INDIANEWS

പീഡനക്കേസിൽ കുരുങ്ങി സംവിധായകന്‍ എസ്. ശങ്കറിന്റെ മരുമകന്‍; കേസ് പീഡനത്തിന് ഇരയാക്കിയെന്ന് 16 വയസുകാരിയുടെ പരാതിയെ തുടർന്ന്

ചെന്നൈ: പീഡനക്കേസിൽ കുരുങ്ങി സംവിധായകന്‍ എസ്. ശങ്കറിന്റെ മരുമകന്‍. രോഹിത് ദാമോദരനെതിരെയാണ് പ്രായപൂര്‍ത്തിയാവാത്ത പെണ്‍കുട്ടിയെ ലൈംഗിക പീഡനത്തിന് ഇരയാക്കിയെന്ന കേസിൽ 16 വയസുകാരി പരാതി നല്‍കിയത്. പരാതിയില്‍ രോഹിത് ദാമോദരനും മറ്റ് അഞ്ച് പേര്‍ക്കെതിരേയും പോക്‌സോ ചുമത്തി കേസ് എടുത്തിട്ടുണ്ട്.

ഒരു ക്രിക്കറ്റ് ക്ലബിന്റെ ക്യാപ്റ്റനാണ് രോഹിത്. ഈ വര്‍ഷമാണ് രോഹിത്തും ശങ്കറിന്റെ മകളും തമ്മിലുള്ള വിവാഹം നടന്നത്.ക്ലബ് സെക്രട്ടറിയായ രോഹിതിന്റെ പിതാവ് ദാമോദരന്‍, ക്രിക്കറ്റ് പരിശീലകന്‍ താമരൈ കണ്ണന്‍ എന്നിവരോടൊപ്പം മറ്റ് രണ്ടുപേര്‍ക്കെതിരെയും പരാതിയുണ്ടെന്നാണ് റിപ്പോര്‍ട്ടുകള്‍ പറയുന്നത്.

ക്രിക്കറ്റ് കോച്ചിംഗിന് പോയ സമയത്ത് പ്രതികള്‍ തന്നെ ലൈംഗികമായി പീഡിപ്പിച്ചതായി പെണ്‍കുട്ടി പരാതിയില്‍ പറഞ്ഞു. അധികൃതര്‍ക്ക് പരാതി നല്‍കിയാല്‍ ഗുരുതരമായ പ്രത്യാഘാതങ്ങള്‍ നേരിടേണ്ടിവരുമെന്ന് ഭീഷണിപ്പെടുത്തിയെന്നും പെണ്‍കുട്ടി പറഞ്ഞു. ഇതിന് പിന്നാലെ ശിശു ക്ഷേമ വകുപ്പിന് കുട്ടി കത്തെഴുതുകയായിരുന്നു.

Tags
Show More

Related Articles

Leave a Reply

Your email address will not be published. Required fields are marked *

Back to top button
Close