Breaking NewsINDIANEWS

താലി കഴുത്തിൽ തുളച്ചുകയറി യുവതിക്ക് ​ദാരുണാന്ത്യം

താലി കഴുത്തിൽ തുളച്ചുകയറി യുവതിക്ക് ​ദാരുണാന്ത്യം. ഡൽഹിയിലെ ഗാന്ധി നഗർ ഏരിയയിൽ രഘുവീർ പുര 2 ലെ 4 ലെയ്‌നിൽ താമസിക്കുന്ന രാധാദേവിയാണ് മരിച്ചത്. വെള്ളിയാഴ്ച്ചയാണ് 22കാരിയായ യുവതി കോണിപ്പടിയിൽ നിന്നും വീണതിനെ തുടർന്ന് താലി കഴുത്തിൽ തുളച്ചുകയറിയത്.

ഗാന്ധി നഗറിലെ രഘുവീർ പുര 2 ലെ 4 ലെയ്‌നിലെ വീട്ടിൽ ഒരു സ്ത്രീ ബോധരഹിതയായി വീണതായി ഉച്ചയ്ക്ക് 12.39 ന് പോലീസ് കൺട്രോൾ റൂമിൽ വിവരം ലഭിച്ചതിനെ തുടർന്ന് പോലീസ് സംഭവസ്ഥലത്തെത്തി. തൊണ്ടയിൽ മുറിവേറ്റ പാടുകളോടെ രാധാദേവി എന്ന സ്ത്രീ ഗോവണിപ്പടിയിൽ കിടക്കുന്നതായി പോലീസ് കണ്ടെത്തി. കോണിപ്പടിയിൽ തെന്നി വീണതിനാൽ കഴുത്തിൽ താലിമാലയിലെ ലോക്കറ്റ് കുടുങ്ങിയെന്നു പരുക്കുകൾ സൂചിപ്പിക്കുന്നതായി പോലീസ് പറഞ്ഞു. പരിക്കേറ്റ യുവതി മരണത്തിന് കീഴടങ്ങുകയായിരുന്നു.

സംഭവസമയത്ത് യുവതിയുടെ നാല് വയസ്സുള്ള മകൻ കൂടെയുണ്ടായിരുന്നുവെന്ന് ഒരു പോലീസ് ഉദ്യോഗസ്ഥൻ പറഞ്ഞു. അമ്മ തുണി ഉണക്കാൻ ടെറസിലേക്ക് പോയെന്നും ഇറങ്ങുന്നതിനിടെ കോണിപ്പടിയിൽ നിന്ന് തെന്നി വീഴുകയായിരുന്നുവെന്നും കുട്ടി പോലീസിനോട് പറഞ്ഞു. അവരുടെ തൊണ്ടയിൽ മുറിവേറ്റ പാടുകൾ ഉണ്ടായിരുന്നു. കോണിപ്പടിയിൽ നിന്ന് വീഴുമ്പോൾ, ധരിച്ചിരുന്ന ലോക്കറ്റിൽ നിന്ന് കഴുത്തിൽ ആഴത്തിലുള്ള മുറിവേൽക്കുകയായിരുന്നു.

കുട്ടി കെട്ടിടത്തിലെ മറ്റ് വാടകക്കാരെ വിവരം അറിയിക്കുകയും അവർ യുവതിയുടെ ഭർത്താവിനെ വിളിക്കുകയും ചെയ്തു. രഘുബീർ പുരയിൽ തയ്യൽക്കാരനായ ഭർത്താവ് അനിൽ പാസ്വാൻ സംഭവം നടക്കുമ്പോൾ ജോലിസ്ഥലത്തായിരുന്നുവെന്ന് പോലീസ് പറഞ്ഞു. ബീഹാറിലെ മധുബനിയിലെ കോതിയ ഗ്രാമത്തിൽ നിന്നുള്ള കുടുംബത്തിലാണ് ദാരുണസംഭവം അരങ്ങേറിയത്.

സംഭവത്തിൽ ഇതുവരെ ദുരൂഹതയൊന്നും കണ്ടെത്തിയിട്ടില്ലെന്ന് പോലീസ് പറഞ്ഞു. ക്രൈം സംഘവും ഫോറൻസിക് സംഘവും സംഭവസ്ഥലം സന്ദർശിച്ചു. മൃതദേഹം പോസ്റ്റ്‌മോർട്ടത്തിനായി ജിടിബി ആശുപത്രിയിലേക്ക് മാറ്റി. കൂടുതൽ അന്വേഷണം പുരോഗമിക്കുകയാണ് എന്ന് പോലീസ് ഉദ്യോഗസ്ഥൻ പറഞ്ഞു.

Show More

Related Articles

Leave a Reply

Your email address will not be published.

Back to top button
Close