KERALANEWSTop News

ആശുപത്രിക്കുള്ളിലെ ഖര മാലിന്യങ്ങൾ ശേഖരിച്ചു സംസ്‌കരിച്ചു വിൽക്കുന്നതിലൂടെ കണ്ടെത്തുന്നത് പ്രതിമാസം ഒന്നര ലക്ഷത്തിലധികം രൂപ; സംസ്ഥാന ശുചിത്വ മിഷന്റെ അംഗീകാരം; കോട്ടയം മെഡിക്കൽ കോളേജിന് ഇത് അഭിമാന നിമിഷം

കോട്ടയം: ആശുപത്രിക്കുള്ളിലെ ഖര മാലിന്യങ്ങൾ ശേഖരിച്ചു സംസ്‌കരിച്ചു വിൽക്കുന്നതിലൂടെ കോട്ടയം മെഡിക്കൽ കോളേജ് കണ്ടെത്തുന്നത് പ്രതിമാസം ഒന്നര ലക്ഷത്തിലധികം രൂപ. ആശുപത്രി അധികൃതർ കുടുംബശ്രീ പ്രവർത്തകരുമായി സഹകരിച്ച് പ്രവർത്തിച്ചാണ് ഈ നേട്ടം കൈവരിച്ചിരിക്കുന്നത് . സംസ്ഥാന ശുചിത്വ മിഷന്റെ അംഗീകാരവും ഇവരെ തേടിയെത്തി.

നേരത്തെ ആശുപത്രിയിലെ മാലിന്യങ്ങൾ കുഴിച്ചു മുടുന്നതായിരുന്നു രീതി. ഇതു ഒഴിവാക്കി 2019 മുതലാണ് മാലിന്യ സംസ്കരണം തുടങ്ങിയത്. മെഡിക്കൽ കോളേജിലെ പ്ലാസ്റ്റിക്‌ മാലിന്യങ്ങൾ, പേപ്പറുകൾ, കാർഡ് ബോർഡുകൾ തുടങ്ങിയവ ദിവസവും ശേഖരിച്ച് വിൽക്കുന്നതിലൂടെയായിരുന്നു വരുമാനം കണ്ടത്തിയത്.

കാർഡ് ബോർഡ് വിൽപന നല്ല വരുമാനം ആണ് നൽകുന്നത്. ഇതിലൂടെ മാത്രം പ്രതി വർഷം 10 ലക്ഷം രൂപ ലഭിക്കും. ടെൻഡർ സ്വീകരിച്ചുള്ള വിൽപന ഈരാറ്റുപേട്ടയിലെ ഒരു കമ്പനി ആണ് ഏറ്റെടുത്തിരിക്കുന്നത്. ഇവ പ്ലാസ്റ്റിക്കിന്റെ കനം അനുസരിച്ചു വേർതിരിച്ച്. ബൈലിങ് യന്ത്രത്തിലൂടെ ഇവ രൂപപ്പെടുത്തിയെടുത്തു പാക്ക് ചെയ്താണ് വിറ്റഴിക്കുന്നത്. കിട്ടുന്ന പണം ആശുപത്രിയുടെ വികസനത്തിന് ഉപയോഗിക്കും.

ജൂനിയർ ഹെൽത്ത് ഇൻസ്പെക്ടറുടെ നേതൃത്വത്തിൽ 21 കുടുംബശ്രീ പ്രവർത്തകർ ആണ് ജോലി ചെയ്യുന്നത്. ഇതിനായി ഇവർക്ക് പ്രത്യേക പരിശീലനം നൽകിയിട്ടുണ്ട്. ദിവസവും അര ടൺ മാലിന്യം ഇവർ തരം തിരിക്കുന്നു.അടുത്ത ഘട്ടത്തിൽ ആശുപത്രിയെ കൂടാതെ ഹോസ്റ്റലുകളും മറ്റു കേന്ദ്രങ്ങളും പദ്ധതിയിൽ ഉൾപ്പെടുതാൻ ആണ് തീരുമാനം

Tags
Show More

Related Articles

Leave a Reply

Your email address will not be published. Required fields are marked *

Back to top button
Close