകൾ ഉദ്യോഗാർത്ഥികൾക്ക് ലഭ്യമാകുന്നതിന് വേണ്ടി മുൻകൂട്ടി റിസർവേഷൻ സൗകര്യം ബന്ധപ്പെട്ട യൂണിറ്റ് അധികാരികൾ ഏർപ്പെടുത്തും.

എല്ലാ ജനറൽ വിഭാഗം ഇൻസ്‌പെക്ടർമാരും സർപ്രൈസ് സ്‌ക്വാഡ് യൂണിറ്റ് ഇൻസ്‌പെക്ടർമാരും അന്നേദിവസം കാര്യക്ഷമമായി ബസ് പരിശോധന നടത്തുകയും യാത്രക്കാർക്ക് സൗകര്യപ്രദമായ രീതിയിൽ യൂണിറ്റ് അധികാരികൾ ഷെഡ്യൂൾ ക്രമീകരിച്ച് അയക്കുകയും ചെയ്യും.

ഈ ദിവസങ്ങളിൽ യൂണിറ്റ് അധികാരികൾ യൂണിറ്റ് കേന്ദ്രീകരിച്ച് സർവീസ് ഓപ്പറേഷന് മേൽനോട്ടം വഹിക്കും. ബന്ധപ്പെട്ട സോണൽ എക്‌സിക്യൂട്ടീവ് ഡയറക്ടർമാർ സർവീസ് ഓപ്പറേറ്റ് മായി ബന്ധപ്പെട്ട പ്രവർത്തനങ്ങൾ ഏകോപിപ്പിക്കുകയും ചെയ്യുമെന്നും കെഎസ്ആർടിസി വാർത്താ കുറിപ്പിൽ അറിയിച്ചു.

Tags
Show More

Related Articles

Leave a Reply

Your email address will not be published. Required fields are marked *

Back to top button
Close