KERALANEWS

മൂന്നാർ ചിന്നക്കനാലിൽ കാട്ടാന ചെരിഞ്ഞ സംഭവം; ആനയെ ഷോക്കടിപ്പിച്ച് കൊലപ്പെടുത്തിയത് വൈദ്യുതി ഉയർന്ന തോതിൽ കടത്തിവിട്ട്; പ്രതി പോലീസ് പിടിയിൽ

ചിന്നക്കനാൽ: മൂന്നാർ ചിന്നക്കനാലിൽ കാട്ടാന ചെരിഞ്ഞ സംഭവത്തിൽ പോലീസ് പ്രതിയെ അറസ്റ്റ് ചെയ്തു. ചിന്നക്കനാൽ 301 കോളനിയിൽ കാട്ടാന വൈദ്യുതാഘാതമേറ്റ് ​െചരിഞ്ഞ സംഭവത്തിൽ പ്രതി അറസ്​റ്റിൽ. 301 കോളനിയിൽ പാൽക്കുളംകുടിയിൽ സുരേഷാണ്​ (41) അറസ്​റ്റിലായത്. ഷോക്കേറ്റ് മരിച്ച കാട്ടാനയെ കൊലപ്പെടുത്തിയതാണെന്ന് വനം വകുപ്പ് കണ്ടെത്തിയിരുന്നു.

ആഗസ്​റ്റ്​ 13ന്​ പുലർച്ചയാണ് കാട്ടാനയെ ചെരിഞ്ഞ നിലയിൽ കണ്ടെത്തിയത്.​ സുരേഷിന്റെ വീടിന് സമീപത്തെ കാട്ടിൽ 45വയസ്സുള്ള പിടിയാനയെ ഷോക്കേറ്റ്​ ചെരിഞ്ഞ നിലയിലായിരുന്നു​. കാട്ടുമൃഗങ്ങളെ തടയാൻ സ്ഥാപിച്ച സോളാർ വേലിയിലേക്ക് വൈദ്യുതി ഉയർന്ന തോതിൽ കടത്തിവിട്ടാണ് ഇയാൾ ആനയെ കൊലപ്പെടുത്തിയത്. വിവരമറിഞ്ഞ് എത്തിയ വനപാലകർ സുരേഷിന്റെ വീട്ടിൽനിന്ന്​ കേബിളുകൾ കണ്ടെടുത്തിരുന്നു.

എന്നാൽ, പ്രതി ഒളിവിൽ പോയതോടെ പിടികൂടാൻ കഴിഞ്ഞില്ല. ഇയാൾ ഇതിനിടെ മുൻകൂർ ജാമ്യത്തിനും ശ്രമിച്ചിരുന്നു. എറണാകുളത്തും ചാറ്റുപാറയിലുമായി ഒളിവിൽ കഴിഞ്ഞശേഷം തിങ്കളാഴ്ച രാത്രി കോളനിയിൽ സുഹൃത്തിന്റെ വീട്ടിൽ സൂക്ഷിച്ചിരുന്ന ബൈക്ക് എടുക്കാൻ എത്തിയ​തറിഞ്ഞാണ്​ വനപാലകർ പിടികൂടിയത്​. അറസ്​റ്റിലായ സുരേഷിന്റെ വീട്ടിൽനിന്ന്​ ബാക്കി കേബിൾ കൂടി കണ്ടെത്തി. നെടുംകണ്ടം കോടതി പ്രതിയെ റിമാൻഡ് ചെയ്തു.

Tags
Show More

Related Articles

Leave a Reply

Your email address will not be published.

Back to top button
Close